ਮੁੰਬਈ(ਬਿਊਰੋ)— ਸਾਲ ਦੇ ਆਖਰੀ ਦੋ ਮਹੀਨੇ ਰਹਿ ਗਏ ਹਨ ਤੇ ਹਰ ਕੋਈ ਕੁਝ ਖਾਸ ਕਰਨ ਦੀ ਪੂਰੀ ਤਿਆਰੀ ਕਰ ਰਿਹਾ ਹੈ। ਫਿਰ ਬਾਲੀਵੁੱਡ ਇਸ 'ਚ ਕਿਵੇਂ ਪਿੱਛੇ ਰਹਿ ਸਕਦਾ ਹੈ। ਇਹ ਸਾਲ ਜਾਂਦੇ-ਜਾਂਦੇ ਬਾਲੀਵੁੱਡ ਦੇ ਤਿੰਨ ਵੱਡੇ ਵਿਆਹ ਦੀਪਿਕਾ-ਰਣਵੀਰ, ਪ੍ਰਿਅੰਕਾ-ਨਿੱਕ ਜੋਨਸ ਤੇ ਕਪਿਲ ਸ਼ਰਮਾ-ਗਿਨੀ ਚਤੁਰਥ ਜਿਹੇ ਈਵੈਂਟ ਦੇ ਕੇ ਜਾ ਰਿਹਾ ਹੈ। ਦੀਪਿਕਾ-ਰਣਵੀਰ ਨਾਲ ਪ੍ਰਿਅੰਕਾ ਤੇ ਨਿਕ ਦਾ ਵਿਆਹ ਵੀ ਲਗਾਤਾਰ ਸੁਰਖੀਆਂ 'ਚ ਹੈ। ਹਾਲ ਹੀ 'ਚ ਪ੍ਰਿਅੰਕਾ ਦਾ ਬ੍ਰਾਈਡਲ ਸ਼ਾਵਰ ਨਿਊਯਾਰਕ 'ਚ ਹੋਇਆ, ਜਿੱਥੇ ਹਾਲੀਵੁੱਡ ਦੇ ਕਈ ਸਟਾਰਸ ਮੌਜੂਦ ਸਨ।
ਹੁਣ ਵਾਰੀ ਹੈ ਵਿਆਹ ਦੇ ਮਹਿਮਾਨਾਂ ਦੀ, ਜਿਸ ਦੀ ਲਿਸਟ ਸਾਹਮਣੇ ਆ ਚੁੱਕੀ ਹੈ। ਤੁਸੀਂ ਵੀ ਇਹੀ ਸੋਚ ਰਹੇ ਹੋਵੇਗੇ ਕਿ ਪ੍ਰਿਅੰਕਾ ਚੋਪੜਾ ਦੇ ਵਿਆਹ 'ਚ ਆਖਿਰ ਕੌਣ-ਕੌਣ ਨਜ਼ਰ ਆਉਣ ਵਾਲਾ ਹੈ ਤਾਂ ਇਸ ਦਾ ਜਵਾਬ ਹੈ ਬਾਲੀਵੁੱਡ ਸਾਰਾ। ਜੀ ਹਾਂ, ਦੇਸੀ ਗਰਲ ਦੇ ਵਿਆਹ 'ਚ ਕਪੂਰ ਖਾਨਦਾਨ ਤੋਂ ਲੈ ਕੇ ਖਾਨ ਸੁਪਰ ਸਟਾਰਸ ਤੱਕ ਸਭ ਨਜ਼ਰ ਆ ਸਕਦੇ ਹਨ। ਪਿਅ੍ਰੰਕਾ ਨੇ ਆਪਣੇ ਵਿਆਹ ਦਾ ਸੱਦਾ ਸਲਮਾਨ ਖਾਨ ਨੂੰ ਵੀ ਭੇਜਿਆ ਹੈ। ਸਲਮਾਨ ਨਾਲ ਇਹ ਇਨਵੀਟੇਸ਼ਨ ਪੂਰੇ ਖਾਨ ਪਰਿਵਾਰ ਲਈ ਹੈ।
ਖਬਰਾਂ ਮੁਤਾਬਕ ਪੀਸੀ ਦੇ ਵਿਆਹ 'ਚ ਰਣਬੀਰ ਕਪੂਰ, ਕੈਟਰੀਨਾ ਕੈਫ, ਫਰਹਾਨ ਅਖਤਰ, ਆਲੀਆ ਭੱਟ, ਸਿਧਾਰਥ ਮਲਹੋਤਰਾ ਵਰਗੇ ਹੋਰ ਵੀ ਕਈ ਵੱਡੇ ਸਟਾਰਸ ਆਉਣਗੇ। ਆਪਣੇ ਵਿਆਹ 'ਚ ਪ੍ਰਿਅੰਕਾ ਡਿਜ਼ਾਈਨਰ ਸਬਿਆਸਾਚੀ ਦੁਆਰਾ ਡਿਜ਼ਾਈਨ ਕੀਤਾ ਲਹਿੰਗਾ ਪਾਵੇਗੀ।
