ਮੁੰਬਈ(ਬਿਊਰੋ)- ਬਾਲੀਵੁੱਡ ਤੇ ਹਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਨੇ ਹਾਲ ਹੀ ’ਚ ‘ਦਿ ਸਕਾਈ ਇਜ ਪਿੰਕ’ ਨਾਲ ਬਾਲੀਵੁੱਡ ’ਚ ਐਂਟਰੀ ਕੀਤੀ ਹੈ। ਪਿਛਲੇ ਦਿਨੀਂ ਪ੍ਰਿਅੰਕਾ ਆਪਣੀ ਇਸੇ ਫਿਲਮ ਦੇ ਪ੍ਰੋਮਸ਼ਨ ’ਚ ਬਿਜ਼ੀ ਸੀ ਹਾਲਾਂਕਿ, ਹੁਣ ਉਹ ਫਿਲਮ ਦੇ ਪ੍ਰੋਮਸ਼ਨ ਤੋਂ ਫਰੀ ਹੋ ਕੇ ਆਪਣੇ ਲਈ ਸਮਾਂ ਕੱਢ ਰਹੀ ਹੈ। ਪ੍ਰਿਅੰਕਾ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਇਕ ਵੀਡੀਓ ਸਾਂਝਾ ਕੀਤਾ ਹੈ। ਇਸ ਵੀਡੀਓ ‘ਚ ਉਹ ਕ੍ਰਿਸ਼ਨਾ ਸਕਾਈ ਨਾਂਅ ਦੀ ਬੱਚੀ ਨਾਲ ਸਵਿਮਿੰਗ ਪੂਲ ‘ਚ ਮਸਤੀ ਕਰਦੀ ਹੋਈ ਨਜ਼ਰ ਆ ਰਹੀ ਹੈ।
ਪ੍ਰਿਅੰਕਾ ਬੱਚੀ ਨੂੰ ਕਹਿ ਰਹੀ ਹੈ ਯੂ ਆਰ ਸੋ ਕਿਊਟ ਪਰ ਬੱਚੀ ਪ੍ਰਿਅੰਕਾ ਨੂੰ ਕਹਿੰਦੀ ਹੈ ਕਿ ਯੂ ਆਰ ਸੋ ਕਿਊਟ। ਪ੍ਰਿਯੰਕਾ ਚੋਪੜਾ ਨੇ ਵੀਡੀਓ ਦੀ ਕੈਪਸ਼ਨ ‘ਚ ਲਿਖਿਆ ਹੈ, ‘ਅਸੀਂ ਦੋਵੇਂ ਹੀ ਬਹੁਤ ਹੀ ਕਿਊਟ ਹਾਂ’ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਖੂਬ ਪਸੰਦ ਕੀਤੀ ਜਾ ਰਹੀ ਹੈ। ਜਿਸ ਦੇ ਚੱਲਦੇ ਇਕ ਘੰਟੇ ‘ਚ ਇਕ ਮਿਲੀਅਨ ਤੋਂ ਵੱਧ ਵਾਰ ਇਸ ਵੀਡੀਓ ਨੂੰ ਦੇਖਿਆ ਜਾ ਚੁੱਕਿਆ ਹੈ।