ਮੁੰਬਈ (ਬਿਊਰੋ)— ਅਭਿਨੇਤਰੀ ਪ੍ਰਿਯੰਕਾ ਚੋਪੜਾ ਦੀ ਬਤੌਰ ਨਿਰਮਾਤਾ ਪਹਿਲੀ ਫਿਲਮ ਸਿੱਕਿਮੀ ਫਿਲਮ 'ਪਹੁਨਾ' ਨੂੰ ਜਰਮਨੀ ਦੇ ਸ਼ਲਿੰਗਲ ਕੌਮਾਂਤਰੀ ਬਾਲ ਫਿਲਮ ਉਤਸਵ 'ਚ 2 ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਗਿਆ। ਪਾਖੀ ਟਾਇਰਵਾਲਾ ਦੇ ਲੇਖਨ ਅਤੇ ਨਿਰਦੇਸ਼ਨ 'ਚ ਬਣੀ ਇਸ ਫਿਲਮ ਨੂੰ ਸਰਬੋਤਮ ਫਿਲਮ (ਜਿਊਰੀ ਚੁਆਇਸ) ਅਤੇ ਕੌਮਾਂਤਰੀ ਫੀਚਰ ਫਿਲਮ ਦੀ ਸ਼੍ਰੇਣੀ 'ਚ ਪ੍ਰੋਫੈਸ਼ਨਲ ਜਿਊਰੀ ਵਲੋਂ 'ਵਿਸ਼ੇਸ਼ ਉਲੇਖ' ਪੁਰਸਕਾਰ ਦਿੱਤੇ ਗਏ। ਪ੍ਰਿਯੰਕਾ ਚੋਪੜਾ ਤੇ ਉਨ੍ਹਾਂ ਦੀ ਮਾਂ ਮਧੁ ਚੋਪੜਾ ਦੇ ਬੈਨਰ 'ਪਰਪਲ ਪੈਬਲ ਪਿਕਚਰਸ' ਹੇਠਾਂ ਬਣੀ ਫਿਲਮ 'ਪਹੁਨਾ' ਦੀ 2 ਤੋਂ 5 ਅਕਤੂਬਰ ਦਰਮਿਆਨ ਆਯੋਜਿਤ ਉਤਸਵ 'ਚ ਕਾਫੀ ਸ਼ਲਾਘਾ ਕੀਤੀ ਗਈ।
ਪ੍ਰਿਯੰਕਾ ਨੇ ਟਵਿਟਰ 'ਤੇ ਖੁਸ਼ੀ ਜਾਹਿਰ ਕਰਦੇ ਹੋਏ ਲਿਖਿਆ, 'ਪਹੁਨਾ' ਇਕ ਅਜਿਹੀ ਫਿਲਮ ਹੈ ਜਿਸ 'ਤੇ ਮੈਨੂੰ ਪੂਰਾ ਭਰੋਸਾ ਸੀ। ਦੇਸ਼ਭਰ 'ਚ ਇਸ ਨੂੰ ਮਿਲ ਰਹੀਆਂ ਪ੍ਰਤੀਕਿਰਿਆਵਾਂ ਤੋਂ ਖੁਸ਼ ਹਾਂ। ਸਾਡੀ ਫਿਲਮ ਲਈ ਅੱਗੇ ਖਜਾਨੇ 'ਚ ਕੀ-ਕੀ ਹੈ ਇਹ ਦੇਖਣ ਦਾ ਇੰਤਜ਼ਾਰ ਨਹੀਂ ਹੋ ਰਿਹਾ 'ਸਰਬੋਤਮ ਫਿਲਮ' (ਜਿਊਰੀ ਚੁਆਇਸ) ਅਤੇ ਸ਼ਲਿੰਗਲ ਕੌਮਾਂਤਰੀ ਬਾਲ ਫਿਲਮ ਉਤਸਵ 'ਚ ਵਿਸ਼ੇਸ਼ ਉਲੇਖ ਲਈ 'ਪਰਪਲ ਪੈਬਲ ਪਿਕਚਰਸ' ਦੀ ਟੀਮ ਨੂੰ ਵਧਾਈ''।