ਮੁੰਬਈ (ਬਿਊਰੋ)— ਬਾਲੀਵੁੱਡ ਐਕਟਰ ਸਲਮਾਨ ਖਾਨ ਨਾਲ 90 ਦੇ ਦਹਾਕੇ 'ਚ 'ਬੰਧਨ' ਅਤੇ 'ਜੁੜਵਾ' ਵਰਗੀਆਂ ਹਿੱਟ ਫਿਲਮਾਂ ਦੇਣ ਵਾਲੀ ਮਸ਼ਹੂਰ ਅਦਕਾਰਾ ਰੰਭਾ ਇਕ ਵਾਰ ਫਿਰ ਚਰਚਾ 'ਚ ਹੈ।
ਰੰਭਾ 39 ਸਾਲ ਦੀ ਹੈ ਅਤੇ ਉਹ ਗਰਭਵਤੀ ਹੈ। ਰੰਭਾ ਨੇ ਆਪਣੀ ਗਰਭ ਅਵਸਥੀ ਨੂੰ ਖੁਦ ਕਨਫਰਮ ਕੀਤਾ ਹੈ।
ਰੰਭਾ ਨੇ ਸੋਸ਼ਲ ਮੀਡੀਆ 'ਤੇ ਬੇਬੀ ਬੰਪ ਨਾਲ ਇਕ ਤਸਵੀਰ ਸ਼ੇਅਰ ਕੀਤੀ ਹੈ।
ਤਸਵੀਰ ਸ਼ੇਅਰ ਕਰਦੇ ਹੋਏ ਰੰਭਾ ਨੇ ਲਿਖਿਆ, ''ਇਹ ਬੇਹੱਦ ਖੁਸ਼ੀ ਦਾ ਪਲ ਹੈ। ਮੈਂ ਇਹ ਖੁਸ਼ਖਬਰੀ ਤੁਹਾਡੇ ਨਾਲ ਸ਼ੇਅਰ ਕਰਨਾ ਚਾਹੁੰਦੀ ਹਾਂ।
ਮੈਂ ਗਰਭਵਤੀ ਹਾਂ ਅਤੇ ਅਸੀਂ ਤੀਜੇ ਬੱਚੇ ਦੇ ਮਾਤਾ-ਪਿਤਾ ਬਣਨ ਵਾਲੇ ਹਨ। ਬੇਬੀ ਬੰਪ ਨਾਲ ਤਸਵੀਰ ਸ਼ੇਅਰ ਕਰਦੇ ਹੋਏ ਮਾਣ ਮਹਿਸੂਸ ਕਰ ਰਹੀ ਹਾਂ।
ਮੈਂ ਦੱਸ ਨਹੀਂ ਸਕਦੀ ਕਿ ਮੈਂ ਕਿੰਨੀ ਖੁਸ਼ ਹਾਂ। ਮੇਰੀ ਅਤੇ ਮੇਰੇ ਪਰਿਵਾਰ ਲਈ ਦੁਆ ਕਰੋ।''ਜ਼ਿਕਰਯੋਗ ਹੈ ਕਿ ਫਿਲਹਾਲ ਰੰਭਾ ਦੋ ਬੇਟੀਆਂ ਦੀ ਮਾਂ ਹੈ।
ਰੰਭਾ ਦੀਆਂ ਬੇਟੀਆਂ ਦੇ ਨਾਂ ਲਾਣਿਆ ਅਤੇ ਸਾਸ਼ਾ ਹੈ। ਲਾਣਿਆ 7 ਸਾਲ ਦੀ ਹੈ ਅਤੇ ਸਾਸ਼ਾ 4 ਸਾਲ ਦੀ।
ਰੰਭਾ ਨੇ ਸਾਲ 2018 'ਚ ਬਿਜ਼ਨੈੱਸਮੈਨ ਇੰਦਰਨ ਪਦਮਾਨਾਥਨ ਨਾਲ ਵਿਆਹ ਕੀਤਾ ਸੀ ਅਤੇ ਕੈਨੇਡਾ 'ਚ ਸ਼ਿਫਟ ਹੋ ਗਈ ਸੀ।ਪਿਛਲੇ ਸਾਲ ਦੋਹਾਂ ਦਾ ਵਿਆਹ ਟੁੱਟਣ ਵਾਲਾ ਸੀ। ਰੰਭਾ ਦੇ ਪਤੀ ਨੇ ਕੋਰਟ 'ਚ ਕੇਸ ਵੀ ਕਰ ਦਿੱਤਾ ਸੀ ਪਰ ਕੁਝ ਦਿਨ ਬਾਅਦ ਖਬਰ ਆਈ ਕਿ ਦੋਹਾਂ ਦਾ ਮਾਮਲਾ ਸੁਲਝ ਗਿਆ ਹੈ।
ਆਪਣੀ ਲੜਾਈ ਸੁਲਝਾਉਣ ਲਈ ਦੋਹਾਂ ਨੇ ਕਾਊਂਸਲਿੰਗ ਦਾ ਸਹਾਰਾ ਲਿਆ ਸੀ।ਰੰਭਾ ਨੇ ਹਿੰਦੀ ਤੋਂ ਇਲਾਵਾ ਤਮਿਲ, ਤੇਲੁਗੂ, ਕੰਨੜ ਅਤੇ ਮਲਿਆਮਲ ਭਾਸ਼ਾ 'ਚ ਵੀ ਫਿਲਮਾਂ ਕੀਤੀਆਂ ਹਨ।
90 ਦੇ ਦਹਾਕੇ 'ਚ ਰੰਭਾ ਫਿਲਮ ਇੰਡਸਟਰੀ ਦਾ ਮਸ਼ਹੂਰ ਚਿਹਰਾ ਹੁੰਦਾ ਸੀ। ਰੰਭਾ ਨੇ ਆਪਣੇ ਕਰੀਅਰ 'ਚ ਕੁੱਲ 100 ਫਿਲਮਾਂ ਕੀਤੀਆਂ ਸਨ।
ਆਪਣੇ ਸਮੇਂ 'ਤੇ ਰੰਭਾ ਸੈਂਸੇਸ਼ਨ ਸਟਾਰ ਸੀ। ਇਸ ਤੋਂ ਇਲਾਵਾ ਉਹ ਇਕ ਬਹੁਤ ਚੰਗੀ ਡਾਂਸਰ ਵੀ ਹੈ। ਸਲਮਾਨ ਖਾਨ ਨਾਲ ਉਨ੍ਹਾਂ ਦੀ ਫਿਲਮ 'ਜੁੜਵਾ' ਸੁਪਰਹਿੱਟ ਰਹੀ ਸੀ।
ਸੋਸ਼ਲ ਮੀਡੀਆ 'ਤੇ ਐਕਟਿਵ ਰੰਭਾ ਅਕਸਰ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ।
