ਮੁੰਬਈ (ਬਿਊਰੋ) - ਬਾਲੀਵੁੱਡ ਤੇ ਹਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਦੇ ਪਤੀ ਨਿੱਕ ਜੋਨਸ ਨੇ ਹਾਲ ਹੀ 'ਚ ਆਪਣਾ 27ਵਾਂ ਜਨਮਦਿਨ ਮਨਾਇਆ ਹੈ। ਪ੍ਰਿਯੰਕਾ ਚੋਪੜਾ ਦੇ ਨਾਲ ਇਹ ਉਨ੍ਹਾਂ ਦਾ ਪਹਿਲਾ ਜਨਮਦਿਨ ਹੈ। ਪ੍ਰਿਯੰਕਾ ਨੇ ਇਸ ਦਿਨ ਨੂੰ ਯਾਦਗਾਰ ਬਣਾਉਣ ਲਈ ਕੋਈ ਵੀ ਮੌਕਾ ਨਹੀਂ ਛੱਡਿਆ। ਨਿੱਕ ਦੇ ਜਨਮ ਦਿਨ 'ਤੇ ਪ੍ਰਿਯੰਕਾ ਨੇ ਇਕ ਰੋਮਾਂਟਿਕ ਵੀਡੀਓ ਵੀ ਸ਼ੇਅਰ ਕੀਤੀ ਹੈ। ਇਸ ਸਭ ਦੇ ਚੱਲਦਿਆਂ ਇਸ ਜੋੜੀ ਦਾ ਇਕ ਹੋਰ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਇਹ ਜੋੜੀ ਦੇਸੀ ਗੀਤਾਂ 'ਤੇ ਠੁਮਕੇ ਲਗਾਉਂਦੀ ਹੋਈ ਨਜ਼ਰ ਆ ਰਹੀ ਹੈ। ਵੀਡੀਓ 'ਚ ਨਿੱਕ ਤੇ ਪ੍ਰਿਯੰਕਾ ਚੋਪੜਾ 'ਹੋਲੀ-ਹੋਲੀ ਗਿੱਦੇ 'ਚ' ਗੀਤ 'ਤੇ ਭੰਗੜਾ ਪਾ ਰਹੇ ਹਨ।
ਦੱਸ ਦਈਏ ਕਿ ਇਸ ਵੀਡੀਓ 'ਚ ਨਿੱਕ ਜੋਨਸ ਪਤਨੀ ਪ੍ਰਿਯੰਕਾ ਚੋਪੜਾ ਨੂੰ ਕਾਪੀ ਕਰਦੇ ਹੋਏ ਵੀ ਨਜ਼ਰ ਆ ਰਹੇ ਹਨ। ਪ੍ਰਿਯੰਕਾ ਨਿੱਕ ਦੇ ਸਟੈੱਪ ਦੇਖ ਕੇ ਹੱਸ ਰਹੀ ਹੈ। ਇਹ ਵੀਡੀਓ ਨਿੱਕ ਦੀ ਭਰਜਾਈ ਨੇ ਬਣਾਈ ਹੈ ਅਤੇ ਉਸ ਨੇ ਹੀ ਸ਼ੇਅਰ ਕੀਤੀ ਹੈ।