ਮੁੰਬਈ(ਬਿਊਰੋ)- ਇਕ ਸਾਲ ਪਹਿਲਾਂ ਪ੍ਰਿਅੰਕਾ ਚੋਪੜਾ ਤੇ ਨਿੱਕ ਜੋਨਸ ਨੇ ਜੋਧਪੁਰ ਦੇ ਉਮੇਦ ਭਵਨ ਵਿਚ ਵਿਆਹ ਕਰਵਾਇਆ ਸੀ। ਇਸ ਸਭ ਦੇ ਚਲਦੇ ਇਸ ਵਿਆਹ ਨੂੰ ਲੈ ਕੇ ਹੋਟਲ ਦੇ ਪ੍ਰਬੰਧਕਾਂ ਨੇ ਵੱਡਾ ਖੁਲਾਸਾ ਕੀਤਾ ਹੈ।ਪ੍ਰਬੰਧਕਾਂ ਨੇ ਖੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਇਸ ਵਿਆਹ ਨਾਲ ਇਕ ਦੋ ਦਿਨ ਵਿਚ ਉਨੀ ਆਮਦਨੀ ਹੋਈ ਸੀ, ਜਿੰਨੀ ਆਮਦਨੀ ਉਨ੍ਹਾਂ ਨੂੰ ਤਿੰਨ ਮਹੀਨਿਆਂ ਵਿਚ ਹੁੰਦੀ ਹੈ।
ਇਹ ਜਾਣਕਾਰੀ ਹੋਟਲ ਦੇ ਮੁੱਖ ਪ੍ਰਬੰਧਕ ਨੇ ਦਿੱਤੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਵਿਆਹ ਦੌਰਾਨ ਪੂਰੇ ਪੈਲੇਸ ਨੂੰ ਚਾਰ ਦਿਨ ਵਾਸਤੇ ਬੁੱਕ ਕੀਤਾ ਗਿਆ ਸੀ ਤੇ ਕਿਸੇ ਵੀ ਬਾਹਰੀ ਵਿਅਕਤੀ ਦੀ ਕੋਈ ਐਂਟਰੀ ਨਹੀਂ ਸੀ। ਪਿਛਲੇ ਸਾਲ 1 ਤੇ 2 ਦਸੰਬਰ ਨੂੰ ਇਸ ਜੋੜੀ ਦਾ ਵਿਆਹ ਹੋਇਆ ਸੀ। ਇਨ੍ਹਾਂ ਚਾਰ ਦਿਨਾਂ ਵਿਚ ਨਿੱਕ ਤੇ ਪ੍ਰਿਅੰਕਾ ਨੇ ਤਿੰਨ ਕਰੋੜ ਰੁਪਏ ਖਰਚ ਕਰ ਦਿੱਤੇ ਸਨ।
ਦੱਸ ਦੇਈਏ ਕਿ ਪ੍ਰਿਅੰਕਾ ਤੇ ਨਿੱਕ ਦਾ ਵਿਆਹ 2018 ਦੇ ਸਭ ਤੋਂ ਚਰਚਿਤ ਵਿਆਹਾਂ ’ਚੋਂ ਇਕ ਸੀ। ਪ੍ਰਿਅੰਕਾ ਤੇ ਨਿੱਕ ਆਪਣੇ ਵਿਆਹ ਦੀ ਸੈਰੇਮਨੀ ਦੀ ਵੈੱਬ ਸੀਰੀਜ ਵੀ ਬਣਾਉਣ ਜਾ ਰਹੇ ਹਨ।