ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਦੀ ਫਿਲਮ 'ਰੇਸ 3' ਈਦ 'ਤੇ ਭਾਵ 15 ਜੂਨ ਨੂੰ ਰਿਲੀਜ਼ ਹੋ ਰਹੀ ਹੈ। 'ਰੇਸ 3' ਦੀ ਸਕ੍ਰੀਨਿੰਗ ਬੀਤੇ ਮੰਗਲਵਾਰ ਨੂੰ ਰੱਖੀ ਗਈ, ਜਿਸ 'ਚ ਫਿਲਮ ਦੀ ਪੂਰੀ ਸਟਾਰ ਕਾਸਟ ਨਾਲ ਮਹਿੰਦਰ ਸਿੰਘ ਧੋਨੀ ਪਤਨੀ ਸਾਕਸ਼ੀ ਨਾਲ ਪਹੁੰਚੇ। ਉੱਥੇ ਸਲਮਾਨ ਦੇ ਛੋਟੇ ਭਰਾ ਸੋਹੇਲ ਖਾਨ ਵੀ ਪਤਨੀ ਸੀਮਾ ਨਾਲ ਸਕ੍ਰੀਨਿੰਗ 'ਚ ਨਜ਼ਰ ਆਏ। ਇਸ ਦੌਰਾਨ ਸੋਹੇਲ ਖਾਨ ਆਪਣੇ ਛੋਟੇ ਬੇਟੇ ਨੂੰ ਗੋਦ 'ਚ ਚੁੱਕੇ ਨਜ਼ਰ ਆਏ। ਇਨ੍ਹਾਂ ਤੋਂ ਇਲਾਵਾ ਬੌਬੀ ਦਿਓਲ, ਜੈਕਲੀਨ ਫਰਨਾਂਡੀਜ਼, ਡੇਜ਼ੀ ਸ਼ਾਹ, ਰੇਮੋ ਡਿਸੂਜ਼ਾ, ਸਾਕਿਬ ਸਲੀਮ, ਡੇਵਿਡ ਧਵਨ, ਹੁਮਾ ਕੁਰੈਸ਼ੀ, ਅਨਿਲ ਕਪੂਰ, ਰਮੇਸ਼ ਤੋਰਾਨੀ ਸਮੇਤ ਬਾਕੀ ਸੈਲੇਬਸ ਵੀ ਨਜ਼ਰ ਆਏ। ਜ਼ਿਕਰਯੋਗ ਹੈ ਕਿ ਫਿਲਮ 'ਰੇਸ 3' ਦੇ ਨਿਰਦੇਸ਼ਕ ਰੇਮੋ ਡਿਸੂਜ਼ਾ ਹਨ ਅਤੇ ਨਿਰਮਾਤਾ ਰਮੇਸ਼ ਤੋਰਾਨੀ ਹਨ।