ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਦਿਸ਼ਾ ਪਟਾਨੀ ਨੇ ਕਿਹਾ ਹੈ ਕਿ ਉਹ ਪ੍ਰਿਯੰਕਾ ਚੋਪੜਾ ਦੀ ਬਹੁਤ ਵੱਡੀ ਫੈਨ ਹੈ। ਬਾਲੀਵੁੱਡ ਨਿਰਦੇਸ਼ਕ ਅਲੀ ਅੱਬਾਸ ਜ਼ਫਰ ਫਿਲਮ 'ਭਾਰਤ' ਬਣਾ ਰਹੇ ਹਨ। ਫਿਲਮ ਵਿਚ ਸਲਮਾਨ ਖਾਨ, ਪ੍ਰਿਯੰਕਾ ਚੋਪੜਾ ਅਤੇ ਦਿਸ਼ਾ ਪਟਾਨੀ ਦੀ ਅਹਿਮ ਭੂਮਿਕਾ ਹੋਵੇਗੀ। ਇਹ ਫਿਲਮ 2019 'ਚ ਈਦ ਮੌਕੇ ਰਿਲੀਜ਼ ਹੋਵੇਗੀ। ਪ੍ਰਿਯੰਕਾ ਨੇ ਦਿਸ਼ਾ ਦਾ ਸਵਾਗਤ ਕਰਦੇ ਹੋਏ ਟਵੀਟ ਕਰ ਕੇ ਲਿਖਿਆ ਕਿ ਦਿਸ਼ਾ ਪਟਾਨੀ ਦਾ 'ਭਾਰਤ' ਵਿਚ ਸਵਾਗਤ ਹੈ। ਇਹ ਪਿਆਰਾ ਹੈ, ਅਸੀਂ ਬਰੇਲੀ ਦੀ ਨੁਮਾਇੰਦਗੀ ਕਰ ਰਹੇ ਹਾਂ।
ਮਸ਼ਹੂਰ ਅਦਾਕਾਰਾ ਦਿਸ਼ਾ ਪਟਾਨੀ ਦਬੰਗ ਸਟਾਰ ਸਲਮਾਨ ਖਾਨ ਨਾਲ ਫਿਲਮ 'ਭਾਰਤ' ਵਿਚ ਕੰਮ ਕਰੇਗੀ। ਬਾਲੀਵੁੱਡ ਨਿਰਦੇਸ਼ਕ ਅਲੀ ਅੱਬਾਸ ਜਫਰ ਸਲਮਾਨ ਨੂੰ ਲੈ ਕੇ ਫਿਲਮ 'ਭਾਰਤ' ਬਣਾਉਣ ਜਾ ਰਹੇ ਹਨ।ਸਲਮਾਨ ਨੂੰ ਲੈ ਕੇ ਫਿਲਮ 'ਸੁਲਤਾਨ' ਅਤੇ 'ਟਾਈਗਰ ਜ਼ਿੰਦਾ ਹੈ' ਬਣਾ ਚੁੱਕੇ ਹਨ।
ਫਿਲਮ ਵਿਚ ਸਲਮਾਨ ਦੇ ਆਪੋਜ਼ਿਟ ਪ੍ਰਿਯੰਕਾ ਚੋਪੜਾ ਦੀ ਚੋਣ ਕੀਤੀ ਗਈ ਹੈ। ਹੁਣ ਕਿਹਾ ਜਾ ਰਿਹਾ ਹੈ ਕਿ ਦਿਸ਼ਾ ਪਟਾਨੀ ਵੀ ਇਸ ਫਿਲਮ ਨਾਲ ਜੁੜ ਗਈ ਹੈ। ਫਿਲਮ 'ਭਾਰਤ' ਇਕ ਵੱਡਾ ਪ੍ਰਾਜੈਕਟ ਹੈ, ਜਿਸ ਨੂੰ ਅਗਲੇ ਸਾਲ 2019 ਵਿਚ ਈਦ ਮੌਕੇ ਰਿਲੀਜ਼ ਕਰਨ ਦੀ ਯੋਜਨਾ ਹੈ।