ਮੁੰਬਈ(ਬਿਊਰੋ) — ਅੰਧੇਰੀ ਵਿਖੇ ਬੁੱਧਵਾਰ 28 ਸਾਲ ਦੇ ਇਕ ਨਵੇਂ ਟੀ. ਵੀ. ਕਲਾਕਾਰ ਰਾਹੁਲ ਦੀਕਸ਼ਿਤ ਨੇ ਕਥਿਤ ਤੌਰ 'ਤੇ ਆਤਮ–ਹੱਤਿਆ ਕਰ ਲਈ। ਇਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਉਸ ਨੇ ਲੋਖੰਡਵਾਲਾ ਸਥਿਤ ਆਪਣੇ ਨਿਵਾਸ ਵਿਖੇ ਫਾਂਸੀ ਲਾਈ।
ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਰਾਹੁਲ ਨੇ ਚਾਦਰ ਨਾਲ ਫਾਂਸੀ ਲਾ ਕੇ ਆਤਮ–ਹੱਤਿਆ ਕੀਤੀ।
ਉਸ ਨੂੰ ਇਕ ਨੇੜਲੇ ਹਸਪਤਾਲ ਲਿਜਾਇਆ ਗਿਆ, ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਕਰਾਰ ਦਿੱਤਾ। ਮੌਕੇ ਤੋਂ ਕੋਈ ਵੀ ਸੁਸਾਈਡ ਨੋਟ ਨਹੀਂ ਮਿਲਿਆ। ਆਤਮ–ਹੱਤਿਆ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ।
ਦੱਸ ਦਈਏ ਕਿ ਰਾਹੁਲ ਦੇ ਪਿਤਾ ਮਹੇਸ਼ ਦੀਕਸ਼ਿਤ ਬੇਟੇ ਦੀ ਮੌਤ ਦੀ ਖਬਰ ਸੁਣ ਕੇ ਸੁੰਨ ਹੋ ਗਏ। ਉਨ੍ਹਾਂ ਨੇ ਫੇਸਬੁੱਕ 'ਤੇ ਬੇਟੇ ਦੇ ਦਿਹਾਂਤ ਦਾ ਦੁੱਖ ਜ਼ਾਹਿਰ ਕੀਤਾ ਅਤੇ ਨਾਲ ਹੀ ਇਕ ਪੋਸਟ 'ਚ ਲਿਖਿਆ, ''ਇਸ ਦੁਨੀਆ ਨੂੰ ਕਿਉਂ ਛੱਡ ਕਰ ਚਲਾ ਗਿਆ, ਰਾਹੁਲ।
ਐਕਟਰ ਦੇ ਪਿਤਾ ਫੇਸਬੁੱਕ 'ਤੇ ਬੇਟੇ ਦੇ ਦਿਹਾਂਤ ਨਾਲ ਜੁੜੀਆਂ ਕਈ ਪੋਸਟਾਂ ਸ਼ੇਅਰ ਕਰ ਰਹੇ ਹਨ। ਉਨ੍ਹਾਂ ਨੇ ਰੁਪਾਲੀ ਕਸ਼ਅਪ ਨਾਂ ਦੀ ਮਹਿਲਾ ਨੂੰ ਬੇਟੇ ਦੇ ਸੁਸਾਈਡ ਲਈ ਜ਼ਿੰਮੇਦਾਰ ਦੱਸਿਆ ਹੈ।