ਮੁੰਬਈ (ਬਿਊਰੋ) : ਬਾਲੀਵੁੱਡ ਤੇ ਹਾਲੀਵੁੱਡ ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਅਤੇ ਅਮਰੀਕਨ ਸਿੰਗਰ ਨਿੱਕ ਜੋਨਸ ਨੇ ਪਿਛਲੇ ਸਾਲ ਦਸੰਬਰ 'ਚ ਵਿਆਹ ਕਰਵਾਇਆ ਸੀ। ਦੋਵਾਂ ਦੀ ਗ੍ਰੈਂਡ ਵੈਡਿੰਗ ਕਾਫੀ ਸੁਰਖੀਆਂ 'ਚ ਰਹੀ ਸੀ। ਇਸ ਤੋਂ ਬਾਅਦ ਨਿੱਕ ਦਾ ਵੱਡਾ ਭਰਾ ਜੋਨਸ ਵੀ ਜਲਦ ਹੀ ਐਕਟਰਸ ਸੋਫੀ ਟਰਨਰ ਨਾਲ ਵਿਆਹ ਦੇ ਬੰਧਨ 'ਚ ਬੱਝ ਸਕਦੇ ਹਨ।
ਆਪਣੇ ਵਿਆਹ ਦੀ ਪਲਾਨਿੰਗ ਕਰ ਰਹੇ ਜੋ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਪਣੇ ਵਿਆਹ 'ਚ ਕਾਫੀ ਜ਼ਿਆਦਾ ਬੀਅਰ ਦੀ ਲੋੜ ਹੈ। ਅਸਲ 'ਚ ਨਿੱਕ ਤੇ ਪ੍ਰਿਅੰਕਾ ਦੇ ਵਿਆਹ 'ਚ ਬੀਅਰ ਘੱਟ ਗਈ ਸੀ ਅਤੇ ਉਹ ਫਿਰ ਤੋਂ ਅਜਿਹੇ ਹਾਲਾਤ ਦਾ ਸਾਹਮਣਾ ਨਹੀਂ ਕਰਨਾ ਚਾਹੁੰਦੇ।
ਜੋ ਨੇ ਕਿਹਾ, ''ਅਸੀਂ ਫਰਾਂਸ 'ਚ ਵਿਆਹ ਕਰ ਰਹੇ ਹਾਂ ਇਸ ਲਈ ਕਾਫੀ ਜ਼ਿਆਦਾ ਕੂਰਸ ਲਾਈਟ (ਬੀਅਰ ਦਾ ਬ੍ਰਾਂਡ) ਹੋਣਾ ਜ਼ਰੂਰੀ ਹੈ। ਇਸ ਨੂੰ ਹਾਸਲ ਕਰਨਾ ਕੋਈ ਮੁਸ਼ਕਲ ਕੰਮ ਨਹੀਂ ਪਰ ਅਸੀਂ ਸਭ ਪਹਿਲਾਂ ਤੋਂ ਤੈਅ ਕਰ ਲੈਣਾ ਚਾਹੁੰਦੇ ਹਾਂ।''
ਖਬਰਾਂ ਮੁਤਾਬਕ, ਜੋ ਨੂੰ ਇੰਨੀ ਜ਼ਿਆਦਾ ਬੀਅਰ ਦੀ ਜ਼ਰੂਰਤ ਇਸ ਲਈ ਹੈ ਕਿਉਂਕਿ ਨਿੱਕ ਦੇ ਵਿਆਹ 'ਚ ਬੀਅਰ ਘੱਟ ਗਈ ਸੀ। ਉਨ੍ਹਾਂ ਨੂੰ ਅੰਦਾਜ਼ਾ ਨਹੀਂ ਸੀ ਕਿ ਮਹਿਮਾਨ ਕਿੰਨੀ ਬੀਅਰ ਪੀਣਗੇ। ਇਸ 'ਤੇ ਨਿੱਕ ਨੇ ਕਿਹਾ, ''ਮੇਰੇ ਵਿਆਹ ਤੋਂ ਅਸੀਂ ਅੰਦਾਜ਼ਾ ਲਾ ਚੁੱਕੇ ਹਾਂ ਕਿ ਸਾਡੇ ਦੋਸਤ ਬਹੁਤ ਬੀਅਰ ਪੀਂਦੇ ਹਨ।''