ਮੁੰਬਈ (ਬਿਊਰੋ)— ਟੀ. ਵੀ. ਦੀ ਮਸ਼ਹੂਰ ਅਦਾਕਾਰਾ ਰਕਸ਼ੰਦਾ ਖਾਨ ਦਾ ਅੱਜ ਜਨਮਦਿਨ ਹੈ। ਉਹ ਟੀ. ਵੀ. ਦੀ ਦੁਨੀਆ ਦਾ ਮਸ਼ਹੂਰ ਨਾਂ ਹੈ, ਜੋ ਖਾਸ ਕਰ ਕੇ ਆਪਣੇ ਨੈਗੇਟਿਵ ਰੋਲ ਲਈ ਜਾਣੀ ਜਾਂਦੀ ਹੈ। ਰਕਸ਼ੰਦਾ ਕੁਝ ਸਮੇਂ ਪਹਿਲੇ ਜ਼ੀ ਟੀ. ਵੀ. ਦੇ ਸੀਰੀਅਲ 'ਬ੍ਰਹਿਮਰਾਕਸ਼ਸ-ਜਾਗ ਉਠਾ ਸ਼ੈਤਾਨ' 'ਚ ਨਜ਼ਰ ਆਈ ਸੀ। ਇਸ ਸੀਰੀਅਲ ਨਾਲ ਉਨ੍ਹਾਂ ਨੇ ਟੀ. ਵੀ. 'ਤੇ ਤਿੰਨ ਸਾਲਾਂ ਬਾਅਦ ਵਾਪਸੀ ਕੀਤੀ ਸੀ। ਇਸ ਤੋਂ ਪਹਿਲਾਂ ਉਹ 'ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ', 'ਹਮ ਪਾਂਚ', 'ਕਸਮ ਸੇ', 'ਪਵਿੱਤਰ ਰਿਸ਼ਤਾ', 'ਜੋਧਾ ਅਕਬਰ' ਅਤੇ 'ਕੁਮਕੁਮ ਭਾਗਿਆ' ਵਰਗੇ ਮਸ਼ਹੂਰ ਸੀਰੀਅਲਜ਼ 'ਚ ਕੰਮ ਕਰ ਚੁੱਕੀ ਹੈ।
ਜਾਣਕਾਰੀ ਮੁਤਾਬਕ ਰਕਸ਼ੰਦਾ ਦੀ ਲਵ ਲਾਈਫ ਬੇਹੱਦ ਦਿਲਚਸਪ ਅਤੇ ਫਿਲਮੀ ਹੈ, ਜਿੱਥੇ ਲੜਕਾ-ਲੜਕੀ ਦਾ ਮਿਲਣਾ, ਪਿਆਰ ਹੋਣਾ, ਘਰਵਾਲਿਆਂ ਦਾ ਨਾ ਮੰਨਣਾ ਅਤੇ ਅੰਤ 'ਚ ਹੈਪੀ ਐਂਡਿੰਗ। ਉਨ੍ਹਾਂ ਨੇ ਐਕਟਰ ਸਚਿਨ ਤਿਆਗੀ ਨਾਲ ਵਿਆਹ ਕੀਤਾ ਹੈ।
ਦੋਵੇਂ ਟੀ. ਵੀ. ਦੇ ਮੋਸਟ ਲਵਿੰਗ ਕੱਪਲਜ਼ 'ਚੋਂ ਇਕ ਹਨ। ਦੋਵੇਂ ਜਦੋਂ ਵੀ ਇੱਕਠੇ ਆਉਂਦੇ ਤਾਂ ਉਨ੍ਹਾਂ ਦੀ ਕੈਮਿਸਟਰੀ ਚਾਰ-ਚੰਨ ਲਗਾ ਦਿੰਦੀ ਹੈ। ਸਚਿਨ ਨੂੰ ਰਕਸ਼ੰਦਾ ਲਈ ਬਹੁਤ ਪਸੰਦ ਹੈ। ਜ਼ਿਕਰਯੋਗ ਹੈ ਕਿ ਜਦੋਂ ਵੀ ਸਚਿਨ ਆਪਣੀ ਖÎੂਬਸੂਰਤ ਪਤਨੀ ਲਈ ਗੀਤ ਗਾਉਂਦੇ ਹਨ ਤਾਂ ਉਹ ਰੋ ਪੈਂਦੀ ਹੈ।
ਇਨ੍ਹਾਂ ਦੋਹਾਂ ਦੇ ਪਿਆਰ ਨੂੰ ਮੰਜ਼ਿਲ ਮਿਲਣੀ ਕੋਈ ਸੌਖਾ ਕੰਮ ਨਹੀਂ ਸੀ। ਦੋਹਾਂ ਦਾ ਪਿਆਰ ਵਿਚਕਾਰ ਧਰਮ ਤੇ ਜਾਤ ਦੀਆਂ ਦੀਵਾਰਾਂ ਖੜ੍ਹੀਆਂ ਸਨ। ਰਕਸ਼ੰਦਾ ਮੁਸਲਿਮ ਸੀ ਤਾਂ ਸਚਿਨ ਹਿੰਦੂ। ਇਸ ਤੋਂ ਇਲਾਵਾ ਸਚਿਨ ਤਲਾਕਸ਼ੁਦਾ ਵੀ ਸਨ।
ਜਦੋਂ ਘਰ ਵਾਲਿਆਂ ਨੂੰ ਇਸ ਪਿਆਰ ਦੇ ਬਾਰੇ 'ਚ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਮਨਜ਼ੂਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਪਰ ਅੰਤ 'ਚ ਦੋਹਾਂ ਦਾ ਪਿਆ ਜਿੱਤ ਗਿਆ ਅਤੇ 2014 'ਚ ਇਨ੍ਹਾਂ ਦਾ ਵਿਆਹ ਹੋ ਗਿਆ। ਅੱਜ ਇਨ੍ਹਾਂ ਦੋਹਾਂ ਦੀ ਇਕ ਪਿਆਰ ਜਿਹੀ ਬੇਟੀ ਹੈ।
