ਮੁੰਬਈ (ਬਿਊਰੋ)— 'ਬਾਹੂਬਲੀ' ਫਿਲਮ ਨੇ ਸਾਊਥ ਇੰਡੀਅਨ ਸਟਾਰ ਪ੍ਰਭਾਸ ਨੂੰ ਗਲੋਬਲ ਸਟਾਰ ਬਣਾਇਆ ਹੈ। 2 ਸੀਰੀਜ਼ 'ਚ ਆਈ 'ਬਾਹੂਬਲੀ' ਇਕ ਇਤਿਹਾਸਕ ਫਿਲਮ ਰਹੀ ਹੈ, ਜਿਸ ਨੇ ਦੇਸ਼-ਵਿਦੇਸ਼ 'ਚ ਕਮਾਈ ਦੇ ਨਵੇਂ ਰਿਕਾਰਡ ਬਣਾਏ।
'ਬਾਹੂਬਲੀ' ਤੋਂ ਬਾਅਦ ਲੋਕਾਂ 'ਚ ਪ੍ਰਭਾਸ ਲਈ ਦੀਵਾਨਗੀ ਦਾ ਆਲਮ ਦੇਖਣਯੋਗ ਹੈ। ਸਾਊਥ ਇੰਡਸਟਰੀ 'ਚ ਤਾਂ ਉਹ ਪਹਿਲਾਂ ਤੋਂ ਹੀ ਲੋਕਪ੍ਰਿਯ ਸਨ ਪਰ ਹੁਣ ਬਾਲੀਵੁੱਡ 'ਚ ਵੀ ਉਨ੍ਹਾਂ ਦਾ ਕ੍ਰੇਜ਼ ਦੇਖਣ ਨੂੰ ਮਿਲਦਾ ਹੈ।
ਬਾਹੂਬਲੀ ਫਿਲਮ ਨੂੰ ਪ੍ਰਭਾਸ ਨੇ ਆਪਣੇ 5 ਕੀਮਤੀ ਸਾਲ ਦਿੱਤੇ ਸਨ। ਉਨ੍ਹਾਂ ਨੇ ਲਗਭਗ 600 ਦਿਨ ਸ਼ੂਟਿੰਗ ਕੀਤੀ ਸੀ। ਕਿਹਾ ਜਾਂਦਾ ਹੈ ਕਿ ਫਿਲਮ ਦੀ ਵਜ੍ਹਾ ਕਾਰਨ ਉਨ੍ਹਾਂ ਨੇ 6000 ਵਿਆਹ ਦੇ ਰਿਸ਼ਤੇ ਠੁਕਰਾਏ ਸਨ।
'ਬਾਹੂਬਲੀ' ਦੀ ਸ਼ੂਟਿੰਗ ਦੌਰਾਨ ਪ੍ਰਭਾਸ ਤੇ ਅਨੁਸ਼ਕਾ ਸ਼ੈੱਟੀ ਦੇ ਲਿੰਕਅੱਪ ਦੀਆਂ ਖਬਰਾਂ ਕਾਫੀ ਸੁਰਖੀਆਂ 'ਚ ਰਹੀਆਂ ਸਨ। ਫਿਲਮ ਦੇ ਪ੍ਰਮੋਸ਼ਨ ਦੌਰਾਨ ਵੀ ਇਨ੍ਹਾਂ ਦੀ ਖੂਬਸੂਰਤ ਕੈਮਿਸਟਰੀ ਦੇਖਣ ਨੂੰ ਮਿਲਦੀ ਸੀ। 'ਬਾਹੂਬਲੀ' ਲਈ ਪ੍ਰਭਾਸ ਨੇ ਕਾਫੀ ਮਿਹਨਤ ਕੀਤੀ ਸੀ।
ਇਸ ਫਿਲਮ ਲਈ ਉਨ੍ਹਾਂ ਨੇ 22 ਕਿਲੋ ਵਜ਼ਨ ਵੀ ਵਧਾਇਆ ਸੀ। ਇਸ ਦੌਰਾਨ ਉਹ ਇਕ ਦਿਨ 'ਚ 40 ਆਂਡੇ ਖਾਂਦੇ ਸਨ। ਦੱਸ ਦੇਈਏ ਕਿ ਪ੍ਰਭਾਸ ਕਾਫੀ ਸ਼ਰਮੀਲੇ ਸੁਭਾਅ ਦੇ ਹਨ।
ਪ੍ਰਭਾਸ ਇਕ ਫਿਲਮ ਲਈ 30 ਕਰੋੜ ਰੁਪਏ ਤੱਕ ਚਾਰਜ ਕਰਦੇ ਹਨ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਪ੍ਰਭਾਸ ਐਕਟਿੰਗ ਨਹੀਂ ਬਲਕਿ ਹੋਟਲ ਇੰਡਸਟਰੀ 'ਚ ਆਪਣਾ ਕਰੀਅਰ ਬਣਾਉਣਾ ਚਾਹੁੰਦੇ ਸਨ ਕਿਉਂਕਿ ਉਨ੍ਹਾਂ ਨੂੰ ਖਾਣਾ ਬਣਾਉਣ ਦਾ ਕਾਫੀ ਸ਼ੌਕ ਹੈ।