ਮੁੰਬਈ (ਬਿਊਰੋ) : ਬਾਲੀਵੁੱਡ ਐਕਟਰ ਰਾਜਕੁਮਾਰ ਰਾਓ ਦੀ ਪ੍ਰੇਮਿਕਾ ਅਤੇ ਸਾਲ 2014 'ਚ ਫਿਲਮ 'ਸਿਟੀਲਾਈਟ' ਨਾਲ ਬਾਲੀਵੁੱਡ 'ਚ ਕਦਮ ਰੱਖਣ ਵਾਲੀ ਪੱਤਰਲੇਖਾ ਅੱਜ ਆਪਣਾ 29ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਬਾਲੀਵੁੱਡ 'ਚ ਜਿਥੇ ਕਪੱਲਸ ਆਪਣੇ ਰਿਲੇਸ਼ਨਸ਼ਿਪ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਕਰਦੇ ਰਹਿੰਦੇ ਹਨ।
ਫਿਲਮ 'ਸਿਟੀਲਾਈਟ' ਨਾਲ ਕੀਤੀ ਬਾਲੀਵੁੱਡ ਚ' ਐਂਟਰੀ
ਉਥੇ ਰਾਜਕੁਮਾਰ ਤੇ ਪੱਤਰਲੇਖਾ ਨੇ ਆਪਣੇ ਰਿਸ਼ਤੇ ਨੂੰ ਲੈ ਕੇ ਕਾਫੀ ਓਪਨ ਹਨ। ਪੱਤਰਲੇਖਾ ਤੇ ਰਾਜਕੁਮਾਰ ਰਾਓ ਪਿਛਲੇ 9 ਸਾਲਾਂ ਤੋਂ ਰਿਲੇਸ਼ਨਸ਼ਿਪ 'ਚ ਹਨ। ਆਪਣੀ ਪਹਿਲੀ ਫਿਲਮ 'ਸਿਟੀਲਾਈਟ' ਨਾਲ ਹੀ ਪੱਤਰਲੇਖਾ ਨੇ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਆਪਣੀ ਦਮਦਾਰ ਅਦਾਕਾਰੀ ਨਾਲ ਹੁਣ ਵੀ ਵੱਡੇ ਪਰਦੇ 'ਤੇ ਦਿਖਾਈ ਦਿੰਦੀ ਹੈ।
ਉਸ ਨੂੰ ਵੱਡੇ ਪਰਦੇ 'ਤੇ ਦੇਖ ਕੇ ਉਸ ਦੇ ਫੈਨਜ਼ ਕਾਫੀ ਖੁਸ਼ ਹੁੰਦੇ ਹਨ। ਪੱਤਰਲੇਖਾ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਰਾਜਕੁਮਾਰ ਰਾਓ ਨਾਲ ਫਿਲਮ 'ਸਿਟੀਲਾਈਟ' ਨਾਲ ਕੀਤੀ। ਇਸ ਫਿਲਮ ਤੋਂ ਬਾਅਦ ਪੱਤਰਲੇਖਾ ਨੇ 'ਨਾਨੂ ਕੀ ਜਾਨੂ' ਤੇ 'ਲਵ ਗੇਮਸ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆਈ। ਇਸ ਤੋਂ ਇਲਾਵਾ ਉਹ ਜਲਦ ਹੀ ਕੰਨੜ ਫਿਲਮ ਇੰਡਸਟਰੀ 'ਚ ਵੀ ਡੈਬਿਊ ਕਰਨ ਜਾ ਰਹੀ ਹੈ।
ਕਈ ਡਾਂਸ ਫਾਰਮ ਜਾਣਦੀ ਹੈ ਪੱਤਰਲੇਖਾ
ਦੱਸ ਦਈਏ ਕਿ ਬਹੁਤ ਘੱਟ ਲੋਕਾਂ ਨੂੰ ਪਤਾ ਹੈ ਕਿ ਬਹਿਤਰੀਨ ਅਦਾਕਾਰੀ ਕਰਨ ਨਾਲ ਪੱਤਰਲੇਖਾ ਇਕ ਟ੍ਰੇਡ ਕਲਾਸੀਕਲ ਡਾਂਸਰ ਹੈ। ਉਸ ਨੇ ਭਰਤਨਾਟਿਆਮ 'ਚ ਟਰੈਂਨਿੰਗ ਲਈ ਹੈ। ਉਸ ਨੇ ਬਚਪਨ 'ਚ ਹੀ ਕੁਝ ਸਾਲਾਂ 'ਚ ਡਾਂਸ ਫਾਰਮ ਸਿੱਖੀ ਸੀ। ਇਸ ਤੋਂ ਇਲਾਵਾ ਪੱਤਰਲੇਖਾ ਨੂੰ ਕੁੱਤਿਆਂ ਨਾਲ ਬਹੁਤ ਪਿਆਰ ਹੈ।
ਉਸ ਕੋਲ ਆਪਣੇ ਸ਼ਿਲੌਂਗ ਵਾਲੇ ਘਰ 'ਚ 8 ਪਾਲਤੂ ਕੁੱਤੇ ਹਨ। ਉਹ ਸਾਲਾਂ ਤੋਂ ਇਨ੍ਹਾਂ ਜਾਨਵਰਾਂ ਦੀ ਸੁਰੱਖਿਆ ਲਈ ਵਾਤਾਵਰਣ 'ਚ ਕੰਮ ਕਰ ਰਹੀ ਹੈ। ਉਹ ਉਨ੍ਹਾਂ ਨੂੰ ਪਰਿਵਾਰ ਵਾਂਗ ਹੀ ਮੰਨਦੀ ਹੈ। ਪੱਤਰਲੇਖਾ ਨੂੰ ਡਾਂਸ ਤੋਂ ਇਲਾਵਾ ਸਪੋਰਟਸ ਦਾ ਵੀ ਕਾਫੀ ਸ਼ੌਂਕ ਹੈ।
ਦੱਸਣਯੋਗ ਹੈ ਕਿ ਪੱਤਰਲੇਖਾ ਨੇ ਬੈਰੀ ਜੌਨ ਐਕਟਿੰਗ ਤੋਂ ਅਦਾਕਾਰੀ ਸਿੱਖੀ ਹੈ। ਜਿਥੇ ਉਸ ਨੇ ਸਿੱਖਿਆ ਹੈ ਕਿ ਕਿਵੇਂ ਆਪਣੇ ਕਿਰਦਾਰ ਲਈ ਪ੍ਰੇਣਨਾ ਲੈਣੀ।
ਕਿਹਾ ਜਾਂਦਾ ਹੈ ਕਿ 'ਸਿਟੀਲਾਈਟ' ਲਈ ਡਾਇਰੈਕਟ ਹੰਸਲ ਮਹਿਤਾ ਨੇ ਪੱਤਰਲੇਖਾ ਨੂੰ ਰਾਜਸਥਾਨ ਭੇਜਿਆ ਸੀ ਤਾਂ ਕਿ ਉਹ ਉਥੇ ਦੀਆਂ ਮਹਿਲਾਵਾਂ ਦੀ ਬੌਡੀ ਲੈਂਗਵੇਜ਼ (ਬੌਡੀ ਭਾਸ਼ਾ) ਨੂੰ ਸਿੱਖ ਸਕੇ।