ਮੁੰਬਈ— ਬਾਲੀਵੁੱਡ ਅਦਾਕਾਰਾ ਅਤੇ ਮਾਡਲ ਰਹਿ ਚੁੱਕੀ ਪੂਜਾ ਬੇਦੀ 47 ਸਾਲ ਦੀ ਹੋ ਗਈ ਹੈ। ਉਹ ਪ੍ਰੋਤੀਮਾ ਗੌਰੀ ਅਤੇ ਕਬੀਰ ਬੇਦੀ ਦੀ ਬੇਟੀ ਹੈ। ਕਬੀਰ ਬਾਲੀਵੁੱਡ ਦੇ ਚਰਚਿਤ ਹਸਤੀਆਂ 'ਚ ਗਿਣੇ ਜਾਂਦੇ ਹਨ।
ਉੱਥੇ ਅੱਜ ਤੋਂ 43 ਸਾਲ ਪਹਿਲੇ ਪੂਜਾ ਦੀ ਮਾਂ ਪ੍ਰੋਤੀਮਾ ਨੇ ਮੀਡੀਆ 'ਚ ਉਸ ਸਮੇਂ ਖੂਬ ਸੁਰਖੀਆਂ ਬਟੋਰੀਆਂ ਸਨ, ਜਦੋਂ ਉਹ ਇਕ ਮੈਗਜ਼ੀਨ ਦੀ ਮੁਹਿੰਮ ਲਈ ਗੋਆ ਬੀਚ 'ਤੇ ਬਿਨਾਂ ਕੱਪੜਿਆਂ ਦੇ ਦੌੜ ਪਈ ਸੀ। ਉਸ ਸਮੇਂ ਪੂਜਾ ਦੀ ਉਮਰ 4 ਸਾਲ ਰਹੀ ਹੋਵੇਗੀ।
ਜਾਣਕਾਰੀ ਮੁਤਾਬਕ ਸੂਤਰਾਂ ਮੁਤਾਬਕ ਕਬੀਰ ਬੇਦੀ ਦੀ ਮੰਗਣੀ ਪਹਿਲੇ ਅੰਬਾ ਨਾਂ ਦੀ ਲੜਕੀ ਨਾਲ ਮੰਗਣੀ ਹੋ ਚੁੱਕੀ ਸੀ ਪਰ ਇਸ ਦੌਰਾਨ ਉਨ੍ਹਾਂ ਦੀ ਮੁਲਾਕਾਤ ਪ੍ਰੋਤੀਮਾ ਨਾਲ ਹੋਈ। ਕੁਝ ਮਹੀਨੇ ਬਾਅਦ ਪ੍ਰੋਤੀਮਾ ਆਪਣੇ ਮਾਤਾ-ਪਿਤਾ ਦਾ ਘਰ ਛੱਡ ਕੇ ਕਬੀਰ ਨਾਲ ਲਿਵ-ਇਨ-ਰਿਲੇਸ਼ਨਸ਼ਿਪ 'ਚ ਰਹਿਣ ਲੱਗ ਪਈ।
ਉਸ ਸਮੇਂ ਪ੍ਰੋਤੀਮਾ ਦੀ ਉਮਰ 19 ਸਾਲ ਸੀ। ਲਿਵ-ਇਨ-ਰਿਲੇਸ਼ਨਸ਼ਿਪ ਦੌਰਾਨ ਪ੍ਰੋਤੀਮਾ ਗਰਭਵਤੀ ਹੋ ਗਈ ਸੀ। ਉਦੋਂ ਉਨ੍ਹਾਂ ਨੇ ਅਤੇ ਕਬੀਰ ਨੇ ਵਿਆਹ ਕਰਨ ਦਾ ਫੈਸਲਾ ਲਿਆ। ਵਿਆਹ ਦੇ ਕੁਝ ਮਹੀਨੇ ਬਾਅਦ ਪੂਜਾ ਦਾ ਜਨਮ ਹੋਇਆ ਸੀ।
