ਜਲੰਧਰ(ਇੰਟ)— ਕੁਝ ਮਹੀਨੇ ਪਹਿਲਾਂ ਵਿਆਹ ਦੇ ਬੰਧਨ 'ਚ ਬੱਝੇ ਪ੍ਰਿਅੰਕਾ ਚੋਪੜਾ ਤੇ ਨਿੱਕ ਜੋਨਸ ਦਰਮਿਆਨ ਸਭ ਕੁਝ ਠੀਕ ਨਹੀਂ ਚੱਲ ਰਿਹਾ। ਇਕ ਮੈਗਜ਼ੀਨ ਮੁਤਾਬਕ ਦੋਵੇਂ ਆਪਣੇ ਵਿਆਹ ਤੋਂ 3 ਮਹੀਨੇ ਬਾਅਦ ਹੀ ਤਲਾਕ ਲੈਣ ਵਾਲੇ ਹਨ। ਇਹ ਖਬਰ ਪ੍ਰਿਅੰਕਾ ਤੇ ਨਿੱਕ ਦੇ ਪ੍ਰਸ਼ੰਸਕਾਂ ਨੂੰ ਹੈਰਾਨੀ 'ਚ ਪਾ ਸਕਦੀ ਹੈ ਪਰ 'ਓ. ਕੇ.' ਮੈਗਜ਼ੀਨ ਵਲੋਂ ਕੁਝ ਅਜਿਹਾ ਹੀ ਦਾਅਵਾ ਕੀਤਾ ਜਾ ਰਿਹਾ ਹੈ। ਐਤਵਾਰ ਰਾਤ ਤੱਕ ਇਸ ਖਬਰ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਸੀ। 'ਓ. ਕੇ' ਮੈਗਜ਼ੀਨ ਮੁਤਾਬਕ 36 ਸਾਲ ਦੀ ਪ੍ਰਿਅੰਕਾ ਅਤੇ 26 ਸਾਲ ਦੇ ਨਿੱਕ ਦੇ ਪ੍ਰੇਮ-ਸਬੰਧਾਂ ਵਿਚ ਖਟਾਸ ਪਾਈ ਜਾ ਰਹੀ ਹੈ।
ਵਿਆਹ ਤੋਂ ਬਾਅਦ ਦੋਹਾਂ ਨੂੰ ਇਕ-ਦੂਜੇ ਦੀ ਅਸਲ ਸ਼ਖਸੀਅਤ ਦਾ ਅੰਦਾਜ਼ਾ ਹੋ ਰਿਹਾ ਹੈ। ਇਕ ਸੋਮੇ ਮੁਤਾਬਕ ਦੋਵੇਂ ਹਰ ਗੱਲ ਨੂੰ ਲੈ ਕੇ ਲੜ ਰਹੇ ਹਨ ਭਾਵੇਂ ਇਹ ਕੰਮ ਦਾ ਮਾਮਲਾ ਹੋਵੇ, ਪਾਰਟੀ ਹੋਵੇ ਜਾਂ ਇਕੱਠਿਆਂ ਸਮਾਂ ਬਿਤਾਉਣ ਦੀ ਗੱਲ ਹੋਵੇ। ਨਿੱਕ ਅਤੇ ਪ੍ਰਿਅੰਕਾ ਨੇ ਆਪਣੇ ਰਿਸ਼ਤਿਆਂ ਵਿਚ ਬਹੁਤ ਜਲਦਬਾਜ਼ੀ ਦਿਖਾਈ ਤੇ ਹੁਣ ਉਨ੍ਹਾਂ ਨੂੰ ਇਸ ਗੱਲ ਦੀ ਸਜ਼ਾ ਭੁਗਤਣੀ ਪੈ ਰਹੀ ਹੈ।
ਸੋਮਿਆ ਮੁਤਾਬਕ ਵਿਆਹ ਦੇ ਸਮੇਂ ਤੱਕ ਨਿੱਕ ਮੰਨਦੇ ਸਨ ਕਿ ਪ੍ਰਿਅੰਕਾ ਇਕ ਕੂਲ ਔਰਤ ਹੈ ਪਰ ਵਿਆਹ ਪਿੱਛੋਂ ਉਨ੍ਹਾਂ ਨੂੰ ਪ੍ਰਿਅੰਕਾ ਦਾ ਇਕ ਨਵਾਂ ਹੀ ਰੂਪ ਦੇਖਣ ਨੂੰ ਮਿਲ ਰਿਹਾ ਹੈ। ਪ੍ਰਿਅੰਕਾ ਚੀਜ਼ਾਂ ਨੂੰ ਕੰਟਰੋਲ ਕਰਨਾ ਪਸੰਦ ਕਰਦੀ ਹੈ। ਉਸ ਨੂੰ ਕਈ ਵਾਰ ਗੁੱਸਾ ਵੀ ਆਉਂਦਾ ਹੈ। ਨਿੱਕ ਦਾ ਪਰਿਵਾਰ ਇਸ ਵਿਆਹ ਨੂੰ ਖਤਮ ਕਰਨਾ ਚਾਹੁੰਦਾ ਹੈ ਕਿਉਂਕਿ ਪਰਿਵਾਰ ਨੂੰ ਲੱਗਦਾ ਹੈ ਕਿ ਪ੍ਰਿਅੰਕਾ ਇਕ ਪ੍ਰਪੱਕ ਔਰਤ ਹੈ, ਜੋ ਸੈਟਲ ਡਾਊਨ ਹੋ ਕੇ ਬੱਚੇ ਚਾਹੁੰਦੀ ਹੈ।