ਸੰਗਰੂਰ (ਬੇਦੀ)— ਪੰਜਾਬ ਦੇ ਮਸ਼ਹੂਰ ਗੀਤਕਾਰ ਅਤੇ ਅਨੇਕਾਂ ਗੀਤਾਂ ਨਾਲ ਲੋਕਾਂ ਦੇ ਦਿਲਾਂ 'ਚ ਰਾਜ਼ ਕਰਨ ਵਾਲੇ ਪਰਗਟ ਸਿੰਘ ਲਿੱਦੜਾਂ ਨਹੀ ਰਹੇ। ਉਨ੍ਹਾਂ ਦਾ ਬੀਤੀ ਰਾਤ ਦਿਹਾਂਤ ਹੋ ਗਿਆ ਜੋ ਕਿ ਕਿਸੇ ਬੀਮਾਰੀ ਤੋਂ ਪੀੜਤ ਸਨ। ਪ੍ਰਗਟ ਲਿੱਦੜਾਂ ਦੇ ਲਿਖੇ ਗੀਤ 'ਜਿੱਥੋਂ ਮਰਜ਼ੀ ਵੰਗਾਂ ਚੜ੍ਹਵਾ ਲਈਂ', 'ਪੰਜਾਬ ਉਜਾੜਨ ਵਾਲੇ ਖੁਦ ਹੀ ਉਜੜ ਗਏ' ਅਤੇ ਅਨੇਕਾਂ ਗੀਤ ਗਾਇਕ ਹਰਜੀਤ ਹਰਮਨ ਵੱਲੋਂ ਗਾਏ ਗਏ ਹਨ।
ਪਰਗਟ ਸਿੰਘ ਲਿੱਦੜਾਂ 'ਤੇ ਹਰਜੀਤ ਹਰਮਨ ਦੀ ਜੋੜੀ ਸੀ ਹਿੱਟ
ਜ਼ਿਕਰਯੋਗ ਹੈ ਕਿ ਪ੍ਰਗਟ ਲਿੱਦੜਾਂ ਤੇ ਹਰਜੀਤ ਹਰਮਨ ਦੀ ਜੋੜੀ ਲੰਬੇ ਅਰਸੇ ਤੋਂ ਮਕਬੂਲ ਚਲੀ ਆ ਰਹੀ ਸੀ। ਪ੍ਰਗਟ ਲਿੱਦੜਾਂ ਦਾ ਪੁੱਤਰ ਸਟਾਈਲਨਵੀਰ ਸਿੰਘ ਪ੍ਰਸਿੱਧ ਵੀਡੀਓ ਡਾਇਰੈਕਟਰ ਹਨ। ਉਨ੍ਹਾਂ ਦੀ ਮੌਤ ਨਾਲ ਸੰਗੀਤ ਜਗਤ ਅੰਦਰ ਸੋਗ ਦੀ ਲਹਿਰ ਛਾ ਗਈ ਹੈ। ਉਨ੍ਹਾਂ ਨੇ ਕਈ ਹਿੱਟ ਗੀਤ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਲਈ ਗਾਏ।
ਉਨ੍ਹਾਂ ਨੇ ਦਿਹਾਂਤ 'ਤੇ ਗਾਇਕ ਹਰਜੀਤ ਹਰਮਨ ਨੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਉਨਾਂ ਦੀ ਤਸਵੀਰ ਸਾਂਝੀ ਕਰਦਿਆਂ ਹੋਇਆਂ ਉਨ੍ਹਾਂ ਨੇ ਲਿਖਿਆ,''ਛੱਡ ਗਿਆ ਅੱਧ ਵਿਚਕਾਰ ਰੰਗਲਾ ਸੱਜਣ ਕੋਈ ਸ਼ਬਦ ਨੀ ਕੁਛ ਕਹਿਣ ਲਈ “ਅਲਵਿਦਾ ਸਰਦਾਰ ਪਰਗਟ ਸਿਆਂ।''