ਮੁੰਬਈ(ਬਿਊਰੋ)— ਬਾਲੀਵੁੱਡ ਡਰਾਮਾ ਕੁਈਨ ਰਾਖੀ ਸਾਵੰਤ ਹਰ ਮੁੱਦੇ 'ਤੇ ਆਪਣੀ ਰਾਏ ਰੱਖਦੀ ਹੈ। ਗੱਲ ਭਾਵੇਂ ਕਿਸੇ 'ਤੇ ਕੁਮੈਂਟ ਕਰਨ ਦੀ ਹੋਵੇ ਜਾ ਫਿਰ ਆਪਣੀ ਪੌਲੀਟਿਕਲ ਪਾਰਟੀ ਬਣਾਉਣ ਦੀ ਉਹ ਬਖੂਬੀ ਮੀਡੀਆ ਦਾ ਧਿਆਨ ਆਪਣਾ ਵੱਲ ਆਕਰਸ਼ਿਤ ਕਰਨਾ ਜਾਣਦੀ ਹੈ। ਹਰ ਗੱਲ 'ਚ ਆਪਣਾ ਵੱਖਰਾ ਨਜਰੀਆ ਰੱਖਣ ਵਾਲੀ ਰਾਖੀ ਫਿਲਹਾਲ ਬਾਲੀਵੁੱਡ ਤੋਂ ਦੂਰ ਹੈ।
ਉਸ ਕੋਲ ਹੁਣ ਨਾ ਤਾਂ ਕੋਈ ਵਿਗਿਆਪਨ ਤੇ ਨਾ ਹੀ ਕੋਈ ਫਿਲਮ ਹੈ ਪਰ ਮਾਣਹਾਨੀ ਦਾ ਕੇਸ ਕਰਨ 'ਚ ਉਹ ਸਭ ਤੋਂ ਅੱਗੇ ਰਹਿੰਦੀ ਹੈ। ਹਾਲ ਹੀ 'ਚ ਜਦੋਂ ਤਨੁਸ਼੍ਰੀ ਨੇ ਰਾਖੀ ਸਾਵੰਤ 'ਤੇ 10 ਕਰੋੜ ਦਾ ਮਾਣਹਾਨੀ ਦਾ ਕੇਸ ਕੀਤਾ ਤਾਂ ਰਾਖੀ ਨੇ ਜਵਾਬ 'ਚ 50 ਕਰੋੜ ਦੇ ਕੇਸ ਦੀ ਧਮਕੀ ਦੇ ਦਿੱਤੀ।
ਫਿਲਮ 'ਅਗਨੀਚੱਕਰ' ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਰਾਖੀ ਨੇ ਬਾਲੀਵੁੱਡ 'ਚ ਕਈ ਹਿੱਟ ਆਈਟਮ ਗੀਤ ਦਿੱਤੇ ਹਨ। ਇਨ੍ਹਾਂ ਹੀ ਨਹੀਂ ਰਾਖੀ ਨੇ ਆਪਮੀ ਗੱਲਾਂ ਨਾਲ ਮੀਡੀਆ 'ਚ ਕਾਪੀ ਲਾਈਮਲਾਈਟ ਲੁੱਟੀ ਪਰ ਉਸ ਤੋਂ ਜ਼ਿਆਦਾਤਰ ਉਹ ਆਪਣੇ ਖਰਾਬ ਕੱਪੜਿਆਂ ਕਾਰਨ ਚਰਚਾ 'ਚ ਰਹੀ ਹੈ।
ਰਾਖੀ ਸਾਵੰਤ ਨੇ ਸਾਲ 2009 'ਚ ਰਿਐਲਿਟੀ ਸ਼ੋਅ 'ਚ ਟੋਰਾਂਟੋ ਦੇ ਇਕ ਪ੍ਰਤੀਯੋਗੀ ਨਾਲ ਵਿਆਹ ਕਰਵਾ ਲਿਆ ਸੀ ਤੇ ਕੁਝ ਮਹੀਨੇ ਬਾਅਦ ਹੀ ਵੱਖ ਹੋਣ ਦਾ ਐਲਾਨ ਕਰ ਦਿੱਤਾ ਸੀ।
ਜੇਕਰ ਰਾਖੀ ਸਾਵੰਤ ਦੀ ਸੰਪਤੀ ਦੀ ਗੱਲ ਕਰੀਏ ਤਾਂ ਉਸ ਕੋਲ ਮੁੰਬਈ 'ਚ ਦੋ ਫੈਲਟ ਹਨ ਤੇ ਇਕ ਬੰਗਲਾ ਹੈ, ਜਿਸ ਦੀ ਕੀਮਤ 11 ਕਰੋੜ ਰੁਪਏ ਹੈ। ਇਨ੍ਹਾਂ ਹੀ ਨਹੀਂ ਇੰਟਰਨੈੱਟ 'ਤੇ ਮੌਜੂਦ ਆਂਕੜਿਆਂ ਦੀ ਮੰਨੀਏ ਤਾਂ ਰਾਖੀ ਕਰੀਬ 30 ਕਰੋੜ ਦੀ ਸੰਪਤੀ ਦੀ ਮਾਲਕਨ ਹੈ ਤੇ ਇਹ ਸੰਪਤੀ ਉਸ ਨੇ ਖੁਦ ਬਣਾਈ ਹੈ।
ਰਾਖੀ ਕੋਲ 21.6 ਲੱਖ ਰੁਪਏ ਦੀ ਸ਼ਾਨਦਾਰ ਗੱਡੀ ਹੈ। ਰਾਖੀ ਦੀ ਕਮਾਈ ਜ਼ਿਆਦਾਤਰ ਸਟੇਜ ਪ੍ਰਫਾਰਮੈਂਸ ਤੋਂ ਆਉਂਦੀ ਹੈ।
