ਮੁੰਬਈ (ਬਿਊਰੋ)— ਇੰਟਰਨੈੱਟ 'ਤੇ ਸਨਸਨੀ ਗਰਲ ਨਾਂ ਨਾਲ ਪਛਾਣ ਬਣਾ ਚੁੱਕੀ ਅਦਾਕਾਰਾ ਪ੍ਰਿਆ ਪ੍ਰਕਾਸ਼ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਵੀਡੀਓ ਪੋਸਟ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਕੇਰਲ ਦੇ ਹੜ੍ਹ ਪੀੜਤਾਂ ਲਈ ਮਦਦ ਦੀ ਅਪੀਲ ਕੀਤੀ ਹੈ। ਪ੍ਰਿਆ ਪ੍ਰਕਾਸ਼ ਨੇ ਵੀਡੀਓ 'ਚ ਕਿਹਾ, ''ਸਾਰਿਆਂ ਨੂੰ ਨਮਸਕਾਰ, ਜਿਵੇਂ ਤੁਸੀ ਜਾਣਦੇ ਹੋ ਕਿ ਕੇਰਲ ਇਸ ਸਮੇਂ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਭਾਰੀ ਮੀਂਹ ਦੀ ਵਜ੍ਹਾ ਕਰਕੇ ਕਈ ਪਰਿਵਾਰਾਂ ਨੇ ਆਪਣੇ ਘਰ ਗੁਆ ਦਿੱਤੇ ਹਨ ਅਤੇ ਹੁਣ ਉਹ ਹੜ੍ਹ ਰਾਹਤ ਕੈਂਪ 'ਚ ਰਹਿ ਰਹੇ ਹਨ। ਇਸ ਲਈ ਤੁਸੀਂ ਸਾਰੇ ਜਿੰਨਾ ਵੀ ਦਾਨ ਦੇ ਸਕਦੇ ਹੋ, ਦਿਓ। ਕਿਰਪਾ ਕਰਕੇ ਕੇਰਲ ਚੀਫ ਮਿਨਿਸਟਰਜ਼ ਫੰਡ 'ਚ ਦਾਨ ਕਰੋ। ਹੜ੍ਹ ਪੀੜਤਾਂ ਦੀ ਮਦਦ ਕਰਨ ਲਈ ਅੱਗੇ ਆਓ। ਹੁਣ ਇਕ-ਇਕ ਰੁਪਏ ਮਾਇਨੇ ਰੱਖਦਾ ਹੈ।''