ਮੁੰਬਈ(ਬਿਊਰੋ)— ਰਾਤੋਂ-ਰਾਤ ਇੰਟਰਨੈੱਟ ਸਨਸਨੀ ਬਣੀ ਪ੍ਰਿਆ ਪ੍ਰਕਾਸ਼ ਵਾਰੀਅਰ ਇਕ ਵਾਰ ਫਿਰ ਚਰਚਾ 'ਚ ਹੈ। ਅਸਲ 'ਚ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਕ ਤਸਵੀਰ ਸ਼ੇਅਰ ਕਰਦਿਆਂ ਕੁਮੈਂਟ ਕੀਤਾ ਹੈ। ਅਸਲ 'ਚ ਪ੍ਰਿਆ ਨੇ ਆਪਣੇ ਸਹਿ-ਅਦਾਕਾਰ ਰੋਸ਼ਨ ਅਬਦੁੱਲ ਰਹੂਫ ਨਾਲ ਲਈ ਗਈ ਇਕ ਤਸਵੀਰ ਆਪਣੇ ਇੰਸਟਾਗਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ 'ਚ ਦੋਵੇਂ ਡਾਂਸ ਕਰਦੇ ਦਿਖਾਈ ਦੇ ਰਹੇ ਹਨ। ਇਹ ਤਸਵੀਰ ਦੁਬਈ 'ਚ ਇਕ ਇਵੈਂਟ ਦੌਰਾਨ ਖਿੱਚੀ ਗਈ ਸੀ। ਤਸਵੀਰ ਸ਼ੇਅਰ ਕਰਨ ਦੇ ਨਾਲ ਪ੍ਰਿਆ ਨੇ ਕੈਪਸ਼ਨ 'ਚ ਲਿਖਿਆ ਹੈ ਕਿ 'ਜਨਮਦਿਨ ਮੁਬਾਰਕ ਹੋਵੇ ਮੇਰੇ ਫੇਵਰੇਟ ਅਤੇ ਮੈਨੂੰ ਕੁਝ ਕਹਿਣ ਦੀ ਜ਼ਰੂਰਤ ਨਹੀਂ ਹੈ, ਕਿਉਂਕਿ ਤੁਸੀਂ ਸਭ ਕੁਝ ਜਾਣਦੇ ਹੀ ਹੋ, ਤੁਹਾਡੇ 'ਤੇ ਭਗਵਾਨ ਦਾ ਆਸ਼ੀਰਵਾਦ ਬਣਿਆ ਰਹੇ।''
ਜ਼ਿਕਰਯੋਗ ਹੈ ਕਿ ਫਿਲਮ 'ਓਰੂ ਅਦਾਰ ਲਵ' ਦੇ ਇਕ ਗੀਤ 'ਚ ਆਪਣੇ ਸਹਿ-ਅਦਾਕਾਰ ਨੂੰ ਅੱਖਾਂ ਰਾਹੀਂ ਇਸ਼ਾਰੇ ਕਰਨ ਕਾਰਨ ਪ੍ਰਿਆ ਪ੍ਰਕਾਸ਼ ਵਰਲਡਵਾਈਡ ਵਾਇਰਲ ਹੋ ਗਈ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਬਾਲੀਵੁੱਡ ਤੋਂ ਵੀ ਫਿਲਮਾਂ ਦੇ ਕਈ ਆਫਰ ਆਉਣ ਲੱਗ ਪਏ ਸਨ। ਪ੍ਰਿਆ ਪ੍ਰਕਾਸ਼ ਦੇ ਇਸ 26 ਸੈਕਿੰਡ ਦੇ ਵੀਡੀਓ ਨੇ ਦੁਨੀਆ ਭਰ 'ਚ ਤਹਿਲਕਾ ਮਚਾ ਦਿੱਤਾ ਸੀ, ਜਿਸ ਨੂੰ ਇਕ ਹੀ ਦਿਨ 'ਚ 6 ਮੀਲੀਅਨ ਲੋਕਾਂ ਨੇ ਦੇਖਿਆ ਸੀ, ਜੋ ਕਿ ਇਕ ਰਿਕਾਰਡ ਸਿੱਧ ਹੋਇਆ ਸੀ।