ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਪ੍ਰਾਚੀ ਦੇਸਾਈ 12 ਸਤੰਬਰ ਨੂੰ ਆਪਣਾ 30ਵਾਂ ਜਨਮਦਿਨ ਮਨਾਏਗੀ। ਪ੍ਰਾਚੀ ਨੇ ਆਪਣੇ ਅਭਿਨੈ ਦੀ ਸ਼ੁਰੂਆਤ 2006 'ਚ ਏਕਤਾ ਕਪੂਰ ਦੇ ਟੀ. ਵੀ. ਸ਼ੋਅ 'ਕਸਮ' ਨਾਲ ਕੀਤੀ ਸੀ। ਪ੍ਰਾਚੀ ਨੂੰ ਸ਼ੁਰੂ ਤੋਂ ਹੀ ਫਿਲਮਾਂ 'ਚ ਅਭਿਨੈ ਕਰਨ ਦਾ ਸ਼ੌਕ ਸੀ ਅਤੇ ਇਸ ਲਈ ਉਸ ਨੇ ਬਾਲਾਜੀ ਟੈਲੀਫਿਲਮ ਨੂੰ ਪੁਣੇ 'ਚ ਆਡੀਸ਼ਨ ਦਿੱਤਾ ਅਤੇ ਇਸ ਨਾਲ ਉਸ ਦੇ ਕਰੀਅਰ ਨੂੰ ਅਹਿਮ ਮੋੜ ਮਿਲਿਆ। ਅੱਜ ਉਨ੍ਹਾਂ ਦੇ ਜਨਮਦਿਨ ਮੌਕੇ ਜੀਵਨ ਨਾਲ ਜੁੜੀਆਂ ਕਈ ਗੱਲਾਂ ਸ਼ੇਅਰ ਕਰਨ ਜਾ ਰਹੇ ਹਾਂ।
ਆਪਣੇ ਸਕੂਲ ਦੇ ਦਿਨਾਂ ਤੋਂ ਹੀ ਪ੍ਰਾਚੀ ਸ਼ਾਹਿਦ ਕਪੂਰ ਦੀ ਬਹੁਤ ਵੱਡੀ ਫੈਨ ਸੀ ਪਰ ਜਿਵੇਂ ਹੀ ਉਹ ਵੱਡੀ ਹੋਈ ਉਸ ਦੀ ਦੀਵਾਨਗੀ ਰਿਤਿਕ ਰੋਸ਼ਨ ਵੱਲ ਵੱਧਣ ਲੱਗ ਪਈ। ਪ੍ਰਾਚੀ ਖੁਦ ਨਾਲੋਂ ਜ਼ਿਆਦਾ ਉਮਰ ਦੇ ਹੀਰੋ ਨਾਲ ਕੰਮ ਕਰਨਾ ਚਾਹੁੰਦੀ ਸੀ। ਪ੍ਰਾਚੀ ਨੂੰ ਲਗਦਾ ਸੀ ਕਿ ਵੱਡੀ ਉਮਰ ਦਾ ਹੀਰੋ ਅਤੇ ਘੱਟ ਉਮਰ ਵਾਲੀ ਅਦਾਕਾਰਾ ਦੀ ਜੋੜੀ ਫਿਲਮ ਨੂੰ ਹੋਰ ਜ਼ਿਆਦਾ ਦਿਲਚਸਪ ਬਣਾ ਦਿੰਦੀ ਹੈ।
ਪ੍ਰਾਚੀ ਨੇ ਸਿਰਫ 2 ਸ਼ੋਅ 'ਚ ਕੰਮ ਕੀਤਾ ਅਤੇ ਫਿਰ ਉਸ ਨੂੰ ਫਿਲਮ 'ਰਾਕ ਆਨ' 'ਚ ਰੋਲ ਆਫਰ ਹੋਇਆ। ਬਿਨਾਂ ਸੋਚੇ ਸਮਝੇ ਉਸ ਨੇ ਫਿਲਮ 'ਚ ਕੰਮ ਕਰਨ ਲਈ ਹਾਮੀ ਭਰ ਦਿੱਤੀ। ਉਸ ਸਮੇਂ ਫਰਹਾਨ ਅਖਤਰ ਦੀ ਫਿਲਮ ਨਾਲ ਡੈਬਿਊ ਕਰਨਾ ਛੋਟੀ ਗੱਲ ਨਹੀਂ ਸੀ। ਐਕਟਿੰਗ ਅਤੇ ਸ਼ਾਨਦਾਰ ਲੁੱਕ ਦੀ ਬਦੌਲਤ ਪ੍ਰਾਚੀ ਨੂੰ ਕਈ ਫਿਲਮਾਂ ਮਿਲੀਆਂ। ਹਾਲਾਂਕਿ ਉਸ ਨੇ ਅਜੇ ਤੱਕ ਜ਼ਿਆਦਾ ਫਿਲਮਾਂ 'ਚ ਕੰਮ ਨਹੀਂ ਕੀਤਾ। ਫਿਲਮ 'ਵਨਸ ਅਪਾਨ ਟਾਈਮ ਇੰਨ ਮੁੰਬਈ' 'ਚ ਪ੍ਰਾਚੀ ਇਮਰਾਨ ਹਾਸ਼ਮੀ ਦੇ ਆਪੋਜ਼ਿਟ ਨਜ਼ਰ ਆਈ। ਇਸ ਫਿਲਮ ਲਈ ਉਸ ਨੂੰ 6 ਐਵਾਰਡ ਮਿਲੇ ਸਨ।
ਪਰਦੇ 'ਤੇ ਇਮਰਾਨ ਹਾਸ਼ਮੀ ਨਾਲ ਉਸ ਦੀ ਜੋੜੀ ਖੂਬ ਪਸੰਦ ਕੀਤੀ ਗਈ। ਇਸ ਤੋਂ ਇਲਾਵਾ ਪ੍ਰਾਚੀ ਦੇਸਾਈ 'ਤੇਰੀ ਮੇਰੀ ਕਹਾਣੀ', 'ਏਕ ਵਿਲੀਅਨ', 'ਅਜ਼ਹਰ', 'ਰਾਕ ਆਨ 2' ਅਤੇ 'ਲਾਈਫ ਪਾਰਟਨਰ' ਵਰਗੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ। ਆਪਣੇ ਡੈਬਿਊ ਟੀ ਵੀ ਸ਼ੋਅ 'ਕਸਮ ਸੇ' 'ਚ ਜ਼ਬਰਦਸਤ ਅਭਿਨੈ ਕਰਕੇ ਪ੍ਰਾਚੀ ਬੈਸਟ ਅਭਿਨੇਤਰੀ ਦੇ ਐਵਾਰਡ ਨਾਲ ਸਨਮਾਨਿਤ ਹੋ ਚੁੱਕੀ ਹੈ।
