ਜਲੰਧਰ (ਬਿਊਰੋ) — ਟੀ. ਵੀ. ਐਕਟਰ ਪ੍ਰਿੰਸ ਨਰੂਲਾ ਜਿਸ ਨੇ ਛੋਟੀ ਉਮਰ 'ਚ ਵੱਡੀਆਂ ਕਾਮਯਾਬੀਆਂ ਨੂੰ ਹਾਸਲ ਕੀਤਾ ਹੈ। ਪ੍ਰਿੰਸ ਨਰੂਲਾ ਜੋ ਕਿ ਆਪਣੇ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਤੇ ਇਸ ਵਾਰ ਉਸ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਭੰਗੜੇ ਪਾਉਂਦੇ ਦੀ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਦੱਸ ਦੀਏ ਕਿ ਇਸ ਵੀਡੀਓ 'ਚ ਪ੍ਰਿੰਸ ਨਰੂਲਾ ਅਕਸ਼ੈ ਕੁਮਾਰ ਦੀ ਸੁਪਰਹਿੱਟ ਫਿਲਮ 'ਸਿੰਘ ਇਜ਼ ਬਲਿੰਗ' ਦਾ ਸੁਪਰਹਿੱਟ ਗੀਤ 'ਟੁੰਗ ਟੁੰਗ' 'ਤੇ ਭੰਗੜਾ ਪਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ 'ਚ ਉਹ ਪੂਰੀ ਮਸਤੀ ਦੇ ਮੂਡ 'ਚ ਦਿਸ ਰਿਹਾ ਹੈ। ਪ੍ਰਿੰਸ ਨਰੂਲਾ ਨਾਲ ਉਸ ਦੇ ਬਾਕੀ ਸਾਥੀ ਬਾਲੀਵੁੱਡ ਅਦਾਕਾਰਾ ਨੇਹਾ ਧੂਪੀਆ, ਬਾਲੀਵੁੱਡ ਤੇ ਪਾਲੀਵੁੱਡ ਅਦਾਕਾਰ ਰਣਵਿਜੇ ਸਿੰਘ, ਬਾਲੀਵੁੱਡ ਰੈਪਰ ਰਫਤਾਰ ਤੇ ਪੰਜਾਬ ਦਾ ਸ਼ੇਰ ਪੁੱਤਰ ਹਾਕੀ ਖਿਡਾਰੀ ਸੰਦੀਪ ਸਿੰਘ ਨਜ਼ਰ ਆ ਰਿਹਾ ਹੈ। ਇਸ ਵੀਡੀਓ ਨੂੰ ਉਸ ਦੇ ਫੈਨਜ਼ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ, ਹੁਣ ਤੱਕ ਇਸ ਵੀਡੀਓ ਨੂੰ ਚਾਰ ਲੱਖ ਤੋਂ ਵੀ ਵੱਧ ਵਿਊਜ਼ ਮਿਲ ਚੁੱਕੇ ਹਨ।
ਦੱਸ ਦਈਏ ਪ੍ਰਿੰਸ ਨਰੂਲਾ ਨੇ ਬਹੁਤ ਸਾਰੇ ਰਿਐਲਟੀ ਸ਼ੋਅਜ਼ 'ਰੋਡੀਜ਼', 'ਬਿੱਗ ਬੌਸ' ਤੇ ਕਈ ਹੋਰ ਸ਼ੋਅ ਜਿੱਤ ਚੁੱਕਾ ਹੈ। ਪ੍ਰਿੰਸ ਨਰੂਲਾ ਜੋ ਕਿ ਇਸ ਵਾਰ ਵੀ ਟੀ.ਵੀ ਦੇ ਮਸ਼ਹੂਰ ਸ਼ੋਅ 'ਰੋਡੀਜ਼' 'ਚ ਜੱਜ ਦੀ ਭੂਮਿਕਾ ਨਿਭਾ ਰਿਹਾ ਹੈ।