ਨਵੀਂ ਦਿੱਲੀ(ਬਿਊਰੋ)— ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਤੇ ਨਿਕ ਜੋਨਸ ਨੇ ਅਫੇਅਰ ਦੀਆਂ ਖਬਰਾਂ ਦੌਰਾਨ ਬੀਤੇ ਦਿਨੀਂ ਰੋਕਾ ਸੈਰੇਮਨੀ ਕਰਵਾ ਲਈ ਹੈ। ਦੱਸ ਦੇਈਏ ਕਿ ਦੋਵਾਂ ਨੇ ਰਵਾਇਤੀ ਤਰੀਕੇ ਨਾਲ ਇਕੱਠਿਆਂ ਬੈਠ ਕੇ ਪੂਜਾ ਕੀਤੀ। ਇਸ ਖਾਸ ਮੌਕੇ 'ਤੇ ਨਿਕ ਜੋਨਸ ਤੇ ਉਨ੍ਹਾਂ ਦੇ ਪਰਿਵਾਰ ਵਾਲੇ ਵੀ ਨਜ਼ਰ ਆਏ। ਇਸ ਦੌਰਾਨ ਨਿਕ ਦਾ ਪਰਿਵਾਰ ਟ੍ਰੈਡਿਸ਼ਨਲ ਪਹਿਰਾਵੇ 'ਚ ਨਜ਼ਰ ਆਇਆ, ਜਿਸ ਨੂੰ ਦੇਖ ਸਾਰੇ ਕਾਫੀ ਹੈਰਾਨ ਸਨ।
ਰੋਕਾ ਸੈਰੇਮਨੀ ਹੋਣ ਤੋਂ ਬਾਅਦ ਨਿਕ ਤੇ ਪ੍ਰਿਅੰਕਾ ਨੇ ਇਕ ਤਸਵੀਰ ਆਪੋ-ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਪੋਸਟ ਕਰਕੇ ਇਕ-ਦੂਜੇ ਨੂੰ ਆਪਣੇ ਪ੍ਰਸ਼ੰਸਕਾਂ ਨਾਲ ਜਾਣੂ ਕਰਵਾਇਆ। ਪ੍ਰਿਅੰਕਾ ਚੋਪੜਾ ਨੇ ਤਸਵੀਰ ਪੋਸਟ ਕਰਦਿਆਂ ਕੈਪਸ਼ਨ 'ਚ ਲਿਖਿਆ ਹੈ, “Taken.. With all my heart and soul..।''
ਯਾਨੀ ਕਿ ਪੂਰੇ ਦਿਲ ਤੇ ਆਤਮਾ ਤੋਂ ਆਪਣਾ ਬਣਾ ਲਿਆ ਹੈ। ਦੂਜੇ ਪਾਸੇ ਨਿਕ ਜੋਨਸ ਨੇ ਤਸਵੀਰ ਪੋਸਟ ਕਰਦਿਆਂ ਕੈਪਸ਼ਨ 'ਚ ਲਿਖਿਆ ਹੈ, ''Future Mrs. Jonas. My heart. My love।'' ਦੋਵਾਂ ਦੀਆਂ ਰੋਕੇ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।
ਦੋਵਾਂ ਦੇ ਤਸਵੀਰਾਂ ਪੋਸਟ ਕਰਦਿਆਂ ਹੀ ਬੀ-ਟਾਊਨ ਦੀਆਂ ਹਸਤੀਆਂ ਨੇ ਵਧਾਈਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ। ਕੈਟਰੀਨਾ ਕੈਫ, ਸੋਫੀ ਚੌਧਰੀ, ਰਣਵੀਰ ਸਿੰਘ, ਵਰੁਣ ਧਵਨ, ਰਿਤਿਕ ਰੋਸ਼ਨ, ਆਲੀਆ ਭੱਟ, ਸੋਨਮ ਕਪੂਰ ਸ਼ਰਧਾ ਕਪੂਰ, ਇਲਿਆਨਾ ਡਿਰਕੂਜ਼, ਬਿਪਾਸ਼ਾ ਬਾਸੁ, ਈਸ਼ਾ ਗੁਪਤਾ, ਡੇਇਨਾ ਪੇਂਟੀ ਅਤੇ ਉਰਵਰਸ਼ੀ ਰੌਤੇਲੇ ਸਮੇਤ ਹੋਰਨਾਂ ਹਸਤੀਆਂ ਨੇ ਟਵੀਟ ਕਰਕੇ ਸ਼ੁੱਭਕਾਮਨਾਵਾਂ ਦਿੱਤੀਆਂ।