ਮੁੰਬਈ (ਬਿਊਰੋ)— ਰਿਐਲਿਟੀ ਸ਼ੋਅ 'ਬਿੱਗ ਬੌਸ' ਦੀ ਸਾਬਕਾ ਮੁਕਾਬਲੇਬਾਜ਼, ਮਾਡਲ ਅਤੇ ਅਦਾਕਾਰਾ ਨੋਰਾ ਫਤੇਹੀ ਅੱਜਕਲ 'ਸੱਤਯਮੇਵ ਜਯਤੇ' 'ਚ ਆਪਣੇ ਆਈਟਮ ਨੰਬਰ 'ਦਿਲਬਰ' ਨਾਲ ਲੋਕਾਂ ਦੇ ਦਿਲ ਜਿੱਤ ਰਹੀ ਹੈ।
ਗੀਤ 'ਚ ਉਨ੍ਹਾਂ ਦੇ ਡਾਂਸ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਗੀਤ ਦੇ ਹਿੱਟ ਹੋਣ ਤੋਂ ਬਾਅਦ ਨੋਰਾ ਨੂੰ ਇਕ ਵੱਡੀ ਫਿਲਮ ਮਿਲ ਗਈ ਹੈ।
ਉਹ ਸਲਮਾਨ ਖਾਨ ਦੀ ਫਿਲਮ 'ਭਾਰਤ' ਦੇ ਇਕ ਸਪੈਸ਼ਲ ਗੀਤ 'ਚ ਨਜ਼ਰ ਆ ਸਕਦੀ ਹੈ। ਸੂਤਰਾਂ ਮੁਤਾਬਕ ਸਲਮਾਨ ਖਾਨ ਅਤੇ ਫਿਲਮ 'ਭਾਰਤ' ਦੀ ਟੀਮ ਨੇ ਨੋਰਾ ਨੂੰ ਇਕ ਗੀਤ ਲਈ ਫਾਈਨਲ ਕਰ ਲਿਆ ਹੈ।
ਹਾਲਾਂਕਿ ਫਿਲਹਾਲ ਇਹ ਗੱਲ ਪੱਕੀ ਨਹੀਂ ਹੈ ਕਿ ਗੀਤ 'ਚ ਨੋਰਾ ਨਾਲ ਸਲਮਾਨ ਨਜ਼ਰ ਆਉਣਗੇ ਜਾਂ ਨਹੀਂ। ਕੁਝ ਸਮੇਂ ਪਹਿਲਾਂ ਨੋਰਾ ਨੇ ਕਿਹਾ ਸੀ ਕਿ ਉਹ ਕੁਝ ਚੰਗੇ ਪ੍ਰੋਜੈਕਟਸ 'ਚ ਕੰਮ ਕਰ ਰਹੀ ਹੈ। ਦੱਸ ਦੇਈਏ ਕਿ ਨੋਰਾ ਨੇ ਫਿਲਮ 'ਰੋਰ' ਨਾਲ ਆਪਣੇ ਬਾਲੀਵੁੱਡ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।