ਮੁੰਬਈ(ਬਿਊਰੋ)— 1 ਅਤੇ 2 ਦਸੰਬਰ ਨੂੰ ਕੈਥੋਲਿਕ ਅਤੇ ਹਿੰਦੂ ਰੀਤੀ ਰਿਵਾਜ਼ਾਂ ਨਾਲ ਵਿਆਹ ਕਰਨ ਤੋਂ ਬਾਅਦ ਪ੍ਰਿਅੰਕਾ ਚੋਪੜਾ ਹੁਣ ਆਪਣੀ ਪੁਰਾਣੀ ਜ਼ਿੰਦਗੀ 'ਚ ਵਾਪਸ ਆ ਗਈ ਹੈ। 4 ਦਸੰਬਰ ਨੂੰ ਰਿਸੈਪਸ਼ਨ ਦੀਆਂ ਤਸਵੀਰਾਂ ਆਉਣ ਤੋਂ ਬਾਅਦ ਉਨ੍ਹਾਂ ਦੇ ਫੈਨਜ਼ ਪੂਰਾ ਐਲਬਮ ਦੇਖ ਕੇ ਕਾਫ਼ੀ ਖੁਸ਼ ਹੋਏ। ਉਥੇ ਹੀ 6 ਦਸੰਬਰ ਨੂੰ ਦੇਸੀ ਗਰਲ ਵੈਟਰਨ ਆਉਟਫਿੱਟਸ 'ਚ ਨਜ਼ਰ ਆਉਣ ਤੋਂ ਬਾਅਦ ਮੁੰਬਈ 'ਚ ਵੀ ਇਸ ਅੰਦਾਜ਼ 'ਚ ਨਜ਼ਰ ਆਈ। ਪ੍ਰਿਅੰਕਾ ਦਿੱਲੀ 'ਚ Dating App Bumble ਦੇ ਲਾਂਚਿੰਗ ਪਾਰਟੀ ਤੋਂ ਬਾਅਦ ਮੁੰਬਈ 'ਚ ਵੀ ਇਸ ਦੀ ਲਾਂਚਿੰਗ 'ਚ ਪਹੁੰਚੀ। ਉਨ੍ਹਾਂ ਦਾ ਗਲੈਮਰਸ ਅੰਦਾਜ਼ ਫੋਟੋਗਰਾਫਰਸ ਨੇ ਆਪਣੇ ਕੈਮਰਿਆਂ 'ਚ ਕੈਦ ਕੀਤਾ। ਇਵੈਂਟ ਦੌਰਾਨ ਪ੍ਰਿਅੰਕਾ ਚੋਪੜਾ ਕਾਫੀ ਖੂਬਸੂਰਤ ਨਜ਼ਰ ਆ ਰਹੀ ਸੀ। ਉਨ੍ਹਾਂ ਨੇ ਮਾਂਗ ਵਿਚ ਸੰਧੂਰ, ਗਲੇ 'ਚ ਮੰਗਲਸੂਤਰ ਅਤੇ ਹੱਥਾਂ 'ਚ ਚੂੜਾ ਪਾਇਆ ਹੋਇਆ ਸੀ। ਜਦ ਕਿ ਨਿੱਕ ਜੋਨਸ ਬਲੂ ਕਲਰ ਦੀ ਪੈਂਟ ਅਤੇ ਗਰੇ ਕਲਰ ਟੀਸ਼ਰਟ ਪਹਿਨੇ ਨਜ਼ਰ ਆਏ। ਪ੍ਰਿਅੰਕਾ ਚੋਪੜਾ ਬੰਬਲ ਦੀ ਕੋ-ਫਾਊਂਡਰ ਵਹਿਟਨੀ ਵੋਲਫ ਹਰਡ ਨਾਲ ਇਸ ਅੰਦਾਜ਼ 'ਚ ਨਜ਼ਰ ਆਈ।