ਜਲੰਧਰ (ਬਿਊਰੋ)— ਪ੍ਰਿੰਸ ਨਰੂਲਾ ਤੇ ਯੁਵਿਕਾ ਚੌਧਰੀ ਦਾ ਵਿਆਹ ਹੋ ਚੁੱਕਾ ਹੈ। ਇਨ੍ਹਾਂ ਦੋਹਾਂ ਦੀ ਰਿਸੈਪਸ਼ਨ ਪਾਰਟੀ 21 ਅਕਤੂਬਰ ਨੂੰ ਚੰਡੀਗੜ੍ਹ 'ਚ ਹੋਵੇਗੀ। ਦੋਵਾਂ ਦਾ ਵਿਆਹ ਪੰਜਾਬੀ ਰੀਤੀ ਰਿਵਾਜ਼ ਨਾਲ ਹੋਇਆ। ਦੋਵਾਂ ਦੇ ਵਿਆਹ ਦੀਆਂ ਕਈ ਤਸਵੀਰਾਂ ਤੇ ਵੀਡੀਓਜ਼ ਵੀ ਵਾਇਰਲ ਹੋਈਆਂ ਸਨ। ਵਿਆਹ ਵਾਲੇ ਦਿਨ ਹੀ ਪ੍ਰਿੰਸ ਨਰੂਲਾ ਨੇ ਆਪਣੀ ਪਤਨੀ ਯੁਵਿਕਾ ਨੂੰ ਕਰੋੜਾਂ ਦੀ ਬੀ. ਐੱਮ. ਡਬਲਿਊ. ਕਾਰ ਗਿਫਟ ਕੀਤੀ ਹੈ।
ਇਹ ਕਾਰ ਪ੍ਰਿੰਸ ਵੱਲੋਂ ਯੁਵਿਕਾ ਨੂੰ ਵਿਆਹ 'ਚ ਦਿੱਤਾ ਗਿਆ ਪਹਿਲਾ ਤੋਹਫਾ ਹੈ, ਜਿਸ ਦੀ ਕੀਮਤ 2.65 ਕਰੋੜ ਰੁਪਏ ਹੈ। ਇਸ 'ਚ ਉਹ ਯੁਵਿਕਾ ਦੀ ਡੋਲੀ ਲੈ ਕੇ ਆਏ ਸਨ। ਪ੍ਰਿੰਸ ਨਰੂਲਾ ਵੱਲੋਂ ਵਿਆਹ 'ਚ ਆਪਣੀ ਪਤਨੀ ਨੂੰ ਗਿਫਟ ਕੀਤੀ ਗਈ ਇਸ ਕਾਰ ਦੀਆਂ ਕੁਝ ਵੀਡੀਓਜ਼ ਵੀ ਸਾਹਮਣੇ ਆਈਆਂ ਹਨ।