ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਲਗਾਤਾਰ ਸੁਰਖੀਆਂ 'ਚ ਬਣੀ ਹੋਈ ਹੈ। ਉਹ ਜੋ ਕੁਝ ਵੀ ਕਰਦੀ ਹੈ, ਉਸ ਨੂੰ ਹੈੱਡਲਾਈਨ ਬਣਨ 'ਚ ਬਹੁਤੀ ਦੇਰ ਨਹੀਂ ਲੱਗਦੀ। ਹਾਲੀਵੁੱਡ 'ਚ ਪ੍ਰਸਿੱਧੀ ਖੱਟਣ ਤੋਂ ਬਾਅਦ ਹੁਣ ਪ੍ਰਿਯੰਕਾ ਨੇ ਨਿਊਯਾਰਕ 'ਚ ਇਕ ਘਰ ਖਰੀਦਿਆ ਹੈ, ਜਿਸ ਦੀਆਂ ਕੁਝ ਤਸਵੀਰਾਂ ਹਾਲ ਹੀ 'ਚ ਸਾਹਮਣੇ ਆਈਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਦੇਖ ਕੇ ਤੁਹਾਡੇ ਤਾਂ ਹੋਸ਼ ਹੀ ਉੱਡ ਜਾਣਗੇ। ਦੱਸਣਯੋਗ ਹੈ ਕਿ ਪ੍ਰਿਯੰਕਾ ਦਾ ਨਿਊਯਾਰਕ ਵਾਲਾ ਘਰ ਕਾਫੀ ਖੂਬਸੂਰਤ ਤੇ ਸ਼ਾਨਦਾਰ ਹੈ। ਉਸ ਨੇ ਇਹ ਘਰ ਖਰੀਦਣ 'ਚ ਕਾਫੀ ਮਿਹਨਤ ਕੀਤੀ ਹੈ। ਉਸ ਦਾ ਇਹ ਘਰ ਨਿਊਯਾਰਕ ਸਥਿਤ ਪਲਸ਼ ਅਪਾਰਟਮੈਂਟ 'ਚ ਹੈ। ਨਿਕ ਜੋਨਸ ਨਾਲ ਹੋਵੇਗੀ ਇਸ ਘਰ 'ਚ ਸ਼ਿਫਟ ਖਬਰਾਂ ਦੀ ਮੰਨੀਏ ਤਾਂ ਕਿਹਾ ਜਾ ਰਿਹਾ ਹੈ ਕਿ ਨਿਊਯਾਰਕ ਪਰਤਦੇ ਹੀ ਪ੍ਰਿਯੰਕਾ ਚੋਪੜਾ ਆਪਣੇ ਪ੍ਰੇਮੀ ਨਾਲ ਇਸ ਆਲੀਸ਼ਾਨ ਘਰ 'ਚ ਸ਼ਿਫਟ ਹੋ ਜਾਵੇਗੀ। ਅਜਿਹਾ ਵੀ ਕਿਹਾ ਜਾ ਰਿਹਾ ਸੀ ਕਿ ਨਿਕ ਨੇ ਪ੍ਰਿਯੰਕਾ ਸਾਹਮਣੇ ਵਿਆਹ ਦਾ ਪ੍ਰਪੋਜ਼ਲ ਵੀ ਰੱਖਿਆ ਸੀ ਪਰ ਉਹ ਇਹ ਫੈਸਲਾ ਕਾਫੀ ਸੋਚ ਸਮਝ ਕੇ ਲੈਣਾ ਚਾਹੁੰਦੀ ਹੈ।