ਮੁੰਬਈ (ਬਿਊਰੋ)— ਬਾਲੀਵੁੱਡ ਅਤੇ ਹਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਅੱਜਕਲ ਅਮਰੀਕੀ ਗਾਇਕ-ਅਦਾਕਾਰ ਨਿੱਕ ਜੋਨਸ ਨਾਲ ਅਫੇਅਰ ਦੀਆਂ ਖਬਰਾਂ ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਅਕਸਰ ਦੋਹਾਂ ਨੂੰ ਇਕੱਠੇ ਕਈ ਥਾਵਾਂ 'ਤੇ ਸਪਾਟ ਕੀਤਾ ਜਾਂਦਾ ਹੈ।
ਹਾਲ ਹੀ 'ਚ ਇਕ ਵਾਰ ਫਿਰ ਤੋਂ ਪ੍ਰਿਯੰਕਾ ਨੂੰ ਨਿੱਕ ਨਾਲ ਡਿਨਰ ਡੇਟ 'ਤੇ ਵੇਖਿਆ ਗਿਆ। ਇਸ ਦੌਰਾਨ ਪ੍ਰਿਯੰਕਾ ਨੇ ਬਲਿਊ ਕਲਰ ਦੀ ਡਰੈੱਸ ਪਾਈ ਹੋਈ ਸੀ, ਜਿਸ 'ਚ ਉਹ ਕਾਫੀ ਸਟਾਈਲਿਸ਼ ਨਜ਼ਰ ਆਈ।
ਇਸ ਡਰੈੱਸ ਨਾਲ ਉਨ੍ਹਾਂ ਨੇ ਵਾਈਟ ਕਲਰ ਦੀ ਜੈਕਟ ਵੀ ਪਾਈ ਹੋਈ ਹੈ। ਇਸ ਤੋਂ ਇਲਾਵਾ ਪ੍ਰਿਯੰਕਾ ਦੇ ਹੱਥ 'ਚ ਇਕ ਛੋਟਾ ਪਰਸ ਵੀ ਸੀ, ਜੋ ਕਿ Bottega Veneta ਬਰਾਂਡ ਦਾ ਹੈ। ਜਾਣਕਾਰੀ ਮੁਤਾਬਕ ਇਸ ਪਰਸ ਦੀ ਕੀਮਤ 4 ਲੱਖ 60 ਹਜ਼ਾਰ ਰੁਪਏ ਹੈ।
ਪ੍ਰਿਯੰਕਾ ਹਾਲੀਵੁੱਡ 'ਚ ਕੰਮ ਕਰਕੇ ਖੂਬ ਪੈਸੇ ਕਮਾ ਰਹੀ ਹੈ। ਪ੍ਰਿਯੰਕਾ ਦਾ ਇਹ ਪਰਸ ਅੱਜਕਲ ਕਾਫੀ ਚਰਚਾ 'ਚ ਬਣਿਆ ਹੋਇਆ ਹੈ।
ਜਾਣਕਾਰੀ ਮੁਤਾਬਕ ਦੇਸੀ ਗਰਲ ਪ੍ਰਿਯੰਕਾ ਚੋਪੜਾ ਹੁਣ 'ਕਵਾਂਟਿਕੋ' ਸੀਰੀਅਲ ਤੋਂ ਬਾਅਦ ਜਲਦ ਹੀ ਬਾਲੀਵੁੱਡ ਫਿਲਮ 'ਭਾਰਤ' 'ਚ ਨਜ਼ਰ ਆਉਣ ਵਾਲੀ ਹੈ।
ਇਸ ਫਿਲਮ ਲਈ ਉਨ੍ਹਾਂ ਨੂੰ 12 ਕਰੋੜ ਦੀ ਵੱਡੀ ਰਕਮ ਆਫਰ ਕੀਤੀ ਗਈ ਹੈ, ਜੋ ਕਿ ਦੀਪਿਕਾ ਪਾਦੂਕੋਣ ਦੀ ਫੀਸ ਦੇ ਬਰਾਬਰ ਹੈ। ਸੂਤਰਾਂ ਮੁਤਾਬਕ ਪ੍ਰਿਯੰਕਾ ਦੀ ਟੀਮ ਨੇ 14 ਕਰੋੜ ਦੀ ਡਿਮਾਂਡ ਰੱਖੀ ਸੀ।