ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਪ੍ਰਿਟੀ ਜ਼ਿੰਟਾ ਸ਼ਨੀਵਾਰ ਨੂੰ 'ਵੋਗ ਵੂਮਨ ਆਫ ਦਿ ਈਅਰ ਐਵਾਰਡ 2018' 'ਚ ਸ਼ਾਮਲ ਹੋਈ। ਇਸ ਐਵਾਰਡ ਸਮਾਗਮ 'ਚ ਪ੍ਰਿਟੀ ਜ਼ਿੰਟਾ ਬਲੈਕ ਡਰੈੱਸ 'ਚ ਪਹੁੰਚੀ।
ਵਿਆਹ ਤੋਂ ਬਾਅਦ ਪ੍ਰਿਟੀ ਨੇ ਐਵਾਰਡ ਸਮਾਗਮਾਂ ਤੇ ਸਟਾਰ ਪਾਰਟੀਆਂ ਦੇ ਨਾਲ-ਨਾਲ ਫਿਲਮਾਂ ਤੋਂ ਵੀ ਕਿਨਾਰਾ ਕਰ ਲਿਆ ਸੀ ਪਰ ਇਸ ਈਵੈਂਟ 'ਚ ਉਸ ਦਾ ਅੰਦਾਜ਼ ਦੇਖ ਕੇ ਸਾਰੇ ਹੈਰਾਨ ਰਹਿ ਗਏ।
ਵਿਆਹ ਤੋਂ ਬਾਅਦ ਇਹ ਉਸ ਦਾ ਹੁਣ ਤੱਕ ਦਾ ਸਭ ਤੋਂ ਖੂਬਸੂਰਤ ਅੰਦਾਜ਼ ਕਿਹਾ ਜਾ ਰਿਹਾ ਹੈ। ਹਮੇਸ਼ਾ ਵਾਂਗ ਇਸ ਵਾਰ ਵੀ ਪ੍ਰਿਟੀ ਨੇ ਆਪਣੇ ਚੁਲਬੁਲੇ ਅੰਦਾਜ਼ ਨਾਲ ਸਭ ਨੂੰ ਇੰਪ੍ਰੈਸ ਕੀਤਾ।
ਪ੍ਰਿਟੀ ਨੇ 29 ਫਰਵਰੀ, 2016 ਨੂੰ ਅਮਰੀਕਾ ਬਿਜ਼ਨੈੱਸਮੈਨ ਜੀਨ ਗੁਡਈਨਫ ਨਾਲ ਵਿਆਹ ਕਰਾਇਆ ਸੀ, ਜਿਸ ਤੋਂ ਬਾਅਦ ਉਹ ਪਬਲਿਕ ਅਪੀਅਰੈਂਸ ਤੋਂ ਗਾਇਬ ਹੀ ਹੋ ਗਈ ਸੀ।