ਮੁੰਬਈ(ਬਿਊਰੋ)— 'ਲਕੀਰਾਂ', 'ਯਾਰਾਂ ਦਾ ਕੈਚਅੱਪ', 'ਡੈਡੀ ਕੂਲ ਮੁੰਡੇ ਫੂਲ', 'ਯਾਰਾਨਾ' ਵਰਗੀਆਂ ਫਿਲਮਾਂ ਨਾਲ ਪੰਜਾਬੀ ਫਿਲਮ ਇੰਡਸਟਰੀ 'ਚ ਖਾਸ ਪਛਾਣ ਬਣਾਉਣ ਵਾਲੀ ਯੁਵਿਕਾ ਚੌਧਰੀ ਪ੍ਰੇਮੀ ਪ੍ਰਿੰਸ ਨਰੂਲਾ ਨਾਲ 12 ਅਕਤੂਬਰ ਨੂੰ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕੀ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਯੁਵਿਕਾ ਤੇ ਪ੍ਰਿੰਸ ਮਾਲਦੀਵ 'ਚ ਹਾਨੀਮੂਨ ਇੰਜੁਆਏ ਕਰ ਰਹੇ ਹਨ। ਬੀਤੇ ਦਿਨੀਂ ਉਹ ਮਾਲਦੀਵ ਤੋਂ ਪਰਤ ਆਏ ਹਨ। ਦੋਵੇਂ ਏਅਰਪੋਰਟ 'ਤੇ ਸਟਾਈਲਿਸ਼ ਲੁੱਕ 'ਚ ਨਜ਼ਰ ਆਏ ਸਨ।
ਦੱਸ ਦੇਈਏ ਯੁਵਿਕਾ ਚੌਧਰੀ ਦਾ ਅੱਜ ਪਹਿਲਾ ਕਰਵਾਚੌਥ ਹੈ, ਜਿਸ ਦੀ ਤਿਆਰੀ ਲਈ ਉਹ ਕੱਲ ਮਾਲਦੀਵ ਤੋਂ ਪਰਤੇ ਸਨ। ਹਾਲ ਹੀ 'ਚ ਸੋਸ਼ਲ ਮੀਡੀਆ 'ਤੇ ਦੋਵਾਂ ਦੀ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਪ੍ਰਿੰਸ ਨਰੂਲਾ ਪਤਨੀ ਯੁਵਿਕਾ ਚੌਧਰੀ ਦੇ ਹੱਥ 'ਤੇ ਮਹਿੰਦੀ ਲਾਉਂਦਾ ਨਜ਼ਰ ਆ ਰਿਹਾ ਹੈ।
ਇਕ ਤਸਵੀਰ 'ਚ ਯੁਵਿਕਾ ਆਪਣੀ ਮਹਿੰਦੀ ਦਿਖਾਉਂਦੀ ਵੀ ਨਜ਼ਰ ਆ ਰਹੀ ਹੈ। ਇਸ ਤੋਂ ਇਲਾਵਾ ਇਕ ਤਸਵੀਰ 'ਚ ਯੁਵਿਕਾ ਆਪਣੇ ਹੱਥ 'ਤੇ ਮਹਿੰਦੀ ਨਾਲ ਪ੍ਰਿੰਸ ਨਰੂਲਾ ਵਲੋਂ ਬਣਾਇਆ ਘਰ ਦਿਖਾ ਰਹੀ ਹੈ।
