ਮੁੰਬਈ (ਬਿਊਰੋ) — ਪਿਛਲੇ ਸਾਲ ਅਕਤੂਬਰ 'ਚ ਨਿਕ ਜੋਨਸ ਲਾਸ ਏਂਜਲਸ, ਬੇਵਰਲੀ ਹਿੱਲਸ 'ਤੇ ਇਕ ਮੈਂਸ਼ਨ ਖਰੀਦਣ ਨੂੰ ਲੈ ਕੇ ਕਾਫੀ ਚਰਚਾ 'ਚ ਆਏ ਸਨ। ਦੱਸ ਦਈਏ ਕਿ ਨਿਕ ਨੇ ਬਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਨੂੰ ਜੁਲਾਈ 'ਚ ਪ੍ਰੋਪੋਜ਼ ਕਰਨ ਤੋਂ ਪਹਿਲਾਂ ਹੀ ਇਹ ਘਰ ਬੁੱਕ ਕਰਵਾ ਲਿਆ ਸੀ।
ਇਸ ਦੌਰਾਨ ਨਿੱਕ ਜੋਨਸ ਨੇ ਦੱਸਿਆ ਸੀ ਕਿ ਇਹ ਮੈਂਸ਼ਨ ਮੇਰੀ ਪ੍ਰੇਮਿਕਾ ਲਈ ਹੈ, ਯਾਨੀ ਕਿ ਪ੍ਰਿਯੰਕਾ ਚੋਪੜਾ ਲਈ।
ਹਾਲ ਹੀ 'ਚ ਪ੍ਰਿਅੰਕਾ ਚੋਪੜਾ ਨੇ ਇਸ ਘਰ ਦੀਆਂ ਕੁਝ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ 'ਤੇ ਵੀ ਪੋਸਟ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ 'ਚ ਪ੍ਰਿਯੰਕਾ ਤੇ ਨਿੱਕ ਇਕੱਠੇ ਨਜ਼ਰ ਆ ਰਹੇ ਹਨ। ਕੁਝ ਤਸਵੀਰਾਂ 'ਚ ਉਹ ਆਪਣੇ ਕੁੱਤੇ ਨਾਲ ਖੇਡਦੀ ਵੀ ਨਜ਼ਰ ਆ ਰਹੀ ਹੈ।
ਇਸ ਆਲੀਸ਼ਾਨ ਘਰ ਦੀ ਕੀਮਤ 6.5 ਮਿਲੀਅਨ ਡਾਲਰ ਯਾਨੀ 46 ਕਰੋੜ 50 ਲੱਖ ਰੁਪਏ ਹੈ।
ਇਸ ਮੈਂਸ਼ਨ ਦਾ ਕੁੱਲ ਖੇਤਰ 4,129 ਵਰਗ ਫੁੱਟ ਹੈ। ਇਸ 'ਚ 5 ਬੈੱਡਰੂਮ ਤੇ 4 ਬਾਥਰੂਮ ਹਨ।
ਇਸ ਤੋਂ ਇਲਾਵਾ ਓਪਨ ਪੂਲ ਵੀ ਹੈ, ਜਿੱਥੋਂ ਪਹਾੜੀਆਂ ਸਾਫ ਨਜ਼ਰ ਆਉਂਦੀਆਂ ਹਨ।