ਮੁੰਬਈ(ਬਿਊਰੋ)- ਬਾਲੀਵੁੱਡ ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਅਤੇ ਨਿੱਕ ਜੋਨਸ ਇਨ੍ਹੀਂ ਦਿਨੀਂ ਕਾਫੀ ਸੁਰਖੀਆਂ ’ਚ ਬਣੀ ਹੋਈ ਹੈ। ਰਾਸ਼ਟਰੀ ਪੁਰਸਕਾਰ ਜੇਤੂ ਅਦਾਕਾਰਾ ਦੀ ਪਿਛਲੀ ਹਿੰਦੀ ਫਿਲਮ ‘ਜੈ ਗੰਗਾਜਲ’ 2016 ’ਚ ਰਿਲੀਜ਼ ਹੋਈ ਸੀ, ਜਿਸ ਤੋਂ ਬਾਅਦ ਉਹ ਏ. ਬੀ. ਸੀ. ਦੀ ਸੀਰੀਜ਼ ‘ਕਵਾਂਟੀਕੋ’ ਦੇ ਨਾਲ ਹੀ ਹਾਲੀਵੁੱਡ ’ਚ ਕੰਮ ਕਰਨ ਲਈ ਚਲੀ ਗਈ ਸੀ।
2017 ’ਚ ਉਨ੍ਹਾਂ ਦੀ ਪਹਿਲੀ ਹਾਲੀਵੁੱਡ ਫਿਲਮ ‘ਬੇਵਾਚ’ ਆਈ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ‘ਏ ਕਿਡ ਲਾਈਕ ਜੇਕ’ ਅਤੇ ‘ਈਜੰਟ ਇਟ ਰੋਮਾਂਟਿਕ?’ ’ਚ ਕੰਮ ਕੀਤਾ। ਪ੍ਰਿਅੰਕਾ ਨੇ ਕਿਹਾ,‘‘ਮੇਰੇ ਹੁਣ ਕੁਝ ਆਪਣੇ ਸੁਪਨੇ ਹਨ, ਜਿਸ ਦੇ ਬਾਰੇ ’ਚ ਮੈਂ ਵਾਸਤਵ ’ਚ ਸੋਚਿਆ ਨਹੀਂ ਹੈ। ਮੈਂ ਇਕ ਵੱਡਾ ਘਰ ਖਰੀਦਣਾ ਚਾਹੁੰਦੀ ਹਾਂ।’’
ਇਸ ਤੋਂ ਬਾਅਦ ਪ੍ਰਿਅੰਕਾ ਚੋਪੜਾ ਨੇ ਅੱਗੇ ਕਿਹਾ,‘‘ਮੈਨੂੰ ਲੱਗਦਾ ਹੈ ਕਿ ਤੁਸੀਂ ਜੋ ਚਾਹੁੰਦੇ ਹੋ, ਉਸ ਨੂੰ ਪ੍ਰਾਪਤ ਕਰਨ ਲਈ, ਤੁਹਾਨੂੰ ਕੁਝ ਚੀਜ਼ਾਂ ਦਾ ਤਿਆਗ ਕਰਨਾ ਹੋਵੇਗਾ। ਦੁਨੀਆ ’ਚ ਕੋਈ ਚੀਜ਼ ਮੁਫਤ ’ਚ ਨਹੀਂ ਮਿਲਦੀ ਹੈ। ਇਸ ਲਈ ਸਖਤ ਮਿਹਨਤ ਦੀ ਜ਼ਰੂਰਤ ਹੁੰਦੀ ਹੈ। ਮੈਨੂੰ ਇਸ ਤੋਂ ਕਦੇ ਡਰ ਨਹੀਂ ਲੱਗਦਾ।’’