ਮੁੰਬਈ (ਬਿਊਰੋ) — ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਨਾਲ ਫਿਲਮ 'ਵੀਰਗਤੀ' 'ਚ ਕੰਮ ਕਰਨ ਵਾਲੀ ਅਦਾਕਾਰਾ ਪੂਜਾ ਡਡਵਾਲ ਪਿਛਲੇ ਕਈ ਦਿਨਾਂ ਤੋਂ ਕਾਫੀ ਸੁਰਖੀਆਂ 'ਚ ਛਾਈ ਹੋਈ ਹੈ। ਪੂਜਾ ਡਡਵਾਲ ਕਾਫੀ ਸਮੇਂ ਤੋਂ ਬੀਮਾਰ ਬੀਮਾਰ ਸੀ ਅਤੇ ਹਸਪਤਾਲ 'ਚ ਦਾਖਲ ਸੀ। ਉਸ ਕੋਲ ਆਪਣਾ ਇਲਾਜ਼ ਕਰਵਾਉਣ ਲਈ ਪੈਸੇ ਤੱਕ ਨਹੀਂ ਸਨ। ਉਸਨੇ ਬਾਲੀਵੁੱਡ ਅਦਾਕਾਰਾਂ ਤੋਂ ਮਦਦ ਦੀ ਮੰਗ ਕੀਤੀ ਸੀ। ਹੁਣ ਉਸ ਦੀ ਸਿਹਤ 'ਚ ਹੋਲੀ-ਹੋਲੀ ਸੁਧਾਰ ਹੋ ਰਿਹਾ ਹੈ ਅਤੇ ਉਸ ਨੂੰ ਹਸਪਤਾਲ 'ਚੋਂ ਛੁੱਟੀ ਵੀ ਮਿਲ ਗਈ ਹੈ।
ਦੱਸ ਦਈਏ ਕਿ ਹੁਣ ਸਲਮਾਨ ਖਾਨ ਦੀ ਅਦਾਕਾਰਾ ਪੂਜਾ ਡਡਵਾਲ ਨੇ ਬਾਲੀਵੁੱਡ 'ਚ ਕੰਮ ਦੀ ਮੰਗ ਕੀਤੀ ਹੈ ਪਰ ਸਿਵਾਏ ਭਰੋਸੇ ਦੇ ਹੋਰ ਕੁਝ ਵੀ ਹਾਲੇ ਤੱਕ ਉਸ ਨੂੰ ਨਹੀਂ ਮਿਲਿਆ ਪਰ ਇਸ ਦੇ ਬਾਵਜੂਦ ਉਸ ਨੇ ਹਿੰਮਤ ਨਹੀਂ ਹਾਰੀ ਅਤੇ ਹੁਣ ਉਸ ਨੇ ਟਿਫਿਨ ਦਾ ਕੰਮ ਸ਼ੁਰੂ ਕਰ ਲਿਆ ਹੈ।
ਹੁਣ ਉਹ ਖਾਣਾ ਬਣਾ ਕੇ ਟਿਫਿਨ ਪੈਕ ਕਰਦੀ ਹੈ ਅਤੇ ਲੋਕਾਂ 'ਚ ਵੰਡਦੀ ਹੈ। ਪੂਜਾ ਦਾ ਕਹਿਣਾ ਹੈ ਕਿ, ''ਮੈਨੂੰ ਕਿਸੇ ਦੇ ਅਹਿਸਾਨ ਦੀ ਲੋੜ ਨਹੀਂ ਹੈ, ਮੈਨੂੰ ਕੰਮ ਚਾਹੀਦਾ ਹੈ।'' ਦੱਸ ਦਈਏ ਕਿ ਕੋਈ ਸਮਾਂ ਸੀ ਪੂਜਾ ਦੀ ਵੱਡੀ ਫੈਨ ਫਾਲੋਵਿੰਗ ਸੀ ਅਤੇ ਹੁਣ ਉਹ ਪੈਸੇ-ਪੈਸੇ ਲਈ ਮੁਹਤਾਜ਼ ਹੋ ਚੁੱਕੀ ਹੈ।