ਜਲੰਧਰ (ਬਿਊਰੋ) : ਕਲਾ ਜਗਤ 'ਚ ਬਹੁਪੱਖੀ ਹੁਨਰ ਲਈ ਜਾਣੀ ਜਾਣ ਵਾਲੀ ਮਸ਼ਹੂਰ ਅਦਾਕਾਰਾ ਨਿਸ਼ਾ ਬਾਨੋ ਦਾ ਇਨ੍ਹੀਂ ਦਿਨੀਂ ਪੰਜਾਬੀ ਫਿਲਮ ਇੰਡਸਟਰੀ ਕਾਫੀ ਬੋਲ-ਬਾਲਾ ਹੈ। ਇਨ੍ਹੀਂ ਦਿਨੀਂ ਨਿਸ਼ਾ ਬਾਨੋ ਆਪਣੀਆਂ ਖੂਬਸੂਰਤ ਤਸਵੀਰਾਂ ਕਾਰਨ ਹਰ ਪਾਸੇ ਛਾਈ ਹੋਈ ਹੈ।
ਉਸ ਦੀ ਸਾਦਗੀ, ਸੁੰਦਰਤਾ, ਦਿਲਕਸ਼ ਅੰਦਾਜ਼ ਤੇ ਸੁਰੀਲੀ ਸੁਰਾਂ ਦੀ ਮੱਲਿਕਾ ਨਿਸ਼ਾ ਬਾਨੋ ਨੂੰ ਅੱਜ ਕਿਸੇ ਰਸਮੀ ਪਛਾਣ ਦੀ ਮੋਹਤਾਜ ਨਹੀਂ ਹੈ ਕਿਉਂਕਿ ਉਨ੍ਹਾਂ ਨੇ ਆਪਣੀ ਮਿਹਨਤ ਸਦਕਾ ਫਿਲਮ ਇੰਡਸਟਰੀ 'ਚ ਵੱਖਰੀ ਪਛਾਣ ਕਾਇਮ ਕਰ ਲਈ ਹੈ।
ਹਾਲ ਹੀ 'ਚ ਨਿਸ਼ਾ ਬਾਨੋ ਨੇ ਆਪਣੀ ਆਫੀਸ਼ੀਅਲ ਇੰਸਟਾਗ੍ਰਾਮ ਅਕਾਊਂਟ 'ਤੇ ਕੁਝ ਤਸਵੀਰਾਂ ਪੋਸਟ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਹ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ।
ਉਸ ਦਾ ਦਿਲਕਸ਼ ਅੰਦਾਜ਼ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਉਸ ਦਾ ਸਾਦਗੀ ਤੇ ਦਿਲ ਖਿੱਚਵਾ ਅੰਦਾਜ਼ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।
ਉਹ ਹਮੇਸ਼ਾ ਹੀ ਫੈਨਜ਼ ਨਾਲ ਆਪਣੀਆਂ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ।
ਦੱਸ ਦਈਏ ਕਿ ਨਿਸ਼ਾ ਬਾਨੋ ਨੂੰ ਗਾਇਕੀ ਦੇ ਸ਼ੌਕ ਨਾਲ ਨਾਲ ਉਨ੍ਹਾਂ ਨੇ ਕਾਲਜ ਦੌਰਾਨ ਥੀਏਟਰ ਕਰਦੇ-ਕਰਦੇ ਪੰਜਾਬ ਦੇ ਨਾਮਵਾਰ ਕਾਮੇਡੀਅਨ ਭਗਵੰਤ ਮਾਨ ਨਾਲ ਮਿਲਕੇ ਕਈ ਪਲੇਅ ਸ਼ੋਅ ਵੀ ਕੀਤੇ।
ਆਪਣੇ ਗਾਇਕੀ ਦੇ ਸਫਰ ਨੂੰ ਅੱਗੇ ਤੋਰਦਿਆਂ ਨਿਸ਼ਾ ਬਾਨੋ ਦੀ ਮੁਲਾਕਾਤ ਮਸ਼ਹੂਰ ਗਾਇਕ ਤੇ ਅਦਾਕਾਰ ਕਰਮਜੀਤ ਅਨਮੋਲ ਨਾਲ ਹੋਇਆ।
ਕਰਮਜੀਤ ਅਨਮੋਲ ਨਾਲ ਮਿਲ ਕੇ ਨਿਸ਼ਾ ਨੇ 'ਲੱਕੀ ਫੋਰ ਮੀ', 'ਦੇਸੀ ਰੌਕਰ', 'ਗੁਰੂ ਕੇ ਬੇਟੇ' ਆਦਿ ਐਲਬਮ ਦਰਸ਼ਕਾਂ ਦੀ ਝੋਲੀ 'ਚ ਪਾਈਆਂ, ਜਿਥੇ ਸਰੋਤਿਆਂ ਨੇ ਉਨ੍ਹਾਂ ਦੀ ਸੁਰੀਲੀ ਗਾਇਕੀ ਨੂੰ ਪ੍ਰਵਾਨ ਕੀਤਾ।
ਉਥੇ ਹੀ ਪੰਜਾਬੀ ਫਿਲਮ ਇੰਡਸਟਰੀ 'ਚ 'ਫੇਰ ਮਾਮਲਾ ਗੜਬੜ੍ਹ ਗੜਬੜ੍ਹ', 'ਜੱਟ ਐਂਡ ਜੂਲੀਅਟ', 'ਜੱਟ ਬੁਆਏ ਪੁੱਤ ਜੱਟਾਂ ਦੇ', 'ਭਾਜੀ ਇੰਨ ਪ੍ਰੋਬਲਮ', 'ਰਾਂਝਾ ਰਫਿਊਜੀ', 'ਆਟੇ ਦੀ ਚਿੜੀ', 'ਮੈਰਿਜ ਪੈਲੇਸ' ਵਰਗੀਆਂ ਫਿਲਮਾਂ 'ਚ ਸ਼ਾਨਦਾਰ ਅਭਿਨੈ ਕੀਤਾ।
ਗਾਇਕੀ ਦੇ ਨਾਲ-ਨਾਲ ਨਿਸ਼ਾ ਬਾਨੋ ਨੇ ਪੰਜਾਬੀ ਫਿਲਮ ਇੰਡਰਸਟਰੀ 'ਚ ਵੀ ਆਪਣੇ ਨਾਂ ਦਾ ਡੰਕਾ ਵਜ੍ਹਾ ਦਿੱਤਾ ਹੈ।
