ਮੁੰਬਈ(ਬਿਊਰੋ)- ਬਾਲੀਵੁੱਡ ਦੀ ਡਰਾਮਾ ਕਵੀਨ ਦੇ ਨਾਮ ਨਾਲ ਮਸ਼ਹੂਰ ਹੋਈ ਰਾਖੀ ਸਾਵੰਤ ਅਕਸਰ ਆਪਣੇ NRI ਪਤੀ ਕਾਰਨ ਚਰਚਾ ’ਚ ਹੈ। ਰਾਖੀ ਨੇ ਆਪਣੇ ਪਤੀ ਦਾ ਨਾਮ ਰਿਤੇਸ਼ ਦੱਸਿਆ ਹੈ। ਹਾਲਾਂਕਿ ਅਜੇ ਤੱਕ ਰਾਖੀ ਨੇ ਦੁਨੀਆ ਵਾਲਿਆਂ ਨੂੰ ਆਪਣੇ ਪਤੀ ਨਾਲ ਨਹੀਂ ਮਿਲਵਾਇਆ ਹੈ। ਇਸੇ ਵਿਚਕਾਰ ਹੁਣ ਰਾਖੀ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਮਾਂ ਬਣਨ ਵਾਲੀ ਹੈ। ਹਾਲ ਹੀ ’ਚ ਰਾਖੀ ਨੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ, ਉਸ ’ਚ ਉਹ ਕਹਿ ਰਹੀ ਹੈ ਕਿ ਉਹ ਗਰਭਵਤੀ ਹੈ। ਦਰਅਸਲ ਰਾਖੀ ਦਾ ਇਹ ਇਕ ਫਨੀ ਵੀਡੀਓ ਹੈ, ਜਿਸ ’ਚ ਉਹ ਕਹਿ ਰਹੀ ਹੈ ‘ਜਾਨੂੰ ਮੈਂ ਮਾਂ ਬਣਨ ਜਾ ਰਹੀਂ ਹਾਂ, ਇਹ ਕਿਸ ਤਰ੍ਹਾਂ ਹੋ ਸਕਦਾ ਹੈ, ਮੈਂ ਤਾਂ ਇੰਗਲੈਂਡ ’ਚ ਸੀ।
ਦੱਸ ਦੇਈਏ ਕਿ ਰਾਖੀ ਨੇ ਕੁਝ ਦਿਨ ਪਹਿਲਾਂ ਖੁਲਾਸਾ ਕੀਤਾ ਸੀ ਕਿ ਉਸ ਨੇ ਰਿਤੇਸ਼ ਨਾਂ ਦੇ ਐੱਨ ਆਰ ਆਈ ਨਾਲ ਵਿਆਹ ਕਰ ਲਿਆ ਹੈ । ਇਸ ਤੋਂ ਬਾਅਦ ਰਾਖੀ ਨੇ ਕਈ ਇੰਟਰਵਿਊ ਦਿੱਤੇ ਤੇ ਸੋਸ਼ਲ ਮੀਡੀਆ ’ਤੇ ਖੁਲਾਸਾ ਕੀਤਾ ਕਿ ਉਸ ਨੇ ਵਿਆਹ ਕਰਵਾ ਲਿਆ ਹੈ।