ਮੁੰਬਈ (ਬਿਊਰੋ)— ਪ੍ਰਿਅੰਕਾ ਚੋਪੜਾ ਇਨ੍ਹੀਂ ਦਿਨੀਂ ਵਿਵਾਦਾਂ ਤੋਂ ਇਲਾਵਾ ਅਮਰੀਕੀ ਸਿੰਗਰ ਤੇ ਐਕਟਰ ਨਾਲ ਅਫੇਅਰ ਨੂੰ ਲੈ ਕੇ ਵੀ ਸੁਰਖੀਆਂ 'ਚ ਹੈ। ਪ੍ਰਿਅੰਕਾ ਦੇ ਇਸ ਅਫੇਅਰ ਦੀਆਂ ਖਬਰਾਂ ਬਾਲੀਵੁੱਡ ਤੋਂ ਲੈ ਕੇ ਹਾਲੀਵੁੱਡ ਤਕ ਸੁਰਖੀਆਂ 'ਚ ਹਨ। ਦੋਵਾਂ ਨੂੰ ਕਈ ਵਾਰ ਇਕੱਠਿਆਂ ਦੇਖਿਆ ਜਾ ਚੁੱਕਾ ਹੈ।ਹੁਣ ਇਨ੍ਹਾਂ ਦੋਵਾਂ ਦੀਆਂ ਤਾਜ਼ਾ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ 'ਚ ਪ੍ਰਿਅੰਕਾ, ਨਿਕ ਜੋਨਸ ਦਾ ਹੱਥ ਫੜੀ ਨਜ਼ਰ ਆ ਰਹੀ ਹੈ। ਕੁਝ ਦਿਨ ਪਹਿਲਾਂ ਹੀ ਨਿਕ ਨੇ ਪ੍ਰਿਅੰਕਾ ਦੀ ਇਕ ਤਸਵੀਰ 'ਤੇ ਕੁਮੈਂਟ ਕਰਦਿਆਂ ਦਿਲ ਦਾ ਇਮੋਜੀ ਬਣਾਇਆ ਸੀ।ਪ੍ਰਿਅੰਕਾ ਤੇ ਨਿਕ ਦੀਆਂ ਵਾਇਰਲ ਹੋ ਰਹੀਆਂ ਇਹ ਤਸਵੀਰਾਂ ਨਿਕ ਦੇ ਕਜ਼ਨ ਦੇ ਵਿਆਹ ਦੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਪ੍ਰਿਅੰਕਾ ਪੀਲੇ-ਸੁਨਹਿਰੀ ਰੰਗ ਦੀ ਡਰੈੱਸ 'ਚ ਨਜ਼ਰ ਆ ਰਹੀ ਹੈ, ਉਥੇ ਨਿਕ ਕੋਟ-ਪੈਂਟ 'ਚ ਦਿਖਾਈ ਦੇ ਰਹੇ ਹਨ। ਦੱਸਣਯੋਗ ਹੈ ਕਿ ਪ੍ਰਿਅੰਕਾ ਉਮਰ 'ਚ ਨਿਕ ਤੋਂ 10 ਸਾਲ ਵੱਡੀ ਹੈ। ਨਿਕ ਜਿਥੇ ਅਜੇ 25 ਸਾਲ ਦੇ ਹਨ, ਉਥੇ ਪ੍ਰਿਅੰਕਾ 35 ਸਾਲ ਦੀ ਹੈ।
ਕਵਾਂਟੀਕੋ ਦੇ ਸੈੱਟ 'ਤੇ ਹੋਈ ਸੀ ਨਿਕ ਨਾਲ ਪਹਿਲੀ ਮੁਲਾਕਾਤ ਨਿਕ ਨਾਲ ਪ੍ਰਿਅੰਕਾ ਦੀ ਪਹਿਲੀ ਮੁਲਾਕਾਤ ਟੀ. ਵੀ. ਸੀਰੀਜ਼ 'ਕਵਾਂਟੀਕੋ' ਦੇ ਸੈੱਟ 'ਤੇ ਇਕ ਕਾਮਨ ਫਰੈਂਡ ਰਾਹੀਂ ਹੋਈ ਸੀ। ਇਸ ਤੋਂ ਬਾਅਦ 2017 'ਚ ਦੋਵੇਂ ਮੈੱਟ ਗਾਲਾ ਇਵੈਂਟ 'ਚ ਇਕੱਠੇ ਨਜ਼ਰ ਆਏ। ਦੋਵਾਂ ਨੂੰ ਬੇਸਬਾਲ ਮੈਚ ਦੌਰਾਨ ਵੀ ਇਕੱਠਿਆਂ ਦੇਖਿਆ ਜਾ ਚੁੱਕਾ ਹੈ। ਹਾਲਾਂਕਿ ਪ੍ਰਿਅੰਕਾ ਤੇ ਨਿਕ ਦੋਵਾਂ 'ਚੋਂ ਕਿਸੇ ਨੇ ਇਸ ਗੱਲ ਨੂੰ ਕਬੂਲ ਨਹੀਂ ਕੀਤਾ ਹੈ ਕਿ ਉਹ ਇਕ-ਦੂਜੇ ਨਾਲ ਰਿਲੇਸ਼ਨਸ਼ਿਪ 'ਚ ਹਨ। ਦੱਸਣਯੋਗ ਹੈ ਕਿ ਪ੍ਰਿਅੰਕਾ ਦੀ ਮਾਂ ਮਧੂ ਚੋਪੜਾ ਕਹਿ ਚੁੱਕੀ ਹੈ ਕਿ ਉਹ ਕਿਸੇ ਵਿਦੇਸ਼ੀ ਨਾਲ ਪ੍ਰਿਅੰਕਾ ਦੀ ਜੋੜੀ ਦੀ ਕਪਲਨਾ ਵੀ ਨਹੀਂ ਕਰ ਸਕਦੀ।