ਮੁੰਬਈ (ਬਿਊਰੋ)— ਅਦਾਕਾਰਾ ਪਾਇਲ ਰੋਹਤਗੀ ਆਪਣੇ ਮੰਗੇਤਰ ਸੰਗ੍ਰਾਮ ਸਿੰਘ ਨਾਲ ਨਵੰਬਰ 'ਚ ਵਿਆਹ ਕਰਵਾਉਣ ਜਾ ਰਹੀ ਹੈ। ਦੋਹਾਂ ਨੇ 2014 'ਚ ਮੰਗਣੀ ਕੀਤੀ ਸੀ। ਜਾਣਕਾਰੀ ਮੁਤਾਬਕ ਦੋਵੇਂ ਪਿਛਲੇ 6 ਸਾਲ ਤੋਂ ਰਿਲੇਸ਼ਨਸ਼ਿੱਪ 'ਚ ਸਨ।
ਇਕ ਇੰਟਰਵਿਊ ਦੌਰਾਨ ਸੰਗ੍ਰਾਮ ਨੇ ਦੱਸਿਆ ਸੀ ਕਿ ਪਹਿਲਾਂ ਅਸੀਂ ਯੋਜਨਾ ਬਣਾਈ ਸੀ ਕਿ ਮੰਗਣੀ ਤੋਂ ਇਕ ਸਾਲ ਬਾਅਦ ਅਸੀਂ ਵਿਆਹ ਕਰ ਲਵਾਂਗੇ ਪਰ ਅਸੀਂ ਆਪਣੇ-ਆਪਣੇ ਕੰਮ 'ਚ ਬਿਜ਼ੀ ਹੋ ਗਏ ਅਤੇ ਵਿਆਹ ਦੀ ਯੋਜਨਾ ਅੱਗੇ ਵਧਦੀ ਰਹੀ। ਜੋ ਜਦੋਂ ਹੋਣਾ ਹੈ ਉਦੋਂ ਹੀ ਹੁੰਦਾ ਹੈ। ਮੈਂ ਇਸ ਵਿੰਟਰ ਵੈਡਿੰਗ ਕਰਨ ਦੀ ਯੋਜਨਾ ਬਣਾ ਰਿਹਾ ਹਾਂ ਅਤੇ ਪਰਿਵਾਰ ਸ਼ੁਰੂ ਕਰਨ 'ਚ ਜ਼ਿਆਦਾ ਦੇਰੀ ਨਹੀਂ ਕਰਾਂਗਾ।
ਦੱਸਣਯੋਗ ਹੈ ਕਿ ਪਾਇਲ ਅਤੇ ਸੰਗ੍ਰਾਮ ਲਿਵ ਇਨ ਰਿਲੇਸ਼ਨਸ਼ਿੱਪ 'ਚ ਸਨ। ਸੰਗ੍ਰਾਮ ਨੇ ਇੰਟਰਵਿਊ 'ਚ ਇਹ ਵੀ ਦੱਸਿਆ ਕਿ ਉਸ ਦੀ ਮੰਮੀ ਚਾਹੁੰਦੀ ਹੈ ਕਿ ਜਲਦ ਹੀ ਸਾਡਾ ਵਿਆਹ ਹੋ ਜਾਵੇ। ਉਸ ਨੇ ਦੱਸਿਆ ਕਿ ਮੇਰੀ ਮੰਮੀ ਹਰ ਦੂਜੇ ਦਿਨ ਫੋਨ 'ਤੇ ਮੈਨੂੰ ਪੁੱਛਦੀ ਹੈ ਕਿ ਮੈਂ ਵਿਆਹ ਕਦੋਂ ਕਰਾਂਗਾ। ਇਸ ਤੋਂ ਇਲਾਵਾ ਸੰਗ੍ਰਾਮ 'ਬਿੱਗ ਬੌਸ' ਦੇ ਸੀਜ਼ਨ 7 'ਚ ਨਜ਼ਰ ਆਏ ਤਾਂ ਉੱਥੇ ਹੀ ਪਾਇਲ ਸੀਜ਼ਨ 2 'ਚ ਨਜ਼ਰ ਆਈ ਸੀ।