ਮੁੰਬਈ (ਬਿਊਰੋ)— ਬਾਲੀਵੁਡ ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਅੱਜ ਆਪਣੇ ਮੰਗੇਤਰ ਨਿੱਕ ਜੋਨਸ ਨਾਲ ਕੈਥਲਿਕ ਰੀਤੀ ਰਿਵਾਜ਼ਾਂ ਨਾਲ ਵਿਆਹ ਦੇ ਬੰਧਨ 'ਚ ਬੱਝਣ ਵਾਲੀ ਹੈ। ਇਸ ਗਰੈਂਡ ਵੈਂਡਿਗ 'ਚ ਸ਼ਾਮਿਲ ਹੋਣ ਲਈ ਦੇਸ਼ ਦੇ ਸਭ ਤੋਂ ਵੱਡੇ ਬਿੱਜਨਸਮੈਨ ਮੁਕੇਸ਼ ਅੰਬਾਨੀ ਆਪਣੀ ਪੂਰੇ ਪਰਿਵਾਰ ਨਾਲ ਸ਼ੁੱਕਰਵਾਰ ਰਾਤ ਜੋਧਪੁਰ ਪੁੱਜੇ। ਇਸ ਦੌਰਾਨ ਉਨ੍ਹਾਂ ਨਾਲ ਪਤਨੀ ਨੀਤਾ ਅੰਬਾਨੀ, ਧੀ ਈਸ਼ਾ ਅੰਬਾਨੀ ਅਤੇ ਬੇਟੇ ਅਨੰਤ ਅੰਬਾਨੀ ਨਜ਼ਰ ਆਏ ਪਰ ਖਾਸ ਗੱਲ ਇਹ ਰਹੀ ਕਿ ਪਹਿਲੀ ਵਾਰ ਅੰਬਾਨੀ ਪਰਿਵਾਰ ਨਾਲ ਉਨ੍ਹਾਂ ਦੇ ਬੇਟੇ ਅਨੰਤ ਦੀ ਗਰਲਫਰੈਂਡ ਰਾਧਿਕਾ ਮਰਚੇਂਟ ਵੀ ਨਜ਼ਰ ਆਈ। ਪ੍ਰਿਅੰਕਾ ਅਤੇ ਨਿੱਕ ਦਾ ਪੂਰਾ ਪਰਿਵਾਰ ਵੀਰਵਾਰ ਨੂੰ ਹੀ ਉਮੇਦ ਭਵਨ ਪਹੁੰਚ ਗਏ ਸਨ ਇਸ ਤੋਂ ਬਾਅਦ ਤੋਂ ਹੀ ਮਹਿਮਾਨਾਂ ਦਾ ਆਉਣਾ ਸ਼ੁਰੂ ਹੋ ਗਿਆ ਹੈ। ਇਹ ਪਹਿਲਾ ਮੌਕਾ ਹੈ ਜਦੋਂ ਅਨੰਤ ਦੀ ਗਰਲਫਰੈਂਡ ਰਾਧਿਕਾ ਮਰਚੇਂਟ ਇਸ ਤਰ੍ਹਾਂ ਅੰਬਾਨੀ ਪਰਿਵਾਰ ਨਾਲ ਕਿਸੇ ਸਮਾਗਮ ਵਿਚ ਪਹੁੰਚੀ ਹੈ। ਦੱਸ ਦੇਈਏ ਕਿ ਪ੍ਰਿਅੰਕਾ ਅਤੇ ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਕਾਫ਼ੀ ਵਧੀਆ ਦੋਸਤ ਹਨ। ਪ੍ਰਿਅੰਕਾ ਦੇ ਪਰੀ ਵੈਡਿੰਗ ੈਸੈਲੀਬ੍ਰੇਸ਼ਨ ਵਿਚ ਈਸ਼ਾ ਉਨ੍ਹਾਂ ਨਾਲ ਮਸਤੀ ਕਰਦੀ ਦਿਖਾਈ ਦਿੱਤੀ ਸੀ। ਇਸ ਦੌਰਾਨ ਈਸ਼ਾ ਟ੍ਰੈਡੀਸ਼ਨਲ ਲੁੱਕ 'ਚ ਬੇਹੱਦ ਖੂਬਸੂਰਤ ਦਿਖਾਈ ਦੇ ਰਹੀ ਸੀ। ਦੱਸ ਦੇਈਏ ਕਿ ਈਸ਼ਾ ਅੰਬਾਨੀ ਦਾ ਵਿਆਹ 12 ਦਸੰਬਰ ਨੂੰ ਹੋਣ ਵਾਲਾ ਹੈ। ਪ੍ਰਿਅੰਕਾ ਦੇ ਵਿਆਹ ਦੀ ਗੱਲ ਕਰੀਏ ਤਾਂ ਵੈਸਟਰਨ ਵੈਡਿੰਗ ਤੋਂ ਬਾਅਦ 2 ਦਸੰਬਰ ਨੂੰ ਨਿੱਕ ਅਤੇ ਪ੍ਰਿਅੰਕਾ ਐਤਵਾਰ ਨੂੰ ਹਿੰਦੂ ਰੀਤੀ-ਰਿਵਾਜ਼ਾਂ ਅਨੁਸਾਰ ਵਿਆਹ ਕਰਨਗੇ। ਵਿਆਹ ਤੋਂ ਬਾਅਦ ਨਿੱਕ ਅਤੇ ਪ੍ਰਿਅੰਕਾ ਦਿੱਲੀ ਅਤੇ ਮੁੰਬਈ 'ਚ ਆਪਣੇ ਕਰੀਬੀਆਂ ਅਤੇ ਫਿਲਮ ਇੰਡਸਟਰੀ ਲਈ ਗਰੈਂਡ ਰਿਸੈਪਸ਼ਨ ਹੋਸਟ ਕਰਨਗੇ। ਚਾਰ ਦਿਨਾਂ ਤੱਕ ਚਲਣ ਵਾਲੀ ਇਸ ਗਰੈਂਡ ਵੈਡਿੰਗ ਵਿਚ ਕੁੱਲ ਮਿਲਾ ਕੇ 30 ਛੋਟੇ ਵੱਡੇ ਇਵੈਂਟ ਹੋਣਗੇ ਜਿਨ੍ਹਾਂ 'ਚ ਕਈ ਡਿਨਰ ਵੀ ਸ਼ਾਮਿਲ ਹਨ। ਦੱਸ ਦੇਈਏ ਕਿ ਟਾਮ ਪੈਲੇਸ ਤੋਂ ਲੈ ਕੇ ਮਿਊਜ਼ੀਅਮ ਆਮ ਜਨਤਾ ਲਈ ਚਾਰ ਦਿਨਾਂ ਤੱਕ ਬੰਦ ਰਹੇਗਾ।ਜੋਧਪੁਰ ਦੇ ਉਮੇਦ ਭਵਨ ਵਿਚ ਅੱਜ ਦੁਪਹਿਰ 12 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਵਿਆਹ ਹੋਵੇਗਾ ਕੈਥਲਿਕ ਰੀਤੀ ਰਿਵਾਜ਼ਾਂ ਨਾਲ ਨਿਕ ਅਤੇ ਪ੍ਰਿਅੰਕਾ ਦਾ ਵਿਆਹ ਹੋਵੇਗਾ। ਇਸ ਤੋਂ ਬਾਅਦ ਇਕ ਛੋਟਾ ਜਿਹਾ ਬ੍ਰੇਕ ਹੋਵੇਗਾ। ਰਾਤ 9 ਵਜੇ ਤੋਂ 11 ਵਜੇ ਤੱਕ ਸਿੰਗਰ ਮਾਨਸੀ ਸਕਾਟ ਲਾਈਵ ਪਰਫਾਰਮ ਕਰੇਗੀ। ਇਸ ਤੋਂ ਬਾਅਦ ਪੋਸਟ ਵੈਡਿੰਗ ਪਾਰਟੀ ਹੋਵੇਗੀ। ਪ੍ਰਿਅੰਕਾ ਅਤੇ ਨਿੱਕ ਕੱਲ ਯਾਨੀ 2 ਦੰਸਬਰ ਨੂੰ ਭਾਰਤੀ ਰੀਤੀ ਰਿਵਾਜ਼ਾਂ ਨਾਲ ਵਿਆਹ ਕਰਨਗੇ। ਵਿਆਹ ਵਿਚ ਸਿਰਫ 100 ਲੋਕਾਂ ਨੂੰ ਇਨਵਾਈਟ ਕੀਤਾ ਗਿਆ ਹੈ। ਨਿਕ ਅਤੇ ਪ੍ਰਿਅੰਕਾ ਦੇ ਵਿਆਹ ਤੋਂ ਬਾਅਦ ਬਹੁਤ ਜਲਦ ਈਸ਼ਾ ਅੰਬਾਨੀ ਦੇ ਵਿਆਹ ਦਾ ਜਸ਼ਨ ਵੀ ਸ਼ੁਰੂ ਹੋਣ ਵਾਲਾ ਹੈ। ਇਸ ਦੇ ਨਾਲ ਹੀ ਸਲਮਾਨ ਖਾਨ ਦੀ ਭੈਣ ਅਤੇ ਕਈ ਹੋਰ ਨਿੱਕ ਦੇ ਕਰੀਬੀ ਨਜ਼ਰ ਆਏ।