ਮੁੰਬਈ(ਬਿਊਰੋ)— ਅਜੇ ਦੇਵਗਨ ਦੇ ਪਿਤਾ ਵੀਰੂ ਦੇਵਗਨ ਦੀ ਸ਼ੌਕ ਸਭਾ 'ਚ ਪੂਰਾ ਦੇਵਗਨ ਪਰਿਵਾਰ ਇਕੱਠੇ ਨਜ਼ਰ ਆਇਆ ਅਤੇ ਇਸ ਦੌਰਾਨ ਦਾਦਾ ਜੀ ਦੀ ਸ਼ੌਕ ਸਭਾ 'ਚ ਅਜੇ ਦੇਵਗਨ ਦੀ ਧੀ ਨਿਆਸਾ ਦੇਵਗਨ ਕਾਫੀ ਭਾਵੁਕ ਦਿਸੀ। ਵੀਰਵਾਰ ਨੂੰ ਆਯੋਜਿਤ ਹੋਈ ਪ੍ਰੇਅਰ ਮੀਟ ਦੀਆਂ ਤਸਵੀਰਾਂ 'ਚ ਨਿਆਸਾ ਦੇਵਗਨ ਅੱਥਰੂ ਪੂੰਝਦੀ ਨਜ਼ਰ ਆਈ। ਇਸ ਦੌਰਾਨ ਅਜੇ ਦੇਵਗਨ ਨੇ ਉਸ ਨੂੰ ਸੰਭਾਲਿਆ।
ਦੱਸ ਦੇਈਏ ਕਿ ਅਜੇ ਦੇਵਗਨ ਅਤੇ ਕਾਜੋਲ ਦੀ ਧੀ ਨਿਆਸਾ ਦੇਵਗਨ ਸਿੰਗਾਪੁਰ 'ਚ ਪੜ੍ਹਾਈ ਕਰ ਰਹੀ ਹੈ। ਅਜੇ ਦਾ ਬੇਟਾ ਯੁੱਗ ਦੇਵਗਨ ਪ੍ਰੇਅਰ ਮੀਟ 'ਚ ਨਜ਼ਰ ਨਹੀਂ ਆਇਆ। 27 ਮਈ ਨੂੰ ਵੀਰੂ ਦੇਵਗਨ ਦੇ ਦਿਹਾਂਤ ਨਾਲ ਦੇਵਗਨ ਪਰਿਵਾਰ ਕਾਫੀ ਦੁੱਖੀ ਹੈ। ਸੰਸਕਾਰ ਦੇ ਦਿਨ ਕਾਜੋਲ ਸਹੁਰੇ ਦੇ ਜਾਣ ਨਾਲ ਕਾਫੀ ਭਾਵੁਕ ਨਜ਼ਰ ਆਈ।
ਪ੍ਰੇਅਰ ਮੀਟ 'ਚ ਸ਼ਰਧਾਂਜਲੀ ਦੇਣ ਲਈ ਬਾਲੀਵੁੱਡ ਦੇ ਵੱਡੇ ਸਿਤਾਰੇ ਪਹੁੰਚੇ। ਚੰਕੀ ਪਾਂਡੇ, ਮਹਿਮਾ ਚੌਧਰੀ, ਕਬੀਰ ਬੇਦੀ ਅਤੇ ਕਈ ਹੋਰ ਸਿਤਾਰੇ ਵੀਰੂ ਦੇਵਗਨ ਦੀ ਪ੍ਰੇਅਰ ਮੀਟ 'ਚ ਪਹੁੰਚੇ। ਅਜੇ ਦੇਵਗਨ ਦੇ ਪਿਤਾ ਦੀ ਮੌਤ ਨਾਲ ਸਦਮੇ 'ਚ ਗਏ ਅਮਿਤਾਭ ਬੱਚਨ ਵੀ ਪ੍ਰੇਅਰ ਮੀਟ 'ਚ ਬੇਟੇ ਅਭਿਸ਼ੇਕ ਨਾਲ ਪਹੁੰਚੇ।
ਵੀਰੂ ਦੇਵਗਨ ਦੀ ਮੌਤ ਤੋਂ ਬਾਅਦ ਇੰਡਸਟਰੀ ਹੁਣ ਤੱਕ ਸਦਮੇ 'ਚ ਹੈ। ਅਮਿਤਾਭ ਬੱਚਨ ਉਨ੍ਹਾਂ ਲੋਕਾਂ 'ਚੋਂ ਹਨ ਜੋ ਵੀਰੂ ਦੇਵਗਨ ਦੇ ਬਹੁਤ ਕਰੀਬ ਸਨ। ਵੀਰੂ ਦੇਵਗਨ ਦੇ ਜਾਣ ਨਾਲ ਅਮਿਤਾਭ ਨੂੰ ਵੱਡਾ ਝਟਕਾ ਲੱਗਾ ਹੈ।