ਮੁੰਬਈ(ਬਿਊਰੋ)– ਬਾਲੀਵੁੱਡ ਦੀ ਅਭਿਨੇਤਰੀ ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ਨੂੰ ਇਕ ਜ਼ਮੀਨ ਦੀ ਡੀਲਿੰਗ ਦੇ ਮਾਮਲੇ ਵਿਚ ਕੁਝ ਦਿਨ ਪਹਿਲਾਂ ਈ. ਡੀ. ਨੇ ਪੁੱਛਗਿੱਛ ਲਈ ਸੱਦਿਆ ਸੀ। ਰਾਜ ਕੁੰਦਰਾ ਇਸ ਕਾਰਨ ਬੇਹੱਦ ਨਾਰਾਜ਼ ਹਨ ਕਿ ਮੇਰੀ ਪਤਨੀ ਸ਼ਿਲਪਾ ਦਾ ਨਾਂ ਜਬਰੀ ਇਸ ਘਟਨਾ ਚੱਕਰ ਨਾਲ ਜੋੜਿਆ ਜਾ ਰਿਹਾ ਹੈ। ਉਹ ਇਸ ਸਬੰਧੀ ਮੀਡੀਆ ਨੂੰ ਨੋਟਿਸ ਭੇਜਣ ਦੀ ਤਿਆਰੀ ਵਿਚ ਹਨ।
ਰਾਜ ਕੁੰਦਰਾ ਨੇ ਪੂਰੇ ਮਾਮਲੇ ’ਤੇ ਆਪਣਾ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਈ. ਡੀ. ਨੇ ਕਿਸੇ ਹੋਰ ਮਾਮਲੇ ਵਿਚ ਪੁੱਛਗਿੱਛ ਲਈ ਮੈਨੂੰ ਸੱਦਿਆ ਸੀ ਪਰ ਪੂਰੇ ਮਾਮਲੇ ਵਿਚ ਸ਼ਿਲਪਾ ਦਾ ਨਾਂ ਐਵੇਂ ਹੀ ਜੋੜ ਦਿੱਤਾ ਗਿਆ। ਮੈਨੂੰ ਕਿਸੇ ਨੂੰ ਸਫਾਈ ਦੇਣ ਦੀ ਲੋੜ ਨਹੀਂ ਪਰ ਮੈਂ ਕੁਝ ਮੀਡੀਆ ਹਾਊਸਾਂ ਨਾਲ ਨਾਰਾਜ਼ ਹਾਂ, ਜਿਨ੍ਹਾਂ ਨੇ ਆਪਣੀਆਂ ਸੁਰਖੀਆਂ ਨੂੰ ਮਸਾਲੇਦਾਰ ਬਣਾਉਣ ਲਈ ਤੱਥਾਂ ਨੂੰ ਤੋੜ ਮਰੋੜ ਕੇ ਪੇਸ਼ ਕੀਤਾ।