ਮੁੰਬਈ— ਟੀ. ਵੀ. ਐਕਟਰ ਰਜਤ ਟੋਕਸ ਨੇ ਬੀਤੇ ਦਿਨ ਆਪਣਾ 25ਵਾਂ ਜਨਮਦਿਨ ਮਨਾਇਆ। ਟੀ.ਵੀ 'ਤੇ ਆਪਣੇ ਪੀਰੀਅਡ ਸ਼ੋਅਜ਼ 'ਚ ਨਿਭਾਏ ਕਿਰਦਾਰਾਂ ਦੇ ਕਾਰਨ ਕਾਫੀ ਮਸ਼ਹੂਰ ਹਨ। ਰਜਤ ਦੀ ਪ੍ਰੋਫੈਸ਼ਨਲ ਲਾਈਫ ਜਿੰਨੀ ਚਰਚਿਤ ਹੈ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਉਂਨੀ ਹੀ ਖਾਸ ਹੈ। ਰਜਤ ਨੇ 22 ਸਾਲ ਦੀ ਉਮਰ 'ਚ ਆਪਣੇ ਪ੍ਰੇਮਿਕਾ ਨਾਲ ਵਿਆਹ ਕਰ ਲਿਆ ਸੀ।
ਪਿਛਲੇ ਦਿਨੀਂ ਖ਼ਬਰ ਆਈ ਸੀ ਤਿ ਉਨ੍ਹਾਂ ਦਾ ਅਫੇਅਰ ਆਪਣੇ ਸ਼ੋਅ ਦੀ ਸਹਿ-ਅਦਾਕਾਰਾ ਨਾਲ ਚੱਲ ਰਿਹਾ ਹੈ। ਸਟਾਰ ਪਲੱਸ ਦੇ ਸ਼ੋਅ ਚੰਦਰ ਨੰਦਿਨੀ 'ਚ ਰਜਤ 'ਚੰਦਰਗੁਪਤ' ਦੇ ਰੋਲ 'ਚ ਨਜ਼ਰ ਆ ਰਹੇ ਹਨ। ਸ਼ੋਅ ਦੀ ਕਹਾਣੀ ਭਾਰਤ ਦੇ ਮਹਾਨ ਰਾਜਾ ਚੰਦਰਗੁਪਤ ਮੌਰਿਆ ਦੇ 'ਤੇ ਆਧਾਰਿਤ ਹੈ। ਇਸ ਸ਼ੋਅ 'ਚ ਉਨ੍ਹਾਂ ਨਾਲ ਅਦਾਕਾਰਾ ਸ਼ਵੇਤਾ ਪ੍ਰਸਾਦ ਬਸੁ ਲੀਡ ਰੋਲ 'ਚ ਨਜ਼ਰ ਆ ਰਹੀ ਹੈ।
ਰਜਤ ਇਸ ਤੋਂ ਪਹਿਲਾਂ ਧਰਤੀ ਦਾ ਵੀਰ ਯੋਧਾ ਪ੍ਰਿਥਵੀ ਚੌਹਾਨ 'ਚ ਪ੍ਰਿਥਵੀਰਾਜ ਚੌਹਾਨ ਅਤੇ ਜੋਧਾ ਅਕਬਰ ਨਾਂ ਦੇ ਸ਼ੋਅ 'ਚ ਬਾਦਸ਼ਾਹ ਅਕਬਰ ਦਾ ਕਿਰਦਾਰ ਨਿਭਾਅ ਚੁੱਕੇ ਹਨ। ਦੂਰਦਰਸ਼ਨ ਦੇ ਸੀਰੀਅਲ 'ਬਾਂਗੋ' ਨਾਲ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਰਜਤ ਨੇ ਸਟਾਰ ਪਲੱਸ ਦੇ ਸ਼ੋਅ ਪ੍ਰਿਥਵੀਰਾਜ ਚੌਹਾਨ ਆਪਣੀ ਪਛਾਣ ਲੋਕਾਂ ਵਿਚਕਾਰ ਬਣਾਈ।
ਰਜਤ ਨੇ ਦੋ ਸਾਲ ਪਹਿਲੇ 2015 'ਚ ਆਪਣੀ ਪ੍ਰੇਮਿਕਾ ਸ੍ਰਸ਼ਟੀ ਨਈਅਰ ਨਾਲ ਵਿਆਹ ਕੀਤਾ ਸੀ। ਪਿਛਲੇ ਦਿਨੀਂ ਖਬਰਾਂ ਆਈਆਂ ਸਨ ਕਿ ਰਜਤ ਦਾ ਐਕਸਟ੍ਰਾ ਮੈਰੀਟਲ ਅਫੇਅਰ ਚੱਲ ਰਿਹਾ ਹੈ। ਆ ਰਹੀਆਂ ਖਬਰਾਂ ਮੁਤਾਬਕ ਰਜਤ ਟੋਕਸ ਦਾ ਆਪਣੀ ਸਹਿ-ਅਦਾਕਾਰਾ ਤਨੂੰ ਖਾਨ ਨਾਲ ਅਫੇਅਰ ਚੱਲ ਰਿਹਾ ਹੈ।
ਤਨੂੰ ਸੀਰੀਅਲ 'ਚ ਹੀਨਾ ਦਾ ਰੋਲ ਨਿਭਾਅ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਅੱਜ-ਕੱਲ ਰਜਤ ਅਤੇ ਤਨੂੰ ਸੈੱਟ 'ਤੇ ਬਹੁਤ ਸਮੇਂ ਬਿਤਾਉਂਦੇ ਹਨ। ਇਨ੍ਹਾਂ ਸਾਰੀਆਂ ਗੱਲਾਂ ਦੇ ਬਾਵਜੂਦ ਰਜਤ ਨੇ ਇਨ੍ਹਾਂ ਸਾਰੀਆਂ ਗੱਲਾਂ ਨੂੰ ਗਲਤ ਦੱਸਿਆ ਹੈ।
ਜ਼ਿਕਰਯੋਗ ਹੈ ਕਿ ਰਜਤ ਦੀ ਪਤਨੀ ਸ੍ਰਿਸ਼ਟੀ ਨਈਅਰ ਬਾਲੀਵੁੱਡ ਐਕਟਰ ਆਰੀਅਨ ਬੱਬਰ ਦੀ ਸਾਬਕਾ ਪ੍ਰੇਮਿਕਾ ਸੀ।
