ਮੁੰਬਈ (ਬਿਊਰੋ) — ਸਾਊਥ ਦੇ ਸੁਪਰਸਟਾਰ ਰਜਨੀਕਾਂਤ ਦੀ ਧੀ ਸੌਂਦਰਿਆ 11 ਫਰਵਰੀ ਨੂੰ ਵਿਆਹੀ ਜਾਏਗੀ। ਵਿਆਹ ਤੋਂ ਪਹਿਲਾਂ ਜਸ਼ਨਾਂ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਸੋਸ਼ਲ ਮੀਡੀਆ 'ਤੇ ਵਿਆਹ ਦੀਆਂ ਕਾਫੀ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਸੌਂਦਰਿਆ ਅਦਾਕਾਰ ਵਿਸ਼ਗਨ ਵੰਗਾਮੁੜੀ ਨਾਲ ਦੂਜਾ ਵਿਆਹ ਕਰਵਾਏਗੀ।
ਸੋਸ਼ਲ ਮੀਡੀਆ 'ਤੇ ਸ਼ਨੀਵਾਰ ਨੂੰ ਵਿਆਹ ਦੀ ਪ੍ਰੀਵੈਡਿੰਗ ਦੀ ਵੀਡੀਓ ਵਾਇਰਲ ਹੋਈ ਹੈ, ਜਿਸ 'ਚ ਪੂਰਾ ਪਰਿਵਾਰ ਰਜਨੀਕਾਂਤ ਦੇ ਮਸ਼ਹੂਰ ਗੀਤ 'ਤੇ ਡਾਂਸ ਕਰ ਰਿਹਾ ਹੈ।
ਇਕ ਵੀਡੀਓ 'ਚ ਰਜਨੀਕਾਂਤ ਆਪਣੇ ਗੀਤ 'Oruvan Oruvan Mudhalali' 'ਤੇ ਨੱਚਦੇ ਨਜ਼ਰ ਆ ਰਹੇ ਹਨ। ਇਸ ਤੋਂ ਇਲਾਵਾ ਰਜਨੀਕਾਂਤ ਦੀ ਇਕ ਤਸਵੀਰ ਵੀ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਉਹ ਆਪਣੇ ਪੋਤੇ ਨਾਲ ਖੇਡਦੇ ਨਜ਼ਰ ਆ ਰਹੇ ਹਨ।
11 ਫਰਵਰੀ ਨੂੰ ਸੌਂਦਰਿਆ ਦਾ ਵਿਆਹ ਹੋਵੇਗਾ ਅਤੇ 12 ਨੂੰ ਰਜਨੀਕਾਂਤ ਦੇ ਘਰ ਗਰਾਂਡ ਰਿਸੈਪਸ਼ਨ ਹੋਏਗੀ। ਵਿਆਹ ਤੋਂ ਪਹਿਲਾਂ ਵੀ ਪਾਰਟੀ ਕੀਤੀ ਗਈ ਸੀ। ਦੱਸ ਦਈਏ ਕਿ ਇਹ ਸੌਂਦਰਿਆ ਦਾ ਦੂਜਾ ਵਿਆਹ ਹੈ।
ਇਸ ਤੋਂ ਪਹਿਲਾਂ ਉਸ ਦਾ ਕਾਰੋਬਾਰੀ ਅਸ਼ਵਨੀ ਰਾਜਕੁਮਾਰ ਨਾਲ ਵਿਆਹ ਹੋਇਆ ਸੀ, ਜੋ ਜ਼ਿਆਦਾ ਦੇਰ ਤੱਕ ਟਿੱਕ ਨਹੀਂ ਸਕਿਆ। ਸਾਲ 2017 'ਚ ਦੋਵਾਂ ਦਾ ਤਲਾਕ ਹੋ ਗਿਆ। ਸੌਂਦਰਿਆ ਦਾ 4 ਸਾਲ ਦਾ ਬੱਚਾ ਵੀ ਹੈ।
