ਨਵੀਂ ਦਿੱਲੀ— ਐੱਸ. ਐੱਸ. ਰਾਜਾਮੌਲੀ. ਦੀ ਫਿਲਮ ਬਾਹੂਬਲੀ ਦੇ ਪਹਿਲੇ ਅਤੇ ਦੂਜੇ ਪਾਰਟ ਨੇ ਐਕਟਰ ਪ੍ਰਭਾਸ ਨੂੰ ਇੰਨੀ ਸ਼ੋਹਰਤ ਅਤੇ ਪ੍ਰਸਿੱਧੀ ਹਾਸਲ ਕੀਤੀ ਕਿ ਉਹ ਹੁਣ ਪੂਰੀ ਦੁਨੀਆ 'ਚ ਪਛਾਣੇ ਜਾਣ ਲੱਗੇ ਹਨ। ਬਾਹੂਬਲੀ ਦੇ ਦੋਹਾਂ ਭਾਗਾਂ ਦੀ ਸ਼ਫਲਤਾ ਨੇ ਪ੍ਰਭਾਸ ਨੂੰ ਸਭ ਤੋਂ ਵਾਂਟੇਡ ਬੈਚਲਰਜ਼ ਦੀ ਲਿਸਟ 'ਚ ਸ਼ਾਮਲ ਕਰਾ ਦਿੱਤਾ ਹੈ। ਇਸੇ ਵਜ੍ਹਾ ਤੋਂ ਪ੍ਰਭਾਸ ਦੇ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਦੇ ਨਿੱਜੀ ਜ਼ਿੰਦਗੀ 'ਚ ਵੀ ਕਾਫੀ ਦਿਲਚਸਪੀ ਆਉਣ ਲੱਗੀ ਹੈ।
ਪਿਛਲੇ ਕੁਝ ਮੀਡੀਆ ਰਿਪੋਰਟਜ਼ 'ਚ ਇਹ ਦਾਅਵਾ ਕੀਤਾ ਗਿਆ ਸੀ ਕਿ ਪ੍ਰਭਾਸ ਛੇਤੀ ਹੀ ਕਿਸੇ ਵੱਡੇ ਬਿਜ਼ਨੈੱਸਮੈਨ ਦੀ ਪੋਤੀ ਨੂੰ ਆਪਣਾ ਹਮਸਫਰ ਬਣਾਉਣ ਵਾਲੇ ਹਨ। ਹਾਲਾਂਕਿ ਅਜਿਹਾ ਲੱਗਦਾ ਹੈ ਕਿ ਫਿਲਹਾਲ ਪ੍ਰਭਾਸ ਨੂੰ ਵਿਆਹ ਦੀ ਅਜੇ ਕੋਈ ਛੇਤੀ ਨਹੀਂ ਹੈ ਪਰ ਉਨ੍ਹਾਂ ਦੀ ਭੈਣ ਅਤੇ ਕਜ਼ਨ ਨੇ ਤਾਂ ਉਨ੍ਹਾਂ ਦੇ ਵਿਆਹ ਲਈ ਪਲਾਨ ਬਣਾਉਣਾ ਵੀ ਸ਼ੁਰੂ ਕਰ ਕਰ ਦਿੱਤਾ ਹੈ। ਰਿਪੋਰਟ ਮੁਤਾਬਕ ਪ੍ਰਭਾਸ ਦੀ ਵੱਡੀ ਭੈਣ ਪ੍ਰਗਤੀ ਉਪਲਾਪਤੀ ਨੇ ਕਿਹਾ— ਅਸੀਂ ਬਹੁਤ ਉਤਸ਼ਾਹਿਤ ਹਨ ਅਤੇ ਨਿਸ਼ਚਿਤ ਤੌਰ 'ਤੇ ਸਾਨੂੰ ਉਸ ਦੇ ਵਿਆਹ ਦੌਰਾਨ ਕਾਫੀ ਚੰਗਾ ਸਮਾਂ ਬਿਤਾਉਣ ਦਾ ਮੌਕਾ ਮਿਲੇਗਾ ਪਰ ਪ੍ਰਗਤੀ ਨੂੰ ਵੀ ਨਹੀਂ ਪਤਾ ਕਿ ਆਖਿਰ ਬਾਹੂਬਲੀ ਵਿਆਹ ਕਦੋਂ ਕਰਨਗੇ।
ਜ਼ਿਕਰਯੋਗ ਹੈ ਕਿ ਮੀਡੀਆ ਰਿਪੋਰਟਜ਼ ਮੁਤਾਬਕ ਪ੍ਰਭਾਸ ਨੇ ਕਿਹਾ ਸੀ ਕਿ ਮੇਰੀ ਫੀਮੇਲ ਫੈਂਸ ਜ਼ਰਾ ਵੀ ਚਿੰਤਾ ਨਾ ਕਰਨ। ਮੈਂ ਅਜੇ ਵਿਆਹ ਨਹੀਂ ਕਰ ਰਿਹਾ ਹਾਂ, ਮੈਂ ਤਾਂ ਵਿਆਹ ਦੇ ਬਾਰੇ 'ਚ ਸੋਚ ਵੀ ਨਹੀਂ ਰਿਹਾ ਹਾਂ।