ਜਲੰਧਰ— ਪੰਜਾਬੀ ਗਾਇਕ ਤੋਂ ਅਭਿਨੇਤਾ ਬਣੇ ਨਿੰਜਾ ਨੇ ਆਪਣਾ ਭਾਰ ਘਟਾਉਣ ਤੇ ਵਧੀਆ ਦਿਖਣ 'ਚ ਕਿੰਨੀ ਮਿਹਨਤ ਕੀਤੀ ਹੈ, ਇਸ ਅਸੀਂ ਸਾਰੇ ਜਾਣਦੇ ਹਾਂ। ਕਈ ਸਾਲਾਂ ਦੀ ਮਿਹਨਤ ਤੋਂ ਬਾਅਦ ਨਿੰਜਾ ਅੱਜ ਸੁਪਰਸਟਾਰ ਹੈ। ਗਾਇਕੀ ਦੇ ਨਾਲ-ਨਾਲ ਅਸੀਂ 'ਚੰਨਾ ਮੇਰਿਆ' 'ਚ ਨਿੰਜਾ ਦੀ ਅਦਾਕਾਰੀ ਵੀ ਦੇਖ ਚੁੱਕੇ ਹਾਂ। ਫਿਲਮ 'ਚ ਨਿੰਜਾ ਦੀ ਬਾਡੀ ਦੇਖਣ ਨੂੰ ਮਿਲ ਰਹੀ ਹੈ, ਜਿਸ ਤੋਂ ਕਈ ਕੁੜੀਆਂ ਇੰਪਰੈੱਸ ਹੋਈਆਂ। ਹਾਲ ਹੀ 'ਚ ਨਿੰਜਾ ਨੇ 'ਗਲਿੰਪਸ ਮੈਗਜ਼ੀਨ' ਲਈ ਫੋਟੋਸ਼ੂਟ ਕਰਵਾਇਆ ਹੈ। ਇਸ ਫੋਟੋਸ਼ੂਟ 'ਚ ਨਿੰਜਾ ਦੇ ਸਿਕਸ ਪੈਕ ਐਬਸ ਤੇ ਫਿਟ ਬਾਡੀ ਸਾਫ ਨਜ਼ਰ ਆ ਰਹੀ ਹੈ। ਫੋਟੋਸ਼ੂਟ 'ਚ ਨਿੰਜਾ ਦੀ ਲੁੱਕ ਦੇਖ ਕੇ ਕੋਈ ਵੀ ਉਸ ਦਾ ਦੀਵਾਨਾ ਬਣ ਜਾਵੇਗਾ। ਦੱਸਣਯੋਗ ਹੈ ਕਿ ਨਿੰਜਾ ਨੇ ਇਹ ਫੋਟੋਸ਼ੂਟ ਗਲਿੰਪਸ ਮੈਗਜ਼ੀਨ ਦੇ ਅਗਸਤ ਅੰਕ ਲਈ ਕਰਵਾਇਆ ਹੈ।