ਲਾਸ ਏਂਜਲਸ (ਬਿਊਰੋ) — ਨਵੀਂ ਵਿਆਹੀ ਜੋੜੀ ਪ੍ਰਿਯੰਕਾ ਚੋਪੜਾ ਅਤੇ ਨਿੱਕ ਜੋਨਸ ਪਾਰਕਿੰਗ ਸਪੇਸ 'ਚ ਖੁੱਲ੍ਹੇਆਮ ਲਿਪ ਲਾਕ ਕਰਦੇ ਨਜ਼ਰ ਆਏ। ਇਹ ਜੋੜਾ ਬੀਤੇ ਦਿਨ ਕਿੱਸ ਕਰਦਾ ਨਜ਼ਰ ਆਇਆ। ਦੋਵਾਂ ਦੀਆਂ ਫੋਟੋਆਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈਆਂ ਹਨ।
ਪ੍ਰਿਯੰਕਾ ਅਤੇ ਨਿਕ ਬਲੈਕ ਅੱਪਰ ਅਤੇ ਬਲੂ ਡੇਨਿਮ 'ਚ ਨਜ਼ਰ ਆਏ। ਭਾਰਤ 'ਚ ਪਿਛਲੇ ਸਾਲ ਦਸੰਬਰ 'ਚ ਵਿਆਹ ਕਰਨ ਤੋਂ ਬਾਅਦ ਦੋਵੇਂ 65 ਕਰੋੜ ਡਾਲਰ ਦੇ ਬੈਵਰਲੀ ਹਿਲਸ ਘਰ 'ਚ ਚਲੇ ਗਏ ਸਨ।
ਦੱਸਣਯੋਗ ਹੈ ਕਿ ਪਿਛਲੇ ਕੁਝ ਦਿਨਾਂ ਤੋਂ ਸੋਸ਼ਲ ਮੀਡੀਆ 'ਤੇ ਖੂਬ ਖਬਰਾਂ ਆ ਰਹੀਆਂ ਸਨ ਕਿ ਪ੍ਰਿਯੰਕਾ ਚੋਪੜਾ ਗਰਭਵਤੀ ਹੈ। ਇਨ੍ਹਾਂ ਖਬਰਾਂ ਨੇ ਸੋਸ਼ਲ ਮੀਡੀਆ 'ਤੇ ਖੂਬ ਲਾਈਮਲਾਈਟ ਲੁੱਟੀ।
ਇਨ੍ਹਾਂ ਖਬਰਾਂ ਬਾਅਦ ਪ੍ਰਿਯੰਕਾ ਦੀ ਮਾਂ ਮਧੂ ਚੋਪੜਾ ਨੇ ਪ੍ਰਿਯੰਕਾ ਦੀ ਪ੍ਰੈਗਨੇਂਸੀ ਨੂੰ ਲੈ ਕੇ ਬਿਆਨ ਦਿੱਤਾ। ਦਰਅਸਲ ਮਧੂ ਚੋਪੜਾ ਦਾ ਆਖਣਾ ਸੀ ਕਿ ਪ੍ਰਿਯੰਕਾ ਈਵੈਂਟ ਦੌਰਾਨ ਕਾਫੀ ਥੱਕ ਗਈ ਸੀ, ਜਿਸ ਦੌਰਾਨ ਉਸ ਨੇ ਕਾਫੀ ਟਾਈਟ ਡਰੈੱਸ ਪਾਈ ਸੀ।
ਟਾਈਟ ਡਰੈੱਸ ਤੇ ਥੱਕੀ ਹੋਣ ਕਾਰਨ ਉਸ ਦੀਆਂ ਕੁਝ ਤਸਵੀਰਾਂ ਇਸ ਤਰ੍ਹਾਂ ਦੀਆਂ ਆਈਆਂ ਹਨ, ਜਿਨ੍ਹਾਂ ਤੋਂ ਪ੍ਰਿਯੰਕਾ ਦੇ ਗਰਭਵਤੀ ਹੋਣ ਦੀਆਂ ਝੂਠੀਆਂ ਖਬਰਾਂ ਫੈਲਾਈਆਂ ਗਈਆਂ।
