ਮੁੰਬਈ (ਬਿਊਰੋ)— ਬਾਲੀਵੁੱਡ ਦੀ ਅਭਿਨੇਤਰੀ ਪਰਿਣੀਤੀ ਚੋਪੜਾ ਹਾਲ ਹੀ 'ਚ ਮੁੰਬਈ ਦੇ ਏਅਰਪੋਰਟ 'ਤੇ ਸਪਾਟ ਹੋਈ। ਏਅਰਪੋਰਟ 'ਤੇ ਪਰਿਣੀਤੀ ਚੋਪੜਾ ਦਾ ਦੇਸੀ ਲੁੱਕ ਦੇਖਣ ਨੂੰ ਮਿਲਿਆ। ਉਨ੍ਹਾਂ ਨੇ ਵਾਈਟ ਕੁਰਤੀ ਨਾਲ ਮੈਚਿੰਗ ਸ਼ਰਾਰਾ ਪਾਇਆ ਹੋਇਆ ਸੀ, ਜਿਸ 'ਤੇ ਬਲੂ ਕਢਾਈ ਵੀ ਕੀਤੀ ਹੋਈ ਸੀ। ਦੱਸ ਦੇਈਏ ਕਿ ਪਰਿਣੀਤੀ ਆਪਣੀ ਆਉਣ ਵਾਲੀ ਫਿਲਮ 'ਜਬਰੀਆ ਜੋੜੀ' ਦੀ ਸ਼ੂਟਿੰਗ ਲਈ ਲਖਨਊ ਗਈ ਹੋਈ ਸੀ। ਇਸ ਫਿਲਮ 'ਚ ਸਿਧਾਰਥ ਨਾਲ ਪਰਿਣੀਤੀ ਚੋਪੜਾ ਦੀ ਜੋੜੀ ਬਣੀ ਹੈ। ਫਿਲਮ ਬਿਹਾਰ ਦੇ 'ਪਕੜਵਾ ਵਿਆਹ' ਬਾਵ ਜ਼ਬਰਦਸਤੀ ਵਿਆਹ ਕਰਵਾਉਣ ਦੀ ਬੁਰਾਈ 'ਤੇ ਆਧਾਰਿਤ ਹੈ। ਇਸ ਫਿਲਮ ਦਾ ਪਹਿਲਾਂ ਟਾਈਟਲ 'ਸ਼ਾਟਗਨ ਸ਼ਾਦੀ' ਰੱਖਿਆ ਗਿਆ ਸੀ,ਜਿਸ ਨੂੰ ਬਦਲ ਕੇ 'ਜਬਰੀਆ ਜੋੜੀ' ਕਰ ਦਿੱਤਾ ਗਿਆ ਹੈ।