ਮੁੰਬਈ(ਬਿਊਰੋ)— 'ਨਿਊਟਨ' ਤੇ 'ਫੁਕਰੇ' ਜਿਹੀਆਂ ਫਿਲਮਾਂ 'ਚ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਉਣ ਵਾਲੇ ਅਦਾਕਾਰ ਪੰਕਜ ਤ੍ਰਿਪਾਠੀ ਦੀ ਹਾਲੀਵੁਡ 'ਚ ਐਂਟਰੀ ਹੋ ਗਈ ਹੈ। ਆਪਣੀ ਅਦਾਕਾਰੀ ਨਾਲ ਲੱਖਾਂ ਫੈਨਜ਼ ਦੇ ਦਿਲਾਂ 'ਤੇ ਰਾਜ਼ ਕਰਨ ਵਾਲੇ ਪੰਕਜ ਤ੍ਰਿਪਾਠੀ ਦੀ ਅਦਾਕਾਰੀ ਦਾ ਹਰ ਕੋਈ ਕਾਇਲ ਹੋ ਜਾਂਦਾ ਹੈ ।ਹਾਲ ਹੀ 'ਚ ਪੰਕਜ ਨੂੰ ਰਣਵੀਰ ਸਿੰਘ ਸਟਾਰਰ ਫਿਲਮ '83' 'ਚ ਕਾਸਟ ਕੀਤਾ ਗਿਆ ਹੈ। ਇਸ ਦਾ ਐਲਾਨ ਇਕ ਦਿਨ ਪਹਿਲਾਂ ਹੀ ਹੋਇਆ ਹੈ। ਫਿਲਮ 'ਚ ਉਹ ਭਾਰਤੀ ਟੀਮ ਦੇ ਮੈਨੇਜਰ ਮਾਨ ਸਿੰਘ ਦਾ ਰੋਲ ਨਿਭਾਉਂਦੇ ਨਜ਼ਰ ਆਉਣਗੇ। ਇਸ ਤੋਂ ਬਾਅਦ ਹੁਣ ਖਬਰ ਹੈ ਕਿ ਪੰਕਜ ਤ੍ਰਿਪਾਠੀ ਨੂੰ ਹਾਲੀਵੁੱਡ ਫਿਲਮ ਵੀ ਮਿਲੀ ਹੈ। ਜੀ ਹਾਂ, ਪੰਕਜ ਤ੍ਰਿਪਾਠੀ ਅਵੈਂਜਰਸ ਦੇ ਐਕਟਰ ਨਾਲ ਹਾਲੀਵੁੱਡ ਫਿਲਮ 'ਢਾਕਾ' 'ਚ ਨਜ਼ਰ ਆਉਣਗੇ। ਇਸ ਦੀ ਸ਼ੂਟਿੰਗ ਬੀਤੇ ਸਾਲ ਨਵੰਬਰ 'ਚ ਸ਼ੁਰੂ ਹੋਈ ਸੀ। ਹੁਣ ਫਿਲਮ ਦੀ ਸ਼ੂਟਿੰਗ ਥਾਈਲੈਂਡ 'ਚ ਹੋਣੀ ਹੈ ਜਿੱਥੇ ਪੰਕਜ ਟੀਮ ਨਾਲ ਜੁੜਣਗੇ। ਇਸ ਫਿਲਮ 'ਚ ਪੰਕਜ ਤੋਂ ਇਲਾਵਾ ਬਾਲੀਵੁੱਡ ਸਟਾਰਸ ਰਣਦੀਪ ਹੁੱਡਾ ਤੇ ਮਨੋਜ ਵਾਜਪਾਈ ਵੀ ਹੋਣਗੇ।