ਮੁੰਬਈ(ਬਿਊਰੋ)- ਰਾਖੀ ਸਾਵੰਤ ਸੋਸ਼ਲ ਮੀਡੀਆ ’ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਹ ਅਕਸਰ ਆਪਣੇ ਫੈਨਜ਼ ਲਈ ਸੋਸ਼ਲ ਮੀਡੀਆ ’ਤੇ ਤਸਵੀਰਾਂ ਤੇ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ। ਉਂਝ ਵਿਆਹ ਤੋਂ ਬਾਅਦ ਤੋਂ ਹੀ ਰਾਖੀ ਕਾਫੀ ਸੁਰਖੀਆਂ ’ਚ ਬਣੀ ਹੋਈ ਹੈ। ਅਜਿਹੇ ’ਚ ਕੁਝ ਦਿਨ ਪਹਿਲਾਂ ਪੋਸਟ ਕੀਤੇ ਗਏ ਰਾਖੀ ਦੇ ਇਕ ਵੀਡੀਓ ਦਾ ਸੱਚ ਸਾਹਮਣੇ ਆਇਆ ਹੈ। ਦਰਅਸਲ ਜੋ ਵੀਡੀਓ ਰਾਖੀ ਨੇ ਸ਼ੇਅਰ ਕੀਤਾ ਸੀ, ਉਸ ’ਚ ਉਹ ਹਲਵਾ ਬਣਾਉਂਦੀ ਨਜ਼ਰ ਆ ਰਹੀ ਹੈ।
ਇਸ ਵੀਡੀਓ ਨੂੰ ਦੇਖ ਕੇ ਰਾਖੀ ਦੇ ਪ੍ਰਸ਼ੰਸਕਾਂ ਨੇ ਨਾਂ ਸਿਰਫ ਉਸ ਦਾ ਝੂਠ ਫੜ੍ਹਿਆ ਸਗੋਂ ਉਸ ਨੂੰ ਉਸ ਦੇ ਇਸ ਝੂਠ ਲਈ ਟਰੋਲ ਵੀ ਕੀਤਾ, ਜਿਸ ਕਰਕੇ ਰਾਖੀ ਨੂੰ ਇਹ ਵੀਡੀਓ ਹਟਾਉਣੀ ਪਈ ਪਰ ਰਾਖੀ ਦੀ ਇਹ ਵੀਡੀਓ ਕੁਝ ਯੂ-ਟਿਊਬ ਚੈਨਲ ਤੇ ਪਈ ਹੋਈ ਹੈ । ਰਾਖੀ ਦੀ ਵੀਡੀਓ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਵੀਡੀਓ ਵਿਚ ਰਾਖੀ ਕਹਿ ਰਹੀ ਹੈ ਕਿ ਉਹ ਯੂ.ਕੇ. ’ਚ ਆਪਣੇ ਪਤੀ ਦੇ ਨਾਲ ਹੈ ਪਰ ਜਿਸ ਕਿਚਨ ਵਿਚ ਉਹ ਹਲਵਾ ਬਣਾਉਂਦੀ ਹੋਈ ਨਜ਼ਰ ਆ ਰਹੀ ਹੈ ਉਹ ਬਿਲਕੁਲ ਦੇਸੀ ਸਟਾਈਲ ਦਾ ਹੈ।
ਇਸ ਵੀਡੀਓ ਵਿਚ ਉਸ ਨਾਲ ਇਕ ਹਿੰਦੂਸਤਾਨੀ ਮੇਡ ਵੀ ਨਜ਼ਰ ਆ ਰਹੀ ਹੈ। ਜਿਸ ਤੋਂ ਸਾਫ ਪਤਾ ਲੱਗ ਰਿਹਾ ਹੈ ਕਿ ਰਾਖੀ ਇੰਡਲੈਂਡ ਨਹੀਂ ਬਲਕਿ ਭਾਰਤ ਵਿਚ ਹੀ ਹੈ । ਰਾਖੀ ਦੀ ਇਸ ਵੀਡੀਓ ਨੂੰ ਦੇਖ ਕੇ ਜਦੋਂ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੇ ਰਾਖੀ ਦਾ ਝੂਠ ਫੜ੍ਹ ਲਿਆ ਤਾਂ ਉਨ੍ਹਾਂ ਨੇ ਤੁਰੰਤ ਇੰਸਟਾਗ੍ਰਾਮ ਤੋਂ ਇਹ ਵੀਡੀਓ ਹਟਾ ਦਿੱਤਾ।