ਮੁੰਬਈ(ਬਿਊਰੋ)— ਮਸ਼ਹੂਰ ਫਿਲਮ ਨਿਰਦੇਸ਼ਕ ਸੰਜੇ ਲੀਲਾ ਭੰਸਾਲੀ ਦੀ ਫਿਲਮ 'ਪਦਮਾਵਤ' ਜ਼ਬਰਦਸਤ ਕਮਾਈ ਕਰ ਰਹੀ ਹੈ। ਰਣਵੀਰ ਸਿੰਘ, ਦੀਪਿਕਾ ਪਾਦੂਕੋਣ ਤੇ ਸ਼ਾਹਿਦ ਕਪੂਰ ਸਟਾਰਰ ਫਿਲਮ ਬਾਕਸ ਆਫਿਸ 'ਤੇ 275 ਕਰੋੜ ਦਾ ਅੰਕੜਾ ਪਾਰ ਚੁੱਕੀ ਹੈ।
ਫਿਲਮ ਦੀ ਟੀਮ ਹੁਣ ਸੈਲੀਬ੍ਰੇਸ਼ਨ ਮੋਡ 'ਤੇ ਹਨ ਤੇ ਭੰਸਾਲੀ 24 ਫਰਵਰੀ ਨੂੰ ਗ੍ਰੈਂਡ ਪਾਰਟੀ ਹੋਸਟ ਕਰਨ ਵਾਲੇ ਹਨ।
ਇਸੇ ਦਿਨ ਉਨ੍ਹਾਂ ਦਾ 55ਵਾਂ ਜਨਮਦਿਨ ਵੀ ਹੈ। ਇਸ ਲਈ ਸੈਲੀਬ੍ਰੇਸ਼ਨ ਦਾ ਮੌਕਾ ਵੀ ਡਬਲ ਹੈ ਪਰ ਭੰਸਾਲੀ ਕਿਸੇ ਫਾਈਵ ਸਟਾਰ ਹੋਟਲ 'ਚ ਇਹ ਪਾਰਟੀ ਕਰਨ ਦੀ ਬਜਾਏ ਕੁਝ ਵੱਖਰੀ ਹੀ ਯੋਜਨਾ ਬਣਾ ਰਹੇ ਹਨ।
ਕਰੂਜ 'ਤੇ ਹੋਵੇਗੀ ਪਾਰਟੀ
ਸੂਤਰਾਂ ਮੁਤਾਬਕ, ਫਿਲਮਮੇਕਰ ਕਰੂਜ 'ਤੇ ਪਾਰਟੀ ਹੋਸਟ ਕਰਨ ਜਾ ਰਹੇ ਹਨ। ਭੰਸਾਲੀ 'Ark Deck Bar' 'ਤੇ ਆਪਣੀ ਟੀਮ ਨਾਲ ਸੈਲੀਬ੍ਰੇਸ਼ਨ ਕਰਨਗੇ। ਇਹ ਫਲੋਟਿੰਗ ਹੋਟਲ ਬਾਂਦਰਾ ਤੋਂ ਰਵਾਨਾ ਹੋਵੇਗਾ ਤੇ ਬੀਚ ਸਮੁੰਦਰ 'ਚ ਜਾ ਕੇ ਰੁੱਕੇਗਾ, ਜਿਥੋਂ ਬਾਂਦਰਾ ਵਰਲੀ ਦਾ ਖੂਬਸੂਰਤ ਨਜਾਰਾ ਦਿਖੇਗਾ।
ਹੋਟਲ 'ਚ ਤਬਦੀਲ ਹੋਏ ਇਸ ਸ਼ਿਪ 'ਚ ਓਪਨ ਬਾਰ ਏਰੀਆ ਨਾਲ ਹੀ ਪ੍ਰਾਈਵੇਟ ਡਾਈਨਿੰਗ ਏਰੀਆ ਵੀ ਹੈ। ਦੱਸਣਯੋਗ ਹੈ ਕਿ ਰਣਵੀਰ ਤੇ ਦੀਪਿਕਾ ਤਾਂ ਇਸ ਗ੍ਰੈਂਡ ਪਾਰਟੀ 'ਚ ਮੌਜੂਦ ਰਹਿਣਗੇ ਪਰ ਸ਼ਾਹਿਦ ਕਪੂਰ ਆਪਣੀ ਆਉਣ ਵਾਲੀ ਫਿਲਮ 'ਬੱਤੀ ਗੁਲ ਮੀਟਰ ਚਾਲੂ' ਦੀ ਸ਼ੂਟਿੰਗ ਕਾਰਨ ਨਹੀਂ ਆ ਸਕਣਗੇ।