ਵਾਸ਼ਿੰਗਟਨ(ਬਿਊਰੋ)— ਪਲੇਅਬੁਆਏ ਮੈਗਜ਼ੀਨ ਦੇ ਸੰਸਥਾਪਕ ਹਿਊਗ ਹੇਫਨਰ ਦਾ ਉਨ੍ਹਾਂ ਦੇ ਨਿਵਾਸ ਸਥਾਨ 'ਤੇ ਦਿਹਾਂਤ ਹੋ ਗਿਆ। ਉਹ 91 ਸਾਲ ਦੇ ਸਨ। ਪਲੇਅਬੁਆਏ ਐਂਟਰਪ੍ਰਾਈਜਜ਼ ਮੁਤਾਬਕ ਉਨ੍ਹਾਂ ਨੇ ਕੱਲ ਆਪਣੇ ਘਰ 'ਚ ਆਖਰੀ ਸਾਹ ਲਿਆ। ਹੇਫਨਰ ਦਾ ਜਨਮ 9 ਅਪ੍ਰੈਲ 1926 ਨੂੰ ਸ਼ਿਕਾਗੋ ਵਿਚ ਹੋਇਆ ਸੀ। ਉਹ ਇਕ ਸਿਆਸੀ ਵਰਕਰ ਵੀ ਸਨ।
ਜਾਣਕਾਰੀ ਮੁਤਾਬਕ ਹਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਮਰਲਿਨ ਮੁਨਰੋ ਦੀ ਕਬਰ ਦੇ ਨਾਲ ਹੀ ਹਿਊਗ ਹੇਫਨਰ ਨੂੰ ਦਫਨਾਇਆ ਜਾਵੇਗਾ।
ਹੇਫਨਰ ਦੀ ਮੈਗਜ਼ੀਨ ਪਲੇਅਬੁਆਏ ਦੇ ਪਹਿਲੇ ਐਡੀਸ਼ਨ ਦੇ ਕਵਰ ਪੇਜ 'ਤੇ ਮੁਨਰੋ ਦੀ ਹੀ ਨਗਨ ਤਸਵੀਰ ਛਪੀ ਸੀ।
ਸੂਤਰਾਂ ਮੁਤਾਬਕ ਹੇਫਨਰ ਨੂੰ ਵੈਸਟਵੁੱਡ ਮੈਮੋਰੀਅਲ ਵਿਚ ਪਾਰਕ ਵਿਚ ਜਿਸ ਸਥਾਨ 'ਤੇ ਦਫਨਾਇਆ ਜਾਵੇਗਾ, ਉਸ ਸਥਾਨ ਨੂੰ ਹੇਫਨਰ ਨੇ 1962 ਵਿਚ ਮਰਲਿਨ ਮੁਨਰੋ ਦੀ ਮੌਤ ਤੋਂ ਬਾਅਦ ਸਾਂਭ ਕੇ ਰੱਖਿਆ ਹੋਇਆ ਸੀ।
ਉਸ ਨੇ 25 ਸਾਲ ਪਹਿਲਾਂ ਸਾਲ 1992 ਵਿਚ ਇਹ ਪਲਾਟ 75,000 ਡਾਲਰ (ਲੱਗਭਗ 50 ਲੱਖ ਰੁਪਏ) ਵਿਚ ਖਰੀਦਿਆ ਸੀ।
ਖਬਰ ਮੁਤਾਬਕ ਹਿਊਗ ਹੇਫਨਰ ਨੇ ਆਪਣੀ ਐਸ਼ੋ-ਆਰਾਮਦੀ ਜ਼ਿੰਦਗੀ ਵਿਚ ਲਗਭਗ 5 ਹਜ਼ਾਰ ਔਰਤਾਂ ਨਾਲ ਸੰਬੰਧ ਬਣਾਏ ਸਨ।