ਮੁੰਬਈ(ਬਿਊਰੋ)- 'ਜਬ ਵੀ ਮੇਟ' ਤੇ 'ਭਾਗ ਮਿਲਖਾ ਭਾਗ' ਵਰਗੀਆਂ ਸੁਪਰਹਿੱਟ ਫਿਲਮਾਂ 'ਚ ਆਪਣੀ ਵੱਖਰੀ ਪਛਾਣ ਬਣਾ ਚੁੱਕੇ ਬਾਲੀਵੁੱਡ ਅਭਿਨੇਤਾ ਪਵਨ ਮਲਹੋਤਰਾ ਅੱਜ ਆਪਣਾ 61ਵਾਂ ਜਨਮਦਿਨ ਮਨਾ ਰਹੇ ਹਨ। ਫਿਲਮਾਂ 'ਚ ਉਨ੍ਹਾਂ ਵੱਲੋਂ ਨਿਭਾਏ ਗਏ ਕਿਰਦਾਰਾਂ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ। ਉਨ੍ਹਾਂ ਨੇ ਆਪਣੇ ਫਿਮਲੀ ਸਫਰ 'ਚ ਹਰ ਤਰ੍ਹਾਂ ਦੇ ਪੋਜੋਟਿਵ ਅਤੇ ਨੈਗੇਨਿਟ ਕਿਰਦਾਰ ਨਿਭਾਏ ਹਨ। ਜਿਸ ਕਾਰਨ ਉਨ੍ਹਾਂ ਨੂੰ ਕਈ ਪੁਰਸਕਾਰ ਮਿਲ ਚੁੱਕੇ ਹਨ। ਆਓ ਜਾਣਦੇ ਹਾਂ ਉਨ੍ਹਾਂ ਦੇ ਜਨਮਦਿਨ 'ਤੇ ਉਨ੍ਹਾਂ ਦੀਆਂ ਜ਼ਿੰਦਗੀ ਨਾਲ ਜੁੜੀਆਂ ਕੁਝ ਅਹਿਮ ਗੱਲਾਂ ਬਾਰੇ। ਪਵਨ ਮਲਹੋਤਰਾ ਦਾ ਜਨਮ 2 ਜੁਲਾਈ 1958 'ਚ ਦਿੱਲੀ 'ਚ ਹੋਇਆ ਸੀ। ਉਨ੍ਹਾਂ ਨੇ ਆਪਣੀ ਪੜਾਈ ਵੀ ਦਿੱਲੀ ਤੋਂ ਹੀ ਕੀਤੀ। ਪੜਾਈ ਦੇ ਨਾਲ-ਨਾਲ ਉਹ ਦਿੱਲੀ ਥੀਏਟਰਰ ਨਾਲ ਜੁੜ ਗਏ ਅਤੇ ਉੱਥੋਂ ਹੀ ਉਨ੍ਹਾਂ ਨੂੰ ਸਿੱਧੀ ਟੀ.ਵੀ. ਦੀ ਦੁਨੀਆ 'ਚ ਐਂਟਰੀ ਮਿਲੀ। 1986 'ਚ ਪਵਨ ਮਲਹੋਤਰਾ ਨੂੰ ਉਨ੍ਹਾਂ ਦਾ ਪਹਿਲਾ ਸ਼ੋਅ ਦੂਰਦਰਸ਼ਨ ਦਾ 'ਨੁੱਕੜ' ਮਿਲਿਆ। ਜਿਸ 'ਚ ਉਨ੍ਹਾਂ ਨੇ ਸਈਦ ਦਾ ਕਿਰਦਾਰ ਨਿਭਾਇਆ ਸੀ। ਇਸੇ ਸ਼ੋਅ ਰਾਹੀਂ ਪਵਨ ਮਲਹੋਤਰਾ ਨੇ ਘਰ-ਘਰ 'ਚ ਆਪਣੀ ਪਛਾਣ ਬਣਾਈ। ਉਨ੍ਹਾਂ ਨੇ ਕਈ ਸਾਲਾਂ ਤੱਕ ਬਤੌਰ ਨਿਰਦੇਸ਼ਕ ਬੁੱਧਦੇਵ ਦਾਸਗੁਪਤਾ, ਸਈਦ ਅਖਤਰ ਮਿਰਜ਼ਾ ਨਾਲ ਕੰਮ ਕੀਤਾ। ਇਸ ਤੋਂ ਬਾਅਦ 2006 'ਚ ਉਹ ਸੋਨੀ ਟੀ.ਵੀ. ਦੇ ਸ਼ੋਅ 'ਐਸਾ ਦੇਸ਼ ਹੈ ਮੇਰਾ' 'ਚ ਨਜ਼ਰ ਆਏ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਫਿਲਮੀ ਦੁਨੀਆ 'ਚ ਕਦਮ ਰੱਖਿਆ। ਜਿੱਥੇ ਉਨ੍ਹਾਂ ਨੇ ਕਈ ਹਿੱਟ ਫਿਲਮਾਂ 'ਚ ਕੰਮ ਕੀਤਾ। ਫਿਲਮ 'ਜਬ ਵੀ ਮੇਟ' ਅਤੇ 'ਭਾਗ ਮਿਲਖਾ ਭਾਗ' ਵਰਗੀਆਂ ਫਿਲਮਾਂ ਕਰਕੇ ਉਨ੍ਹਾਂ ਨੂੰ ਦਰਸ਼ਕਾਂ ਦੇ ਦਿਲਾਂ 'ਚ ਆਪਣੀ ਖਾਸ ਪਛਾਣ ਬਣਾਈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 'ਰੋਡ ਤੋਂ ਚਾਂਸ', 'ਬਦਮਾਸ਼ ਕੰਪਨੀ', 'ਏਕ ਨਈਂ ਛੋਟੀ ਸੀ ਜ਼ਿੰਦਗੀ', 'ਭਿੰਡੀ ਬਾਜ਼ਾਰ', 'ਯੇ ਫਾਸਲੇ', 'ਸ਼ੈਤਾਨ', 'ਪੰਜਾਬ 1984' ਵਰਗੀਆਂ ਸ਼ਾਨਦਾਰ ਫਿਲਮਾਂ 'ਚ ਕੰਮ ਕੀਤਾ। ਦਿਲਚਸਪ ਗੱਲ ਇਹ ਹੈ ਕਿ ਪਵਨ ਮਲਹੋਤਰਾ ਨੇ ਫਿਲਮਾਂ 'ਚ ਜੋ ਵੀ ਕਿਰਦਾਰ ਨਿਭਾਇਆ ਉਸ ਨੂੰ ਲੋਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ।